Higalioli 2:30 - Ma Jou ai Demo-demo o Totobelohoka

³⁰ “Masara gea manga koano ka woluku dika wonahigunoa la hatilakuru manga tonaka, de idadi hokogea angamoi nia Jou Una wokarajaanga manga koano ai hiningaka la idadi itogowini hiadono woluku nanga gogahoko gea. De hokogea Una wodiai la ngini de ona ka idadi nimaketeparangi de Una ka winiduhunu hiadono niahikala onangika. De gea duru igoungu abe ma oraha gea ngini niahikala ona gea.

Higalioli 2:30 ပူးပေါင်းရင်းမြစ်များ

1 Kokoano 12:15

Ho itararono manga koano ma hungi ko wopusingua abe ai kokawaaha manga behehongo unangika. De hokonaa idadi angamoi Ma Jou ai mau onangika hokogea. Abe naa idadioka duru imaketero hoka ma dihira Ma Jou o Yawe ai demo abe wihidoaka ai uru ma dodofanga o Ahiaika. De ma demo gea o Ahia wihingahuoka o Yerobeamika.

Huhupu 11:10

De Ma Jou ai heheranga mata-mata gea o Musa de o Harunu yodiai la gea o Firaunu ka idadi wamake mata-mata. Masara Ma Jou o Yawe wohitogowini to Firaunu ai hininga ho hiadono woluku o Isiraele ma nyawa wahigunoa ai tonakino yohupu.

Huhupu 4:21

De Ma Jou o Yawe wihihohininga wato, “Musa, ka de nomahiadonika o Mesiiroka de o heheranga mata-mata abe Ngohi tonihiakunoka la ngona nodiai gea ahao nodiai o Firaunu ai himangoka. Masara una ko wonihigihenua angamoi to una ai hininga ahao tohitogowini hiadono ngaro o heheranga gea una wamakeoka ma, o Isiraele ma nyawa ko wahigunoauahi yoiki yomatingaka o Mesiiri ma tonakino.

Huhupu 7:14

De ahao Ma Jou o Yawe wihingahuoli o Musaika wato, “O koano gea ai pea kohadogowinohi ho o Isiraele ma nyawa ko wahigunoauahi yoiki.

Gegetongo 21:23

Masara o koano o Sihono gea duru ko wodafongua manga gogahoko gea ho ko wahigunoaua o Isiraele ma nyawa yoboa o Amori ma nyawa manga tonakino gea abe to una ai kuahaka. De woluku hiadono wato waparangi onangika. Ho to una ai tentara wakokitoomuino de yotagi de manga midirihi o tonaka ma kakaahaika hiadono o Yahasika abe genangoka o Isiraele ma nyawa manga doomu naga. De genangoka o Sihono de ai tentara duru yaparangi o Isiraele ma nyawaika.

Gegetongo 21:33

Ho ona gea yahikala ibooto de ahao yogila-gila yotagi de manga buturungu de yololiti manga dumutu o Amorioka manga kota moiikali abe ma romanga o Basana. Masara ko yomahiadonuahi o Basanika de o Basana manga koano o Ogo de ai tentara yabuhukika o Ederioka de duru yaparangi o Isiraele ma nyawaika genangoka.

Gegetongo 21:34

Masara Ma Jou o Yawe wihingahu o Musaika wato, “Ufa ngini niwimodongo o Amori ma nyawa manga koano o Ogoika gea. De angamoi tinihidoakoka o lolaku nginika ho niwiparangi dika ka hiadono una de ai tentara niahikala de to una ai kokawaaha manga tonaka mata-mataika ka idadi nimale. Ngini nidiai unangika abe imaketero hoka nidiai o koano o Sihonika abe wahikoano o Amori ma nyawa abe yogogere o Hesebono ma kotaka.” Hokogea Ma Jou witemo o Musaika de unangoli Ma Jou ai hingahu gea wadofanga o Isiraele ma nyawaika.

Higalioli 2:31

De hokonaa idadi ma dihira gea. Abe Ma Jou wotemo ngohino wato, ‘Abeika, ma oraha naa de tohiaturoka la manga koano de manga tonaka tinihidoaka ti ngini nia giamika. Ho ngini kiani niloikohi la ka idadi niahikala onangika de manga tonaka nimahitingini.’”

Hihira 11:20

Masara o Sihono gea ko wangakua o Isiraele ma nyawa manga demoika ho una ai tentara watoomuino o Yahasoka de waparangi o Isiraele ma nyawaika.