Higalioli 2:13 - Ma Jou ai Demo-demo o Totobelohoka

¹³ De ahao o Musa wohigila-gila ai demo wato, “De gea Ma Jou wonahuloko wato, ‘Ngini kiani nimasikaa niloiki o Serede ma akerika de nimahihora doka ma honongaika.’ De ma akere gea idadi o Kanani ma tonaka ma batingi, ho ngone homataiti hosobo de homahihora ma akere gea ma honongaika la ka idadi o Kanani ma tonakika howohamika.

Higalioli 2:13 ပူးပေါင်းရင်းမြစ်များ

Gegetongo 13:23

De naga o dola moi ma romanga o Esekolo, abe imakitingaka de o Heborono ko ikurutikaua, de ma oraha ona yowohama o Esekolo ma dolaika gea de yamake o angguru ma redi abe duru de ma gutufuroka de o angguru ma hofoko o hahaku moi ihidotobiki de gea ena yomagao. De o angguru ma hahaku moi gea duru kohaamoko ho gea ma oraha yao de kiani ihidapakitika o gotaka de o nyawa yahinooto yomarimoku angamoi kohadubuho. De o delima ma hofoko, de o gogilioro ma hofoko enangoo yotofi de yao la ka idadi yahimatoko manga gogianongoruika.

Gegetongo 21:12

De ahao yoikoli hiadono o tonaka ma dola ma amokika ma romanga o Gota-gota ma Dola. De genangokaoo manga tau o ngoerino ihigokoli.

Gegetongo 21:13

De ipaha yoikoli ka hiadono o akere moioli duru ipahahanguku ma romanga o Kokoroongo ma akere abe imanoa o tonaka ma kakaahaka de idadi manga tonaka ma batingi o Amori ma nyawa de o Moaba ma nyawa. Ho yomahihora doka o Kokoroongo ma akere ma honongaika abe gea o Moaba ma nyawa manga tonaka de ahao manga tau o ngoerino ihigokoli la yomahiaini genangoka.

Higalioli 2:12

De ma dihiraino de naga o Hori ma nyawa abe yogogere o Edomo ma tonakoka masara ipahaino de o Esau ai totoforauku yakiniiki de yahibinaaha o Hori ma nyawa gea. De ipahaino de o Esau ai totoforauku gea onangoli yomanoa o Edomo ma tonakoka. De gea tanu imaketero dika hoka o Isiraele ma nyawa ahao yodiai o Kanani ma tonakoka, abe yakiniiki ma nyawa abe yogogere genangoka de ahao onangoli yomanoa genangoka angamoi gea ma tonaka abe Ma Jou o Yawe wahidoaka onangika.

Higalioli 2:14

De abeika, nako haetongo ma oraha abe ma dihiraino o Kadese-Baraneaka hosobo de ino ino ino hiadono o Serede ma akere homahihora doka ma honongaika, gea aolomo nanga taongo moruange de tufange nanga dekana! De hokogea ma dekana ipahaikahi la ka idadi ngone o Isiraele ma nyawa nanga nau-nauru mata-mata yokokihonengohi. Abe ma dodihiraka de Ma Jou womahibehehongo wato ona abe yobaluhoka de ka idadi yoparangi, ona mata-mata kiani yohonenge ipaha de ahao ngone utu ka idadi howohama ma tonakika gea.