Higalioli 3:4 - Ma Jou ai Demo-demo o Totobelohoka

⁴ De o Basana ma tonakoka gea naga ma tonaka moi ihiromanga o Agobo, de genangoka naga ma koano ai kota moributaanga. De gea ngone hahikala manga kota mata-mataika hiadono moioo de ko iwa abe ko hahikalaua.

Higalioli 3:4 ပူးပေါင်းရင်းမြစ်များ

Gegetongo 21:35

De igoungu, o Isiraele ma nyawa yolaku de o koano o Ogo iwitoma de to una ai ngofa-ngofaka o nau-nauru onangoo yahidotomaka. De o Isiraele manga tentara yogila-gila ai nyawa yatoma ka hiadono o Ogo ai kokawaahaoo yatomaka ka hiadono ko moiokaua. Ho gea o Amori ma nyawa manga tonaka mata-mataika idadi o Isiraele ma nyawa to onangoli manga tonaka.

Higalioli 3:13

De ahao o Gileada ma regu moioli de o Basana ma tonaka mata-mataika, abe ma dihiraino de o Ogo wahikoano genangoka, ma tonaka gea tahidoaka o Manase ma nyawaika.” De o Basana ma tonaka ma dobiki abe ihiromanga o Agobo, ma dihiraino de gea mata-mata o nyawa ihiromanga dika o Refaimi ma nyawa manga tonaka.

Higalioli 3:14

De nanga gianongoru o Yairi abe una o Manase manga dutuino, una gea wahihira ai nyawa la yahikala o Agobo ma tonaka mata-mata o Basanoka. De gea yahikala ka hiadono o Gesuru ma nyawa de o Maka ma nyawa manga hiribatingika. De gea wahikala ipaha de ahao wohiromangoli ma tonaka gea wato o Yairi ai kapo-kapongo. De ngaro hiadono ma oraha naa naga masara ka hokogenangohi ma tonaka gea ma romanga.

Higalioli 3:3

“Ho nanga Jou wonahidoaka o Ogo de ai kokawaaha mata-mata nanga giama ma hoatino, de ngone hakokihohonenge ona mata-mata. Abe o nyawa moioo de ko yaiwaka, ho ona yohotumoka.

Higalioli 3:5

De ma kota homoi-homoi gea duru ipoputurungu angamoi naga to ena ma dadaduhu ma gogurutiye, de ma dadaduhu ma ngorana atatoko de ma dadatoko abe o behino yodiai. Masara ngaro hokogea ma bobuturungu masara ka idadi hahikala mata-mataika. De nagali manga kapongo muruono naga abe ko iwa ma dadaduhu, de enangoo hahikala ka ma moi de manga kota-kota.