Higalioli 2:3 - Ma Jou ai Demo-demo o Totobelohoka

³ “Ngini iniwedonoka nia dekana abe ka nitagi-tagi dika aika aino ma loku-lokuoka naa. Ho naa ka idadi ngini nimaleloroli la nia dumutu dakuiye.

Higalioli 2:3 ပူးပေါင်းရင်းမြစ်များ

Higalioli 1:6

Abe wahingahu wato, “Ma dodihiraino abe ma oraha ngone nagahi o Sinai ma lokuokahi de Ma Jou o Yawe wonatemo wato, ‘Ngini naa iniwedonoka nia dekana abe nimahidodogumu o lokuoka naa.

Higalioli 2:14

De abeika, nako haetongo ma oraha abe ma dihiraino o Kadese-Baraneaka hosobo de ino ino ino hiadono o Serede ma akere homahihora doka ma honongaika, gea aolomo nanga taongo moruange de tufange nanga dekana! De hokogea ma dekana ipahaikahi la ka idadi ngone o Isiraele ma nyawa nanga nau-nauru mata-mata yokokihonengohi. Abe ma dodihiraka de Ma Jou womahibehehongo wato ona abe yobaluhoka de ka idadi yoparangi, ona mata-mata kiani yohonenge ipaha de ahao ngone utu ka idadi howohama ma tonakika gea.

Higalioli 2:2

De ma oraha gea de Ma Jou wohitemoli ngohino wato,

Higalioli 2:4

De ngona kiani nahuloko de nahitiari ani kokawaahaika nato, ‘Ko itedekanokaua de ngini niatilakuru o tonaka ma batingi moi, de ma batingi gea ti ngini nia gogianongoru abe o Esau ai totoforauku to ona gea manga tonaka ma batingi. Abe ona gea yogogere o Edomo ma tonakoka. De ngaro o Edomo ma nyawa gea inimodongo nginika masara kiani nimahitiari de nimahidodiai to ona manga tonakoka.

Higalioli 2:7

Angamoi Ngohi nia Jou duru ka ihikaika tinihiowa abe ngaro nia datoro hokokia dika nidiai masara tinihiowa nginika. De abe nia dodagi naa ma goronaka, ngaro nia dekana o taongo moruatino nitagi-tagi o tonaka ma kakaaha ma amoko naa masara Ngohi ka ihikaika tinigoana de tininii-niiki de tinihidailako nia wowango ma perelu, ho moioo de ko iwa ti ngini nia perelu.’ Hokogea Ma Jou ai hitiari ma demo abe Ngohi tinidofanga nginika ma dodihiraka gea.”