Higalioli 1:24 - Ma Jou ai Demo-demo o Totobelohoka

²⁴ Ho ona yosobo de yotagi-tagi yoiki o loku-lokuiye de ipaha yomahiadono o Esekolo ma dolaika la ka idadi yatailako ma tonaka gea.

Higalioli 1:24 ပူးပေါင်းရင်းမြစ်များ

Gegetongo 13:20

De kiani hohiorikoo o kiaka manga tonaka ma joro de ma gutufuroka de o kiaka manga tonaka ma joro ikuranga ikutufuru. De sarakia naga ma gota yowango ma tonakoka gea eko ko iwa. Ngini naa kiani manga tonaka niwohama de manga datomo ma hasili enangoo niatailako de nihitaili niale de niao nenangino la nimihimatoko ngomino.” Hokogea o Musa ai behehongo onangika. De ma oraha wahidingoto gea manga angguru ikotomoro ihofoko.

Gegetongo 32:9

De ahao ona yoiki o Esekolo ma dolaika de yamake ma tonaka gea masara yolioino de yahihawana o Isiraele ma nyawa abe ona yahingahu ato, ‘Koaho ufa howohama ma tonaka gea abe Ma Jou o Yawe wato wonahidoaka ngoneino.’

Higalioli 1:23

“De gea ngohi tomodeke de ti ngini nia hidee gea, ho ngohi tahidingoto nia nauru yangimoi de yahinooto nginioka. Abe nia dutu amomoiino o nyawa moi tahidingoto o tonakika gea.

Higalioli 1:25

De ipahaino de ona abe yatobatailako gea yale o tonaka ma hasili de yomagao la ka idadi yolioino de inahimatoko ma hofoko gea ngoneino. De ma oraha gea nagali inahingahu manga ade-ade abe yotemo ato, ‘Ma tonaka gea abe nanga Jou o Yawe wato wonahidoaka ngoneino, gea o tonaka ma rorahai.’ Hokogea manga demo.