Higalioli 2:4 - Ma Jou ai Demo-demo o Totobelohoka

⁴ De ngona kiani nahuloko de nahitiari ani kokawaahaika nato, ‘Ko itedekanokaua de ngini niatilakuru o tonaka ma batingi moi, de ma batingi gea ti ngini nia gogianongoru abe o Esau ai totoforauku to ona gea manga tonaka ma batingi. Abe ona gea yogogere o Edomo ma tonakoka. De ngaro o Edomo ma nyawa gea inimodongo nginika masara kiani nimahitiari de nimahidodiai to ona manga tonakoka.

Higalioli 2:4 ပူးပေါင်းရင်းမြစ်များ

Dodadi 25:23

Ho momaniata Ma Jou o Yaweiye de Una womipaluhu wato, “O ngo Ribeka, ani ngofaka ma ngioka naga o nyawa manga dutu yahinooto, De ani totoforauku o doomu hinooto gea ahao yomakokitingakika, De o doomu hinooto gea naga moi abe onangohi duru de manga buturungoka, Abe o riaka to una ai totoforauku ahao o dodoto ai totoforauku yaleleani.”

Dodadi 36:8

Ho o Esau gea, abe ai romanga hinooto ho ai romanga moioli o Edomo, una womaturuuru o Seiri ma tonakika abe imakadateke de o Kanani ma tonaka. Genangoka una de ai nyawa mata-mata yogogere o Seiri ma loku-lokuoka.

Huhupu 15:15

De abeika o Edomo ma nyawa manga dimo-dimono, Onangoo ma yatomomonoka ma titi gea Ngona nodiai, De yahidulufungoka o hawana o Moaba manga dimo-dimono, Ka de miboa manga tonakika de duru yofafara onangoo. Hokogea o Kanani ma nyawa manga buturungu ihihangoka.

Huhupu 15:16

De o hawana de o mobole Ngona nadiodaka onanguku, Ho duru ko yomasikaakaua to Ngona ani himangoka, Ani kuaha ma buturungu abe duru yahihawana ona gea, Ho abeika Ngona nodiai Ma Jou o Yawe la nahihawana, Ona yorii-riidoka dika abe hoka o hakaru manga miriidi, Ho ko yokelu-kelua ka hiadono miatilakuru manga himangino, Hokogea ngomi ani nyawa nomiduhunu abe nomibanguokau.

Matiusu 5:16

De hokogenangoo ti ngini nia wowangoka de kiani nia datoro ma rorahai nitobadiai la gea idadi hoka o dararono moi onangika abe ka o fufutuokahi yomanoa. De ipaha ma oraha o nyawa yamake nia datoro ma rorahai gea, ona ahao iwihigiriiri nia Babaika o Horogaka.” De hokogea o Yesusu ai hiketero ma demo abe ma titi manga wowango ma datoro.

Lukasa 12:15

De ahao o Yesusu wotemo o nyawa mata-mataika gea wato, “Ngini nihidodiai de nimagoana la ufa nia hininga ma horoodo inihipareta nginika. Angamoi nanga wowango ko ihititiua abe nanga kiahonangoka de aino.”

Efesusu 5:15

De mangale ngini nidadioka to Una ai dararono ma nyawa, ho kiani ngini nihidodiai nimangiriki nia wowango ma datoroka. Abe ma titi ngini ufa niwango hoka o bodoli ma nyawa, angamoi ona ka yosabaranga dika yowango, masara koaho nihidodiai niapake nia sosawaro abe hokokia la ka idadi ngini niwihisanangi Unangika.

Higalioli 2:3

“Ngini iniwedonoka nia dekana abe ka nitagi-tagi dika aika aino ma loku-lokuoka naa. Ho naa ka idadi ngini nimaleloroli la nia dumutu dakuiye.

Filiipi 2:15

Abe hokogea ma ngekomo la ngini nidadi o debi-debini ma nyawa, la ka nia hininga ma rorahai ireeika. Abe ngini nidadiokau Ma Jou ai ngofa-ngofaka ma gou-goungu. Ho ngaro ngini ka nigogerohi o duniaka naa, abe o dunia ma nyawa manga hininga yotula-tulaka de ma dorou dika yanii-niiki, ma kiani ngini niwango abe hoka itaana o debi-debini ma nyawa yowango. Ho abe ma oraha o dunia ma nyawa yamake ti ngini nia wowango, gea imaketero hoka o muru-murumu ihitararono o fufutuoka, abe ngini niahitararono o dunia ma fufutuika.

Kolose 4:5

De ti ngini nia wowango kiani niao irahai abe de nia sosawaroka la ngaro naga o nyawa abe ko iwingakuahi o Kristusika, masara ona ko idadiua initae nginika. De nako naga ma oraha la ka idadi niahitararono o nyawaika ma titi Ma Jou ai Demo-demoino, gea ma oraha ma getongo kiani niale de niapake.