Higalioli 29:9 - Ma Jou ai Demo-demo o Totobelohoka

⁹ “Ho mangale ma titi Ma Jou o Yawe duru winihiowa nginika hokogea ho ngini kiani naga nia hingounu to Una ai behehongo ma demoika la ufa niawohanga enangika. De nako ngini ka ihikaika nianiiki itiai ai demo gea de ahao ti ngini nia datoro mata-mataika naga de ma hasiloka.

Higalioli 29:9 ပူးပေါင်းရင်းမြစ်များ

1 Kokoano 2:3

De ngona kiani nao irahai ma karajaanga abe ani Jou o Yawe wonihitagongoka ngonaika. Ho to Una gea ai pareta ma demo de ai hitiari de ai huhuloko, abe mata-mata gea ihitulihuku o Musa ai Pareta ma demo ma dolaka, kiani naga ani hingounu ai demo mata-mataika gea. De nako gea ngona duru nanii-niiki itiai ahao ani karajaanga de ani hidee mata-mata duru ihofoko de ngona namake ma owa.

2 Tawari 20:13

De gea nagahi o Yehuda ma nyawa manga nau-nauru mata-mata yomaokoino genangoka ka ma moi de manga feka-fekata de manga ngofa-ngofaka, de ona mata-mata duru yoriidi Ma Jou o Yawe ai himangoka.

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Higalioli 29:1

Abe ma demo-demo naa tohitulihuku, gea ena o hiaturu ma demo abe Ma Jou o Yawe wihuloko o Musaika la una ahao wadofanga ai gogianongoru o Isiraele ma nyawaika. De gea manga behehongo ma demo abe ona de Ma Jou yomahiketehibehehongo o Moaba ma tonakoka. De ma dihiraino nagau manga behehongo abe yodiai o Sinai ma lokuoka, masara naa ena manga behehongo moioli.

Higalioli 29:10

De o wange naa ngini mata-mata nimaokoino duru Ma Jou ai himangoka. Abe ngaro nia dutu homoi-homoi manga haeke de ti ngini mata-mata nia dimo-dimono de nia hohihira, de ngaro ngini o balu-baluhu o nauru

Higalioli 31:12

De gea kiani o balu-baluhu de o ngofa-ngofaka mata-mata yomatoomuino genangoka, abe ngaro o nau-nauru de ngaro o ngo-ngofeka, de ngaro o homoa ma nyawa abe yomadionikino nia kapo-kapongoka, masara ona mata-mata kiani naga la yokokiihene Ma Jou ai Demo-demo gea. De ai demoino gea de ona ka idadi yomadotoko ma titi Ma Jou ai hininga la naga manga horomati ma amoko Unangika. De hiadono ona duru yomahidodiai yaniiki ai Pareta ma demo mata-mataika.

Higalioli 4:6

Ho kiani ngini duru nihidodiai nianiiki enangika. Angamoi ahao o nyawa utu yamake nia wowango ma dodagi de yoihenoli ma titi ai huhuloko ma demo gea. Ho nako ona yamake abe nia wowango ma datoro ma rorahai gea ihititi to Una ai huhuloko ma demoka de ahao ona yomaketeade-ade de inihigiriiri ato, ‘Abeika o nyawa yowoe-woe gea duru yososawaro!’ Hokogea manga higiriiri ma demo.

Yosua 1:7

Ngona kiani nomaputuhu duru nagou-goungu abe ngona ka ihikaika de ani buturungoka hiadono duru de ani domoroinokaoo! Ho ngona kiani nohidodiai nohingounu ahi pareta de ahi behehongo mata-mataika abe tihidoakoka ahi duduhunu o Musaika de una wonihibehehongokali ngonaika. De ufa norehene arihonongaika la gea ngaro o kiaika dika noiki ma, ani karajaanga ka ihikaika de ma hasiloka.

Yosua 1:8

De naga ngonaka ahi demo mata-mata abe ihitulihukuoka de tinihidoaka ngini o Isiraele ma nyawaika abe hohiromanga Ma Jou ai Pareta ma Buku. De kiani to ngonaoo ani demo o nyawaika ka ihikaika napake to Ngohi ahi demo-demo gea. Ho kiani ngona nomabasa de nomahihohininga o futu de o wange la ka ihikaika nohidemo to Ngohi ahi demo-demoino. Hokogea ma ngekomo nodiai la nohihingounu Ngohi Ma Jou o Yaweino hiadono mata-mata ngona nodiai imakiniiki de ahi demo-demoino. Nako hokogea ani wowangoka de ngona namake ma owa ma ngoe de mata-mata nodiai de ma hasiloka.”

Yosua 24:1

O Yosua ai hingahu o Isiraele ma nyawa manga hohidimono mata-mataika ibooto de ahao una o Isiraele ma nyawa ma kokawaaha de manga hihira wakokiahokino la ona mata-mata yokokiboa o Sikeme ma kotaika. Ho ona yoboa de yomatoomuino ka ma moi de manga hohidimono abe yaperekioka, de manga haeke o dodoomuoka, de ona abe yatobauru-urusu manga gogianongoru abe yahowono, de manga tentara ma hohidimono ona mata-mata yoboa o Sikeme ma kotaino. De ona mata-mata gea yomatoomuino Ma Jou ai himangoka yododamaa to Una ai demo onangika.

Yosua 8:35

De abe o Musa ma dihira wihuloko o Yosuaika la wabasa Ma Jou ai demoino, moioo de ko iwa ma demo abe ko wabasaua o Isiraele ma nyawa manga doomu ma amokika. Ho ngaro o ngo-ngofeka, de o ngofa-ngofaka, de o homoaino ma nyawa abe yadionikino, ma ona mata-mataika ka idadi yoihene.