Higalioli 29:1 - Ma Jou ai Demo-demo o Totobelohoka

¹ Abe ma demo-demo naa tohitulihuku, gea ena o hiaturu ma demo abe Ma Jou o Yawe wihuloko o Musaika la una ahao wadofanga ai gogianongoru o Isiraele ma nyawaika. De gea manga behehongo ma demo abe ona de Ma Jou yomahiketehibehehongo o Moaba ma tonakoka. De ma dihiraino nagau manga behehongo abe yodiai o Sinai ma lokuoka, masara naa ena manga behehongo moioli.

Higalioli 29:1 ပူးပေါင်းရင်းမြစ်များ

2 Kokoano 23:3

De ma oraha gea o Yosia womaokoino Ma Jou ai Tau ma liate ma amoko ma datekoka abe genangoka o kuaha ma dodunguu ma ngi abe una o koano ka idadi wapake. De una womaputuhoka wato o Isiraele ma nyawa manga behehongo, abe ma dihira yomahiketehibehehongoka de Ma Jou, naa ma hungioli wodiai wihibehehongo Ma Jou o Yawe ai himangoka. De o Yosia wato una ma hirete Ma Jou o Yawe wihingounu duru de ai hininga ma gahumu, de ai jiwa ma gahumu. Abe una womahibehehongo wato Ma Jou ai behehongo, de ai behehongo ma hiaturu, de ai pareta mata-mata waniiki itiai abe naga o buku ma lulu ma goronaka. De ahao o Isiraele ma nyawa mata-mata genangoka onangoo yomaputuhu abe imaketero hoka manga koanoli la yaniiki mata-mata abe naga Ma Jou ai Behehongo ma Bukuoka.

Higiriiri 105:27

La ona yahinooto ihitunguu de Ma Jou ai heheranga o Mesiiri ma nyawaika, Hiadono o heheranga ma ngoe yamake o Haama ai tonakoka gea.

Hidingoto 3:25

De abe Ma Jou ai behehongo ma owa to ngone nanga totoforaika, ma behehongo gea inidaene nginika, ho nginioo ka idadi niamake ma owa Unangino. Abe ma dihiraino Ma Jou wihibehehongo o Abarahaamika wato, ‘De to ngona ani totoforaukuino o nyawa mata-mataika o dunia ma amokika, yakokimake ma owa ngaro o kiaka dika yogogere.’ Hokogea itemo Ma Jou ai behehongo ma owa nia totoforaika, ho nginioo niamake ai owa gea ma titi nia totoforaino.

Higalioli 1:1

De igoungu, o Isiraele ma nyawa mata-mata ka nagahi o Moaba ma tonaka ma kakaahaka abe dina o Yorodani ma akere ma honongaiha, angamoi ona ko yomahihorauahi de ko yowohamuahi o Kanani ma tonakika. Abe manga dodogumu ma ngi gea hatoli imakitigino de o Sufu ma kota, de nagali o kota muruono naga manga arihonongaka. Abe o Parana ma kota naga manga honongaka moi de ma kota o Tofele de o Labana de o Haseroto de o Disahaba manga hononga moiokali, ho manga ngi ma kota gea ma hidogoronaka. De ma oraha gea Ma Jou wahikalaka o koano yahinooto. De gea wihikala o Sihono abe una wahikoano o Amori ma nyawaika de manga kota ma mayo o Hesebonoka. De nagali wihikala o Ogo abe una wahikoano o Basana ma nyawaika de manga kota ma mayo o Asitarotoka, abe ma kota gea imakitigino de o Ederei. De nako o nyawa o Sinai ma lokuoka yosobo de yotagi-tagi yaniiki ma ngekomo abe atilakuru o Edomo ma loku-loku de ipaha yomahiadono o Kadese-Baranea ma kotaino, gea biaha o futu ngimoi de moi manga dodagi. Abe o Kadese-Baranea gea duru o Kanani ma tonaka ma batingoka. Masara ma oraha gea o Isiraele ma nyawa yotagi-tagi yaika yaino ngade-ngade manga taongo moruata ibooto de ko yowohamuahi o Kanani ma tonakika. Ho o Moaba ma tonaka ma kakaahaka gea de o Musa wadofanga Ma Jou o Yawe ai demo o Isiraele ma nyawa mata-mataika.

