Higalioli 3:22 - Ma Jou ai Demo-demo o Totobelohoka

²² Ho ngaro ufa dika de ngini niamodongo ma nyawa genangoka, angamoi to ngona ani Jou ahao Una ma hirete wahimanga de waparangi onangika.’ Hokogea ahi huhuloko ma demo o Yosuaika.”

Higalioli 3:22 ပူးပေါင်းရင်းမြစ်များ

2 Tawari 20:17

De ngini ahao nimatatorika imaketero hoka nimahidiai la duru niaparangi onangika masara ngaro ufa ngini niangika de niaparangi angamoi Ngohi Ma Jou o Yawe ahao todiai moi manga hidogoronaka la hiadono tinihihupu manga giamino. Ho itebini ka idadi nisobo dika o tentara gea niahimanga de Ngohi Ma Jou o Yawe naga nginioka.’” Hokogea Ma Jou ai demo abe wahitomoroini ai nyawaika abe o Yahasiele wadofanga ona mata-mataika.

2 Tawari 20:29

De ahao o homoa ma nyawa abe yogogere ma tonaka manga date-datekino abe onangoo de manga koanoka ka de yoihene ma ade-ade gea abe hokokia Ma Jou o Yawe waparangi o Isiraele ma nyawa manga musuika de duru yalufungoka de manga heranga ma hawana.

Nehemia 4:20

Ho ngohi de ahi dodiawo naa abe wao-ao ai guguli minidulu-dulu moduku nia karajaanga ma goronaka de nako naga itodokanino nanga musu inaparangi una ai guguli wawuwu la itemo kohaamokiye. Ho nako ka de niihene ai guguli wawuwu de ngini utu kiani nimataiti niboa ngomino. Hokogea ngone hodiai de abeika Ma Jou ahao waparangi nanga musuika!” Hokogea totemo de ona ihigihene.

Huhupu 14:14

Ma Jou o Yawe Una dika waparangi onangika de ngini ko idadiua nimaduhunu ho ngini nimarii-riidoka dika.” Hokogea o Musa wahiriidi.

Huhupu 14:25

Ho wodiai la manga goroba wohihodoa hiadono ma bola iloliti ibole-boleoka hiadono utu ma kuda ko akunokaua manga goroba yatauru ho hiadono yokangela yogila-gila yakiniiki. De manga kangela ma goronaka de o Mesiiri ma nyawa duru yohawana ato, “Ei, kiani hoara dika! Naa Ma Jou o Yawe wonaparangi ngoneino de o Isiraele ma nyawa waduhunu ho kiani ngone hoara.” Hokogea manga hawana ma demo abe Ma Jou wahikapusakoka.

Gegetongo 21:34

Masara Ma Jou o Yawe wihingahu o Musaika wato, “Ufa ngini niwimodongo o Amori ma nyawa manga koano o Ogoika gea. De angamoi tinihidoakoka o lolaku nginika ho niwiparangi dika ka hiadono una de ai tentara niahikala de to una ai kokawaaha manga tonaka mata-mataika ka idadi nimale. Ngini nidiai unangika abe imaketero hoka nidiai o koano o Sihonika abe wahikoano o Amori ma nyawa abe yogogere o Hesebono ma kotaka.” Hokogea Ma Jou witemo o Musaika de unangoli Ma Jou ai hingahu gea wadofanga o Isiraele ma nyawaika.

Higalioli 1:30

Angamoi ti ngini nia Jou o Yawe, Una gea wohira wowohamika de walawana ma nyawa gea la winidemo ngini, abe imaketero hoka ma dodihiraino de Una walawana o Mesiiri ma nyawaika.

Higalioli 3:21

“De ma oraha gea ngohi tihuloko o Yosuaika tato, ‘Ngona ma hirete namakeoka Ma Jou ai datoro mata-mata abe wodiaioka la wahikala ma koano yahinooto naangoka. De hokogenangoo ahao wodiai manga koano mata-mataika abe ngini ahao niahimanga doka o Yorodani ma akere ma honongaka.

Higalioli 3:23

“De ahao ngohi duru tomagahoko Ma Jouika tato,

Yosua 10:42

Abe o Yosua de ai tentara ma nyawa yahikala ma kokoano de ma tonaka mata-mata gea abe manga dodagi moioka dika. De to ona manga hiakunu la ka idadi yahikala hokogea duru ihititi manga Jou o Yaweoka, angamoi Una duru waduhunu ai nyawaika ma oraha ona yaparangi o homoa ma nyawaika.

Yosua 23:10

De ngaro o parangi ma goronaka de abeika nanga duduhunu Ma Jou o Yaweino, abe idadioka hiadono ngini o nau-nauru ngaro ka womatengo dika masara Ma Jou wihiakunu la ai musu waloaroka yasana moi. De gea duru womahitaana abe nia Jou, Ma Jou o Yawe, waparangi onangika duru imaketero hoka winihibehehongoka nginika.