Higalioli 1:38 - Ma Jou ai Demo-demo o Totobelohoka

³⁸ Masara ani duduhunu o Yosua abe o Nuunu ai ngofaka, una gea wonituruuru de ka idadi wahihira-hira o Isiraele ma nyawa ma oraha yowohama ma tonakika. Ho irahai ngona nihigaro unangika angamoi una gea abe wahihira-hira ma oraha yowohama de yomahitoona ma tonaka gea.

Higalioli 1:38 ပူးပေါင်းရင်းမြစ်များ

Huhupu 24:13

Ho o Musa wosobo de wiao ai duduhunu o Yosua ho ona yahinooto yogila-gila yodoa Ma Jou ai lokuiye.

Huhupu 33:11

De doka ma goronaka Ma Jou o Yawe witemo o Musaika yomarihimanga imaketero o nyawa abe duru yomaketedodiawo yomakoketemo. Gea yomakoketemo ibooto de ahao o Musa wolio manga dodogumu ma ngi ma goronaika. Masara o Musa ai duduhunu o Yosua, abe una gea o Nuunu ai ngofaka, una ko wolioua. Ho una ka ihikaika genangoka dika womagoo-gogere abe ko wanoaua o tau o ngoerino abe genangoka o Musa de Ma Jou yomakamake.

Gegetongo 13:16

Hokogea manga hidimono manga roma-romanga abe o Musa wahidingoto la o Kanani ma tonaka yowohama yatailako. De o Efaraimi manga hidimono o Hosea, una gea ai romanga hinooto angamoi ma dihirainohi o Musa ai romanga o Hosea gea waturuuru de wihiromangoli o Yosua. Nako to ona manga demoka ma romanga o Hosea ma titi o duduhunu o bobinaahaino de o romangoli o Yosua ma titi Ma Jou o Yawe wonaduhunu o bobinaahaino. De ma oraha o Yesusu abe Una nagahi o duniaka de ma romanga o Yosua gea yomaritoomuika. Ho ma romanga o Yesusu de o Yosua ma titi ka moi, “Ma Jou o Yawe wonaduhunu o bobinaahaino.” Ho gea abe hamake o Matiusu 1:21 ma oraha o malaekata wihingahu o Yusupika abe hokogea kiani iwihiromanga o ngo Maria ami ngofaka.

Gegetongo 14:30

Ho ngini ko niwohamuali o Kanani ma tonakika bowahu o Yefune ai ngofaka o Kalebe de o Nuunu ai ngofaka o Yosua. Ona dika yahinooto abe manga ngumuru o taongo monaoko de imahikaiye abe ahao yowohama o behehongo ma tonakika gea.”’” Hokogea Ma Jou ai demo abe kiani o Musa de o Harunu yadofanga o Isiraele ma nyawaika.

Gegetongo 14:38

Abe ona yatailakoino ma tonaka ona ka yahinooto dika abe Ma Jou wahigunoa la hiadono ka yowangohi. De yahinooto gea o Yosua abe o Nuunu ai ngofaka, de o Kalebe abe o Yefune ai ngofaka.

Gegetongo 34:17

“De hokonaa ma hiaturu la nia tonaka naa inihikodoku nginika la idadi ti ngini nia oara ma tonaka. Abe naga nia hihira yahinooto kiani yahiaturu ma karajaanga, de gea nia hidemo ma nyawa o Eleasara de nagali o Yosua abe o Nuunu ai ngofaka.

Higalioli 3:28

Masara gea kiani o Yosua unangoli ngona nigorakiye la wonituruuru. Ho unangika ngona kiani nihigaro de nihiputurungu ai hiningaika. Angamoi una gea ahao wahihira-hira o Isiraele ma nyawa la yomahihora doka ma akere ma honongaika. De unangoo abe ahao wahidoaka ma tonaka mata-mata gea onangika la idadi to ona manga oara ma tonaka.’ Hokogea Ma Jou ai demo ngohino ma dodihiraka gea.

Higalioli 31:14

De ipahaino de Ma Jou o Yawe wotemo o Musaika wato, “Abeika, naa itigioka ani wowango ma baha. Ho ngona kiani nibehehongo o Yosua la una woboaino, de ahao ngini inihinooto ka idadi niwohamika o Hikamake ma Tau ma goronaika. De genangoka ngini de Ngohi homarihimanga la ka idadi o Yosua tihitagongo de ai karajaanga.” Ho ona yahinooto yoiki yomarihimanga de Ma Jou ma tau gea ma goronaka.

Higalioli 31:23

De ahao Ma Jou wigoraka o Yosua, o Nuunu ai ngofaka gea, de wihitagongo de ai karajaanga. De gea Una witemo o Yosuaika wato, “Ngonaika tonihigaro tato irahai nomaputuhu la naga de ani buturungoka de nomahidomoroini dika! Angamoi ngona kiani nahihira-hira ani gogianongoru mata-mata o Isiraele ma nyawa naa la nimakutono niwohama ma tonakika gea abe Ngohi tahibehehongo nia totoforaika tato ahao tahidoaka onangika. De ma oraha ngini niwohamika de Ngohi tininii-niiki nginika.”

Yosua 1:1

Ma Jou o Yawe ai duduhunu, o Musa, wohonengoka de ahao to Musa ai duduhunu o Yosua, unangoli wituruuru. De o Yosua gea ai baba o Nuunu. De ka de una wodadi o Musa ai duruuru de Ma Jou o Yawe wihibehehongo unangika wato,

Yosua 11:23

De o Yosua de o Isiraele ma nyawa ka ihikaika yomaketeparangi de o nyawa mata-mataika abe yogogere o Kanani ma tonakoka ka hiadono mata-mataika yahikalaka. Angamoi hokogea nengokadauinohi Ma Jou o Yawe wihibehehongo o Musaika wato kiani ona o Isiraele ma nyawali yomahituruuru yogogere o Kanani ma tonakoka. Ho yomahitoonangoo ma tonaka gea de ahao o Yosua wahikodoku la manga dutu yangimoi de yahinootoino homoi-homoiika yamake manga oara ma tonaka genangoka. Hokogea o Yosua o tonaka wahikodoku la gea o Isiraele ma nyawa manga dano-danonguku ka ihikaika idadi to ona manga oara. Ho gea o Isiraele ma nyawa yoriidoka manga tonakoka gea angamoi yoparangi yomahiainoka.

1 Samuele 16:22

De ahao o Saulu ai behehongo moioli ai duduhunu yototaka o Isaiika, abe o koano ai demo hokonaa, “Isai, ngohi ani koano naa tonihibehehongo la ani ngofaka o Dautu nihigunoa la wodadi ahi duduhunu moi abe duru ahi datekoka wohileleani angamoi ani ngofaka gea duru wohihisanangi ngohino.” Hokogea o Saulu woigo de hokogea idadi.