Hidingoto 9:8 - Ma Jou ai Demo-demo o Totobelohoka

⁸ De o Saulusu una womomikiye de ai lako wafelanga masara ko womahiorikokaua. Ho ai dodiawo gea iwituda abe yogila-gila yowohamika o Damasiki ma kotaika.

Hidingoto 9:8 ပူးပေါင်းရင်းမြစ်များ

Dodadi 14:15

Ka de yadaene genangoka de yofutuoka. De o Abaraama ai nyawa yaratuhu hange de yangimoi de yatufange waregu la naga manga doomu muruono naga. Waregu ibooto de ahao yahigiloliti o koano yamotoa gea de yakokingohama o futu-futuoka de yaparangi onangika hiadono manga musu gea yoara. Masara o Abaraama de ai dodiawo ka yaniikohi yaparangi hiadono o Damasiki ma kota yahitilakurika de yogila-gila hiadono o Hobaa ma kotaikali yadono.

Dodadi 19:11

De o malaekata gea yodiai o nau-naurika o ngorana ma poretoka gea la ka itodokanino manga lako ikokihomuoka. Abe ngaro yatimonoka eko ka o goduuruohi ma yohorioka ho ko amakeokaua o tau ma ngorana.

Huhupu 4:11

De Ma Jou o Yawe wihitararono unangika wato, “Musa, naa tonileha, onaguna yodiai o nyawa manga uru mata-mataika? De onaguna yodiai o nyawa utu yatopongono de o nyawa utu yomou? De onaguna yodiai la o nyawa utu yomahioriki de utu yorafioka? De gea ngona nato ko Ngohiua? Gea Ngohi Ma Jou o Yawe dika ahi kuaha la hokogea todiai!

Hidingoto 13:11

Ho mangale ma titi ani hininga ma dorou gea ho naa nanga Baluhu idodutu wonihohowono ngonauku. Abe gea wonihirafi ho naa hatoli ma dekana de ngona ko nomahiorikokaua.” Ka de o Paulusu wotemo hokogea de o Elimasa gea wamao hoka o hauramo abe duru yofufutuoka iutiuku unanguku ho duru ko womahiorikokaua. De una ka wohohabalanga waika waino de womagaho-gahoko o duduhunu o nyawaino la iwituda-tuda abe ai dumutika.

Hidingoto 22:11

“De mangale ma titi ma dararono abe duru kohadararono gea ho ngohi torafioka, ho kiani ahi dodiawo ihituda-tuda abe migila-gila miwohama o Damasiki ma kotaika.

Hidingoto 9:18

Ka de wotemo hokogea de ka itodokanino naga abe o Saulusu ai lakoka de auku iotakuku, abe gea ena ma rupa hoka o nawoko ma unafa. Ho iotakoka de o Saulusu ai lako itogumoka ho ka idadi womahioriki. De ahao una womaokoiye de womaohiki abe ma titi ai ngongaku o Yesusika.

Hidingoto 9:9

De yomahiadonoka de o Saulusu una ai wange hangeino worafioka, de ngaro o inomo ma ko wolo-olomua de ngaro o akere ma ko wokerua.

2 Korintusu 11:32

De naa moi tiniade-ade nginika abe ihihitaana to ngohi ahi bole-bole. Abe ma dihiraino ngohi naga o Damasiki ma kotaka, de ma oraha gea manga koano o Aretasa de nagali manga hihira manga tonakoka abe iwihiromanga manga gubernuuru. De ma gubernuuru una gea duru ko wohisanangiua ngohino hiadono wato ihitaoko, ho una wahuloko ai gogoana ma nyawa la ihigoana o kota ma dadaduhu ma ngoranoka. Abe una wato nako ahao ngohi toboa genangino la tato tohupu ma hoanika de ona kiani ihitaoko ma ngoranoka gea.

Galatia 1:17

De ma oraha gea igoungu naga o Yerusaleeme ma kotaka nanga gogianongoru yamuruono naga abe ona yohira yahingahu-ngahu o Abari ma Rorahai o nyawaika. Abe ona gea ma dodihiraino abe Una ko wohihitagonguahi ai Abari ma Rorahai ngohino de gea wahitagongokau onangika, ho ona gea yohira yahingahu-ngahu. Masara gea tingakuoka de ngohi o Yerusaleemika ko toikua de ko mimakoketemoua ona de ngohi ma titi ma abari gea, ho ko moiua ka idadi ihitae ngohino ato ahi abari ma demo tamake onangoka. Masara ai karajaanga gea ka de wohihitagongino ngohino de tosobo toiki o Araba ma tonaka ma kakaahaika. De ipaha genangoka de ngohi tolioli o Damasiki ma kotaikali.