Higalioli 2:37 - Ma Jou ai Demo-demo o Totobelohoka

³⁷ De ma oraha gea homaketeparangi de o nyawa yowoe-woeika de ngone homahitiari la hodokaowara o Amono ma nyawa manga tonaka de ona abe yogogere o Yaboko ma akere ma datekoka de onangoli abe yogogere manga kapo-kapongoka daku o loku-lokuoka. Ma tonaka de ma ngi gea mata-mata hodokaowara dika angamoi hokogea nanga Jou o Yawe ma dihiraino de wonahulokoka, ho duru hohidodiai hahingounu to Una ai demoika.” Hokogea o Musa woade-ade.

Higalioli 2:37 ပူးပေါင်းရင်းမြစ်များ

Dodadi 32:22

De o Yakubu womaidu masara o futu gorona de womomiki de ngoi fekata idodutu yahinooto de ngoi fekata o hidoakino yahinooto wakokihuloko la yomahihora doka o Yaboko ma akere ma honongaika. De wato ai ngofa-ngofaka o nauru yangimoi de yamoi onangoo yao.

Gegetongo 21:24

Masara o Isiraele ma nyawa duru yomaduhunu de yahikalaka hiadono duru yatetetoruku o Amori ma nyawa manga tentara de ka hiadono manga koano o Sihono unangoo ma, iwitomaka. Ho gea to una ai tonaka o Isiraele ma nyawali yakuaha o Kokoroongo ma akeroka de ka hiadono o Yaboko ma akerika. Masara ko yogila-gilaua o Amono ma nyawaika angamoi to ona manga tonaka ma batingi duru yogoana de manga buturungu.

Higalioli 2:19

Masara ahao ma oraha nimahitigi o Amono ma nyawaika de ko idadiua ngini niaruwae onangika. Abe ona gea o Loti ai totoforauku de ma dihira Ngohi tahidoakoka manga tonaka gea onangika la idadi manga oara ma tonaka. Ho ufa hiadono nimaketeparangi de ona angamoi ngaro hoka niahikala masara duru ko tinihidoakua manga tonaka nginika.’ Hokogea Ma Jou ai demo ngohino ma oraha gea.”

Higalioli 2:5

Ho ufa ngini niaruwae ona gea, angamoi Ngohi tahidoakoka manga tonaka gea o Edomo ma loku-lokuoka la idadi manga oara ma tonaka. De manga tonaka gea, ngaro ma hohutuloo masara ko tinihidoaka nginika.

Higalioli 2:9

De genangoka Ma Jou wotemoli ngohino wato, ‘Ufa ngini niaruwae o Moaba ma nyawa abe ona gea o Loti ai totoforauku. De ufa hiadono ngini de ona nimaketeparangi, angamoi ngaro hoka ngini niahikala masara ko tinihidoakua manga tonaka nginika. Angamoi ma dihiraino de tahidoakoka o Ara ma kota la idadi to ona manga oara ma tonaka.”

Higalioli 3:16

De gea ma hononga moioli tahidoaka o Rubene de o Gaada ma nyawaika. De ma hononga gea ma tonaka abe daku o Arono ma akeroka ka hiadono o Yaboko ma akere abe imahitigino de o Amono ma nyawa manga tonaka.

Hihira 11:15

Ho yomahiadonoka ma koanoika gea de unangika yadofangoli o Yefata ai hingahu nenanga, wato, “Hokonaa ngohi o Yefata tinihingahu, o Isiraele ma nyawa ko yomagoraua o Moaba ma nyawa manga tonaka de o Amono ma nyawa manga tonakoo ma ko yaoraua.

Hihira 11:22

Abe o Kokoroongo ma akeroka ka hiadono o Yaboko ma akerika o Isiraele ma nyawa ka idadi yomahitoona ma tonaka gea. De o tonaka ma kakaahaka ka hiadono o Yorodani ma akerika enangoo idadioka o Isiraele ma nyawa manga tonaka.