Higalioli 2:22 - Ma Jou ai Demo-demo o Totobelohoka

²² De ai datoro gea duru imaketero dika de abe hokokia waduhunu o Edomo ma nyawa. Abe Una wahibinaaha o Hori ma nyawa la o Esau ai totoforaukuoli yomanoa manga tonakoka. De hiadono ma oraha naa o Esau ai totoforauku ona nagahi ma tonakoka gea.

Higalioli 2:22 ပူးပေါင်းရင်းမြစ်များ

Dodadi 36:8

Ho o Esau gea, abe ai romanga hinooto ho ai romanga moioli o Edomo, una womaturuuru o Seiri ma tonakika abe imakadateke de o Kanani ma tonaka. Genangoka una de ai nyawa mata-mata yogogere o Seiri ma loku-lokuoka.

Higalioli 2:12

De ma dihiraino de naga o Hori ma nyawa abe yogogere o Edomo ma tonakoka masara ipahaino de o Esau ai totoforauku yakiniiki de yahibinaaha o Hori ma nyawa gea. De ipahaino de o Esau ai totoforauku gea onangoli yomanoa o Edomo ma tonakoka. De gea tanu imaketero dika hoka o Isiraele ma nyawa ahao yodiai o Kanani ma tonakoka, abe yakiniiki ma nyawa abe yogogere genangoka de ahao onangoli yomanoa genangoka angamoi gea ma tonaka abe Ma Jou o Yawe wahidoaka onangika.

Higalioli 2:21

Ho o Refaimi ma nyawa gea ngade-ngade yomaketero de o Enaka ma nyawa angamoi onangoo duru ko manga ngoe de naga de manga bobuturungoka. De nako manga badanga onangoo duru yokokurutiye. Masara ipahaino de Ma Jou wahikokibinaaha onangika la ka idadi o Amono ma nyawali yomanoa ma tonakoka gea.

Higalioli 2:5

Ho ufa ngini niaruwae ona gea, angamoi Ngohi tahidoakoka manga tonaka gea o Edomo ma loku-lokuoka la idadi manga oara ma tonaka. De manga tonaka gea, ngaro ma hohutuloo masara ko tinihidoaka nginika.