Higalioli 29:12

Ho ngini mata-mata naga duru to Una ai himangoka o wange naa la ka idadi ngini de Una nimahiketehibehehongokali.

Higalioli 29:2

Ho o Musa wakokiahokino o Isiraele ma nyawa mata-mata de wadofanga Ma Jou ai hitiari ma demo onangika wato, “Ngini niamakeoka de ti ngini nia lako hinooto Ngohi Ma Jou ahi datoro mata-mata abe todiai o Mesiiri ma tonakoka. Abe ahi datorino gea de talawana to ona manga koano o Firaunu de to una ai huhuloko de to una ai kokawaaha mata-mataika.

Higalioli 29:21

De ahao Ma Jou duru wahikatingaka ma nyawa gea la o Isiraele ma nyawa mata-mataino de ona dika abe Una duru wahohowono la imakiniiki de ma behehongo naa ma hitiari ma demoino.

Higalioli 29:25

De ahao naga abe yopaluhu ato, ‘Angamoi to Una ai nyawa ka yawohanga manga behehongo ma demo ho iwiporete to ona manga totofora manga Jou. Abe ma dodihiraino ma oraha yohupu o Mesiiri ma tonakoka de yaino de manga totofora yomahiketehibehehongo de manga Jou o Yawe, masara naa ka iwiporetokali.

Higalioli 4:10

Abe ufa hiadono ngini niawohanga ma oraha nimakokitoomuino o Sinai ma lokuoka. Gea ngini mata-mata naga Ma Jou o Yawe ai himangoka angamoi Una wohihuloko wato, ‘Ngona kiani o nyawa mata-mata gea nakokitoomuino ahi himangoka la Ngohi ma hirete tadotoko onangika ahi demoino. De gea ka idadi yototoihene de yomadotoko la ahao ona ka idadi naga manga horomati itagi Ngohino. Ho ona ihihingounu Ngohino ka hiadono manga wowango ma bahaika, de hongoli ona ka idadi yadofanga de yadotoko ahi demo gea manga ngofa-ngofakika la onangoli manga horomati itagi Ngohino.’ Hokogea to Una ai demo, ho ngohi tiniahoko la ngini mata-mata nimatoomuino.

Higalioli 4:13

De gea ma oraha abe Una winihimatoko de winihingahu nginika to Una ai behehongo abe ngini de Una nimahiketehibehehongoka. Abe ai behehongo gea ai pareta ngimoi de ihitulihika o hakaru hinootoika. Ho gea ma behehongo ma demo abe Una wato ngini kiani ka ihikaika nianii-niiki enangika.

Higalioli 4:23

Ho ngini kiani duru nimahidodiai de nimagoana la ufa niawohangika ti ngini nia behehongo abe nimahiketehibehehongoka de Una. Abe duru ko idadiua ngini nimadiai ma rupa moi la nimahuba enangika, abe ngaro o kia dika ma rupa eko to onagona manga rupa masara gea mata-mata duru ko idadiua nimadiai angamoi hokogea winihulokoka.

Ibarani 8:9

De ahi behehongo ma hungi gea ahao ko imakadaenua de abe ahi behehongo ihira-hira tahibehehongoka ti ngini nia totoforaika ma oraha Ngohi ma hirete o Mesiiri ma tonakoka de aino tahihira-hira. De ahi behehongo ma hungi gea ahao kiani imakohowono de abe ihira-hiraika angamoi ma dodihiraino gea de ahi nyawa ko yanii-niikua ahi behehongika ho hiadono Ngohi ko talegaikakauali onangika.” Hokogea nanga Baluhu idodutu ai demo.

1 Samuele 12:24

Masara nginioo kiani de nia horomati ma modongo ma gou-goungu, de nia hininga ma gahumu, nimahuba-huba Ma Jou o Yaweika dika. De ka ihikaika nimahihohininga mata-mata abe winiduhunoka la nia hiningaka ka ihikaika naga nia higiriiri itagi Unangika.