Angamoi abeika, ma tonaka mata-mata gea Ngohi tinihidoaka nginika! Ho ngini kiani niwohamika de nimahitingini dika la nigogere genangoka. Angamoi gea ma tonaka abe ma dodihiraino de Ngohi tomahibehehongo tato ahao tahidoaka nia totofora o Abarahaamika de o Isakika de o Yakubika de to ona manga totoforauku mata-mataika.’ Hokogea to ngone nanga Jou wonahuloko ma dihiraino.”
Higalioli 2:31 - Ma Jou ai Demo-demo o Totobelohoka31 De hokonaa idadi ma dihira gea. Abe Ma Jou wotemo ngohino wato, ‘Abeika, ma oraha naa de tohiaturoka la manga koano de manga tonaka tinihidoaka ti ngini nia giamika. Ho ngini kiani niloikohi la ka idadi niahikala onangika de manga tonaka nimahitingini.’” အခန်းကိုကြည့်ပါ။ |
Higalioli 2:31
4 ပူးပေါင်းရင်းမြစ်များ
De ahao o Musa wohigila-gila ai demo wato, “De ngone hatilakuroka o Moaba ma tonaka gea de ahao Ma Jou wonatemo wato, ‘Ngini niloikohi o Arono ma akerika la nimahihora doka ma honongaika. De abe nimahiadono doka ma tonakika gea de abeika, Ngohi ahao tinihidoaka la ngini ka idadi niahikala o Amori ma nyawa de manga koano o Sihono, abe to una ai kadera imanoa o Hesebono ma kotaka. Abe ona de manga tonaka ka ma moi tinihidoaka ti ngini nia giama ma hoatika, ho ngini kiani nimasikaa la niloiki de nimaketeparangi de ona la ka idadi manga tonaka nimahitingini dika!
“Masara gea manga koano ka woluku dika wonahigunoa la hatilakuru manga tonaka, de idadi hokogea angamoi nia Jou Una wokarajaanga manga koano ai hiningaka la idadi itogowini hiadono woluku nanga gogahoko gea. De hokogea Una wodiai la ngini de ona ka idadi nimaketeparangi de Una ka winiduhunu hiadono niahikala onangika. De gea duru igoungu abe ma oraha gea ngini niahikala ona gea.
ကြော်ငြာတွေ