Higalioli 2:20 - Ma Jou ai Demo-demo o Totobelohoka

²⁰ De o Amono ma nyawa manga tonaka gea ma dodihiraka o Refaimi ma nyawa yogogere genangoka. Masara nako o Amono ma nyawa ko yahiromangua onangika o Refaimi ma nyawa masara ona yotemo ato o Samasumimi ma nyawa.

Higalioli 2:20 ပူးပေါင်းရင်းမြစ်များ

Dodadi 14:5

Masara doka to ona manga tonakoka o koano o Kedoro-Lomere gea woihenoka abe ma titi iwioluku ho wahokino ai dodiawo o koano abe yomakokadateke. Ho ona yomatoomuino de wahigaro onangika wato, “Ahi dodiawo naa, abeika ona o Kananioka inaoluku. Ho kiani ngone naa nanga tentara mata-mata hatoomuino de hoiki haparangi hiadono o nyawa gea ko inalawanokaua.” Masara ona abe o Kedoro-Lomere iwioluku ngade-ngade adonoka o taongo moiino ma dekana de ahao o Kedoro-Lomere de ai dodiawo de manga tentara yomahidiai la yoiki yaparangi. Ho ona o koano yaiata yosoboka de manga tentara ato o koano yamotoa yaparangi. Masara manga tentara ma doomu ma amoko gea ko yomahiadonuahi o Kanani ma tonakika de o nyawa mata-mata abe yomakamake manga dodagi ma goronaka de gea onangikahi yaparangi. De ka ihikaika o Kedoro-Lomere de ai dodiawo yolaku. Ho yahikala o Refaimi ma nyawa abe yogogere o Asitorete-Kanaimi ma tonakoka, de ahao o Susimi ma nyawaoo yahikalali abe yogogere o Haama ma tonakoka. De ahao o Emimi ma nyawaoo yahikalali abe yogogere o Sawe-Kirataimi ma tonakoka, de ahao o Hori ma nyawaoo yahikalali mata-mataika abe ona yogogere o Seiri ma loku-lokuoka. Abe o Hori ma nyawa gea manga ngi o Ela-Paranoka abe o tonaka ma kakaaha ma datekoka.

Higalioli 2:11

Ho o Emimi ma nyawa de o Enaka ma nyawa, ona mata-mata o nyawa yahiromanga ato o Refaimi ma nyawa, masara nako o Moaba ma nyawa yahiromanga ato o Emimi ma nyawa dika.

Higalioli 2:21

Ho o Refaimi ma nyawa gea ngade-ngade yomaketero de o Enaka ma nyawa angamoi onangoo duru ko manga ngoe de naga de manga bobuturungoka. De nako manga badanga onangoo duru yokokurutiye. Masara ipahaino de Ma Jou wahikokibinaaha onangika la ka idadi o Amono ma nyawali yomanoa ma tonakoka gea.

Higalioli 3:11

De o Basanoka manga koano o Ogo gea una o Refaimi ma nyawa manga totofora duru ma baha angamoi ona utu mata-mata yohiraka yokokihonengoka. De abe hoka ai gogianongoru ma dodihiraino, to ma koano gea ai badanga duru ma amoko. Angamoi abeika hafikiri dika to una ai hohonenge ma ngi ma amoko. Abe ma ngi gea yodiai o hakaruino de to ena ma gurutu o metere iata ifoloi de ma ngoata ngade-ngade o metere hinooto. De ai hohonenge ma ngi gea ka nagahi hiadono ma oraha naa naga abe ma ade-ade tohitulihuku. De nako o nyawa yoiki o Raba ma kotaika abe o Amono ma nyawa manga tonakoka de ka idadiohi yamake ai hohonenge ma ngi duru ma amoko gea.”