Higalioli 2:33 - Ma Jou ai Demo-demo o Totobelohoka

³³ Masara nanga Jou o Yawe wahidoaka ona gea ngoneino ho duru hahikala onangika. De gea ngaro manga koano de ai ngofa-ngofaka de ai kokawaaha masara hahikala ona mata-mataika.

Higalioli 2:33 ပူးပေါင်းရင်းမြစ်များ

Dodadi 14:20

Ngomi naa mihiboa o higiriiri Ngonaiye, Mia Jou Nokokurutiye, Abe manga musu gea Ngona nihidoaka o Abaraama ai giamika.” Hokogea o Mekisedeke wigahoko ipaha de ahao o Abaraama wihidoaka o Mekisedekika o hidoku moi ma kiahonanga mata-mataino abe yale manga musuino. Ho nagahi o kiahonanga ma hou ilamoko abe o hidoku hiwohi.

Huhupu 23:31

“De Ngohi ahao nia tonaka ma batingi tohititi o Bongo-bongo ma gahioka. Genangoka de imulaenge itagi hiadono ma batingi itubuku doka o Filistina ma nyawa manga gahika. De nia batingi ihititi o Bongo-bongo ma gahioka imulaengoli itagi o tonaka ma kakaahaika de ihidehepi ka hiadono o Efaraata ma akerika itubuku. Ho ma tonaka gea abe Ngohi tabatingoka ahao ika-ika de ma nyawa genangoka tahikokihupu mata-mataika. Ho ma oraha nia gogere niawoata de genangoka ahao ona tahihupu.

Gegetongo 21:24

Masara o Isiraele ma nyawa duru yomaduhunu de yahikalaka hiadono duru yatetetoruku o Amori ma nyawa manga tentara de ka hiadono manga koano o Sihono unangoo ma, iwitomaka. Ho gea to una ai tonaka o Isiraele ma nyawali yakuaha o Kokoroongo ma akeroka de ka hiadono o Yaboko ma akerika. Masara ko yogila-gilaua o Amono ma nyawaika angamoi to ona manga tonaka ma batingi duru yogoana de manga buturungu.

Higalioli 2:32

“De ma oraha gea manga koano de ai tentara mata-mata yohupuino la homaketeparangi o Yahasa ma kota ma himangoka.

Higalioli 29:6

De ma oraha gea ngini o roti ko niolo-olomua de o angguru de o daluku duru ko niokerua, de ngaro hokogea masara Ngohi ka ihikaika tinihidailako nia badanga ma perelu la ka idadi nihihioriki abe Ngohi naa nia Jou o Yawe!”

Hihira 1:4

De ahao ma oraha o Yehuda ma nyawa ona yoiki yabaata o Kanani de o Ferisi ma nyawaika de Ma Jou o Yawe wahidoaka o lolaku onangika. De abe o Beseke ma kapongoka de yahohonenge manga musu yasana ngimoi.

Hihira 7:2

De naa o Gideono de ai tentara ka yomahiainohi de Ma Jou o Yawe wihingahu o Gideonika wato, “Gideono, to ngona ani tentara yowoeholi abe nako tinihigunoa ngini mata-mata niaparangi onangika de ahao o Isiraele ma nyawa yomahigiriiri ato ona de manga buturungu yomahihupu o Midiana ma nyawa manga kuahaino.