Higalioli 1:37 - Ma Jou ai Demo-demo o Totobelohoka

³⁷ De ahao o Musa ka wotemohi onangika wato, “De ma oraha gea de nanga Jou ai ngamo itagi ngohinoo ma titi ngini. Abe Una wohitemo wato, ‘Musa, ngaro ngona ma hirete masara ko tonihigunoaua la nowohama ma behehongo ma tonakika gea.

Higalioli 1:37 ပူးပေါင်းရင်းမြစ်များ

Gegetongo 20:12

Masara Ma Jou o Yawe ko wasanangiua o Musa de o Harunika ho wataere wato, “Ngini ko nihihingounua. Marai nia ngongaku Ngohino ko niapakeua angamoi ko nianiikua hoka tinihibehehongoka nidiai o Isiraele ma nyawa manga himangoka. Abe nako nihihingounu de gea niahimatoko o nyawa mata-mataika gea to Ngohi ahi medebini ma dararono ma oraha o akere ipooteke ma hakaruino. Masara, angamoi ngini ko nihihingounua gea niahimatoko onangika abe nidiai ti ngini nia hininga ma mauoka dika de aino ho ona ko ihihigiriiriua ma titi o akere gea Ngohino. Ho gea Musa de Harunu, ka de ngini hokogea nidiai de nimahitaana abe ko iwa nia horomati to Ngohi ahi medebini ma dararonika. Ho ahao ko nginiua niahihira-hira o Isiraele ma nyawa ma oraha yowohama ahi behehongo ma tonakika abe tahidoakoka onangika.” Hokogea Ma Jou ai hohowono o Musa de o Harunika ma titi ko iwihingounua.

Gegetongo 27:18

De Ma Jou o Yawe wipaluhu o Musaika, wato, “Musa, ani duruuru nagau, una gea o Yosua abe to Nuunu ai ngofaka de ai hiakunu ahi Womahino. Ho ngona ahao o Yosua nile de nifokumu la nohitunguu abe una to ngona ani duruuru.

Higalioli 3:27

Masara naa moi dika tonihidoaka. Abe ngona ka idadi nodoa o Pisaga ma tubuiye, de abe nomahiadoniye ka idadi nolega-lega dika ma tonaka gea ma amokika. Genangoka nowuni-wuningi de ani lako dika masara ko idadiua nomahihora doka o Yorodani ma akere ma honongaika.

Higalioli 3:28

Masara gea kiani o Yosua unangoli ngona nigorakiye la wonituruuru. Ho unangika ngona kiani nihigaro de nihiputurungu ai hiningaika. Angamoi una gea ahao wahihira-hira o Isiraele ma nyawa la yomahihora doka ma akere ma honongaika. De unangoo abe ahao wahidoaka ma tonaka mata-mata gea onangika la idadi to ona manga oara ma tonaka.’ Hokogea Ma Jou ai demo ngohino ma dodihiraka gea.

Higalioli 31:2

Abe una wotemo wato, “Ngohi naa ahi ngumuru adonoka ahi taongo o ratuhu moi de monaoko. Ho marai ko takunokaua tinihihira-hira ngini, de hongoli Ma Jou wohihingahuoka wato ngohi ko idadiua tomahihora doka o Yorodani ma akere ma honongaika.

Higalioli 32:52

Ho gea ma titi hiadono ma oraha ngona o loku ma pukuoka de ka idadi nomalega dika ma tonakika gea doka ma dola ma honongaka. Masara abe ma titi ngona de ani gogianongoru nimakiniiki la ngonaoo nowohama ma tonakika, gea Ngohi duru ko tonihigunoaua ngona nowohama genangika.” Hokogea Ma Jou ai demo unangika abe ma oraha itigioka o Musa ai wowango ma baha.

Higalioli 34:4

De Ma Jou o Yawe wihingahu o Musaika wato, “Ma tonaka gea mata-mata abe tahibehehongoka o Abarahaamika, de o Isakika, de o Yakubika, tato ahao tahidoaka manga totoforaukuika. Ho o behehongo ma tonaka gea tonihimatokoka ngonaika la namakeoka de ani lako ngaro ngona ko idadiua nowohama ma tonakika gea.” Hokogea Ma Jou wihimatoko o Musaika o Kanani ma tonaka.

Higalioli 4:21

De ahao o Musa wohigila-gila ai demo onangika wato, “Masara ipahaino de idadi abe Ma Jou o Yawe duru wongamo ngohino mangale ma titi ngini naa, ho Una womahikoboto wato duru ko idadiua ngohi tomahihora ma akere gea ma honongaika la towohama ma tonaka ma rorahaiika abe Una winihidoaka nginika naa.

Higalioli 4:22

Ho igoungu ngohi naa ahao tohonenge naa ma honongaka, masara ngini dika ka idadi nimahihora doka ma honongaika de niwohama ma tonakika gea la idadi ti nginioli nia oara ma tonaka.