Higalioli 29:12 - Ma Jou ai Demo-demo o Totobelohoka

¹² Ho ngini mata-mata naga duru to Una ai himangoka o wange naa la ka idadi ngini de Una nimahiketehibehehongokali.

Higalioli 29:12 ပူးပေါင်းရင်းမြစ်များ

Huhupu 6:7

Hokogea Ngohi tinihidadi to Ngohi ahi nyawa abe duru tomadingakino la nimahijou Ngohino. De ahao ngini o Isiraele ma nyawa duru nihihioriki abe Ngohi Ma Jou o Yawe dika abe ti ngini nia Jou idodutu. Abe gea Ngohi dika tinihihupu nia kangela ma dubuhoino abe ma dekanokau inihimokuino o Mesiiri ma nyawa!

Higalioli 1:8

Angamoi abeika, ma tonaka mata-mata gea Ngohi tinihidoaka nginika! Ho ngini kiani niwohamika de nimahitingini dika la nigogere genangoka. Angamoi gea ma tonaka abe ma dodihiraino de Ngohi tomahibehehongo tato ahao tahidoaka nia totofora o Abarahaamika de o Isakika de o Yakubika de to ona manga totoforauku mata-mataika.’ Hokogea to ngone nanga Jou wonahuloko ma dihiraino.”

Higalioli 29:11

de nia ngofa-ngofaka ma gilau de ti ngini nia feka-fekata. De ngaro o homoa ma nyawa mata-mata abe yomadioniki nia hidogoronaka de inileleani ma titi inipela-pelakuku nia hidaulu ma gota de nia akere iniono-onoko.

Higalioli 29:13

Abe o wange naa de Una winihibehehongo nginika abe nidadioka to Una ai nyawa de abe Una ti ngini nia Jou. De ai behehongo ma demo gea duru imakiniiki de to Una ai demo nginika ma dihiraino de imakiniikoo de ai behehongo ma demo ti ngini nia totofora o Abarahaama de o Isaka de o Yakubika.

Higalioli 29:14

De ma behehongo naa ma dumutu ko nginikaua dika abe naga ai himangoka o wange naa. Abe ngaro ti ngini nia totoforaukuoo abe ko yomaboauahi ma oraha naa, masara to Una ai behehongo yadaene onangikaoo. Ho ngaro ngini naa de ngaro nia totoforauku masara ngini mata-mata nimahiketehibehehongo de Ma Jou o Yawe.”

Yosua 24:25

Hokogea to ona manga doomu ma demo o Sikemoka o wange gea ho o Yosua wodiai manga behehongo ma demo abe ma titi ona de Ma Jou o Yawe yomahiketehibehehongoka de ihitulihukuoka ho ma hurata gea ko idadiua ona ahohihanga ngaro ka hiado-adonika.