Higalioli 29:4 - Ma Jou ai Demo-demo o Totobelohoka

⁴ De ngaro ma oraha gea hiadono ma oraha naa naga masara Ngohi ko tinihidoakuahi o hininga la ka idadi niataoko ma titi genangino. De hokogenangoo ti ngini nia lako ko imahiorikuahi de nia ngauku ko iihenuahi!

Higalioli 29:4 ပူးပေါင်းရင်းမြစ်များ

Huhupu 16:35

De o Isiraele ma nyawa ahao manga dekana yotagi-tagi o tonaka ma kakaahaka gea manga taongo moruatino ma dekanino. De hokogea manga dekana yaolomo manga inomo o mana gea ka hiadono yowohama o Kanani ma tonakika abe genangoka naga o nyawa manga datomo ho o mana gea Ma Jou ko wapurarahokaua.

Yohanese 8:43

“Masara adodoa ho ko nimangaratiiua ahi demo hiadono ko nihiorikua ma titi Ngohi naa? Hokonaa dika ma titi, angamoi niaoluku ahi demo ho ko nihigihenua.

2 Korintusu 3:15

Ho igoungu, abe ngaro hiadono o wange naa de o Yahudi ma nyawa ma oraha yobasa o Musa ai Paretaino masara manga hininga ma dadatoko nagahi onangoka.

Efesusu 4:18

De ona gea manga hininga duru ifufutuoka, de ona hoka o homoa ma nyawa Ma Jouika, ho gea duru yomakitingaka ma gurutika de o wowango abe iboa Unangoka de aino. De gea yomakitingaka ma titi abe ona ma hirete yoluku iwihigihene Unangika angamoi to ona manga hininga ihitogowinoka ona ma hirete.

Higalioli 2:30

“Masara gea manga koano ka woluku dika wonahigunoa la hatilakuru manga tonaka, de idadi hokogea angamoi nia Jou Una wokarajaanga manga koano ai hiningaka la idadi itogowini hiadono woluku nanga gogahoko gea. De hokogea Una wodiai la ngini de ona ka idadi nimaketeparangi de Una ka winiduhunu hiadono niahikala onangika. De gea duru igoungu abe ma oraha gea ngini niahikala ona gea.

Higalioli 2:7

Angamoi Ngohi nia Jou duru ka ihikaika tinihiowa abe ngaro nia datoro hokokia dika nidiai masara tinihiowa nginika. De abe nia dodagi naa ma goronaka, ngaro nia dekana o taongo moruatino nitagi-tagi o tonaka ma kakaaha ma amoko naa masara Ngohi ka ihikaika tinigoana de tininii-niiki de tinihidailako nia wowango ma perelu, ho moioo de ko iwa ti ngini nia perelu.’ Hokogea Ma Jou ai hitiari ma demo abe Ngohi tinidofanga nginika ma dodihiraka gea.”

2 Timotiusu 2:25

Ho gea kiani ngone abe ma oraha hadotoko onangika inatobalawana, de kiani hadotoko de nanga hininga ibole-bole onangika la gea hato marai ahao Ma Jou ka idadi waduhunu manga hiningaka hiadono ka idadi yomadagali ka hiadono manga hininga iwangoro. De gea nako manga hininga iwangoroka, gea de ahao ona ka idadi yataoko itiai ma abari ma gou-goungu hiadono yangaku genangika.