Hidingoto 9:41 - Ma Jou ai Demo-demo o Totobelohoka

⁴¹ De ahao una womiso ami giama de womihimotekiye la ka idadi momaokoiye. De momaokoino de ahao una wahokino o ngo-ngofeka yofao-fao gea de abe utu iwingaku-ngaku mata-mataika de wahimatoko o ngo Tabita onangika la ka idadi ihioriki abe muna ka mowangokali.

Hidingoto 9:41 ပူးပေါင်းရင်းမြစ်များ

Dodadi 45:26

Ka de yomahiadonoka de iwihitodokanika manga babaika ato, “O Yusupu ka wowangohi! De unangoo iwigoraka la wodadi manga popareta ma hidimono hiadono wapareta o Mesiiri ma tonaka mata-mataika.” Gea woihene de duru o Yakubu iwitodokana de marai ko wangakua manga ade-ade.

1 Kokoano 17:23

De o Elia wigoraka witotiri wihiguti o tau ma goronauku de wihigilio ngoi meme ami giamika. De una wato, “Abeika hobata, ani ngofaka naa ka wowangokali!”

2 Kokoano 6:7

De o Elisa witemo ai dodiawoika, wato, “De ma bahuku gea noiki nagoraka dika.” Ho una o nauru wodobongika ma bahuku wagoraka.

Maruku 1:31

Ho o Yesusu woiki munangika de womiso ami giamika de womiliara la momaokoino. De duru ma oraha gea dika de ami badanga ma hauku ihupuoka ho motogumoka ami kangelaino, ho hiadono muna maleleani de o inomo ona gea.

Lukasa 7:12

De abe yomahitigino o kapongo gea ma dadaduhu ma ngoranoka de yamake o nyawa manga ngoe yohupu ma kapongino de yao o goduuru womatengo ai honenge, de manga dumutu la iwilungunu abe manga lungunu ma ngioka. De ma goduuru wohone-honengoka gea o ngo bao ami ngofaka ka womatengo dika, de o nyawa manga ngoe ma kapongino gea yomakiniiki de ngoi meme gea.

Lukasa 7:15

De hokogea dika de una wohone-honenge womomiki ai honengino de wogogeruku ma momokuoka de womulaenge wotemo-temo onangika. De ahao o Yesusu womitemo ngoi memeika wato, “Ani ngofaka naa wowangokali ho tihigilio ngonaika.”

Hidingoto 20:12

De ma goduuru gea o Yutikusu ai gogianongoru yamuruono naga iwile de iwiao la wolio ai tauika, de ona manga hiningaka de duru yalaruoka angamoi una ka wowangohi.

Hidingoto 3:7

De gea wotemo ipaha de o Peturusu wiso ai nirakika de witauru la widuhunu womaokoiye. De duru ma oraha gea dika de wolugu-lugu ai lou de ai pupuungu itogumoka de idadi iputurungu.

Hidingoto 6:1

De ma oraha gea ka ihikaika o nyawa yodogo-dogo abe iwingaku o Yesusika. Masara nagali o nyawa manga gurubungu manga doomuoka. Angamoi manga biaha ma oraha gea la o wange-wangeiye yahikokodoku o inomo o ngo-ngofekaika abe yofao-faooka. De ona abe yotemo-temo de o Yunani ma demo, ona yamao abe manga gogianongoru yobao-bao ko yamakeua ma inomo la yahiwedono manga perelu. Ho ona yahigurubungu onangika abe yotemo-temo de o Ibarani ma demo mangale ona gea abe ihiaturu ma inomo.

Hidingoto 9:13

De o Ananiasa wato, “Masara ahi Baluhu! Ngohi tigihenoka ma titi ma nyawa gea! Abe una ai datoro ma dorou ma ngoe wodiaioka ani nyawa yotebi-tebinika o Yerusaleemoka!

Hidingoto 9:32

De ipahainoli de o Peturusu wotagi-tagi de o kapongo homoi-homoiika wotulu-tulu la watutumu ona iwingaku-ngakuoka o Yesusika. De ai dodagi ma goronaka de watutumu nanga Baluhu ai nyawa abe yomanoa o Lida ma kapongoka.

1 Timotiusu 5:3

De abe ma titi o ngo-ngofeka o bao-bao ti ngini nia hidogoronaka, onangika kiani ngini niahayanga de kiani to ona manga perelu niahidailako. Masara gea o bao-bao dika abe manga dutu ko moiokaua ho hiadono duru ka yomatengokahi dika de yohuha.

1 Timotiusu 5:5

De masara abe o bao-bao duru yomatengokahi, ona gea duru yomahinganono ka Ma Jouika dika ma titi manga perelu. O wange-wangeiye de o futu-futuiye ona yomagaho-gahoko o duduhunu Ma Jouika. Ho nako o bao-bao abe hokogea manga wowango, gea de ahao itiai o gareja yaduhunu onangika.