Higalioli 3:19 - Ma Jou ai Demo-demo o Totobelohoka

¹⁹ Masara nako to ona manga feka-fekata de manga ngofa-ngofaka de manga aewani ma duduono, gea mata-mata ka idadi yomanoa dika to ona manga kapo-kapongoka abe tinihikodokuoka nginika.

Higalioli 3:19 ပူးပေါင်းရင်းမြစ်များ

Huhupu 12:38

De naga o nyawa utuoli abe ko o Isiraele ma nyawaua masara onangoo yomakiniiki. De naga to onangoo manga duduono kohangoe abe manga aewani o dofo irupa-rupa.

Gegetongo 32:16

De o Musa ai demo gea yoihene de ahao ona yomahitigi o Musaika de iwitemo ato, “Marai hokonaa mia hininga. Ma tonakoka naa de ngomi ahao mimadiai mia domba ma duduono ma kurunga de mia kota-kota la ngomi de mia feka-fekata de mia ngofa-ngofaka ka idadi migogere naangoka dika.

Gegetongo 32:26

Abe to ngomi mia ngofa-ngofaka de mia feka-fekata de mia aewani ma duduono mata-mata ahao o Gileada ma tonaka ma kota-kotaka dika yomanoa.

Yosua 1:14

Hokogea o Musa ai demo abe winihingahuoka ho ti ngini nia feka-fekata de nia ngofa-ngofaka de nia aewani ma duduono ka idadi mata-mata yomagoo-gogere nenangoka dika o Yorodani o wange ma hiwaroka ma honongaka. Masara ti ngini nia nau-nauru abe yoparangi yososawaro ona kiani iminiiki ngomi utu abe ma oraha mimahihora o Yorodani ma akere ma honongaika. O Kanani ma nyawa doka ona gea ahao inalawana ho ngini o Rubene, de o Gaada, de o Manase ma nyawa kiani niahigunoa nia nau-nauru abe yososawaro yoparangi la iminiiki. Ho ma oraha naa kiani yomahidiai la iti homoi-homoiika manga parangi ma dae yao ingodumu. De hokogea ti ngini nia nau-nauru yomahidiai angamoi ona imihihira-hira mia dodagioka ma oraha migila-gila doka o behehongo ma tonakika o Yorodani ma honongaka. Hokogea ngini ka idadi nia gogianongoru niaduhunu.