Hidingoto 9:4 - Ma Jou ai Demo-demo o Totobelohoka

⁴ De una worubauku ma tonakuku de ahao woihene o ilingi itemo unangika ato, “Saulusu, Saulusu! Adodoa ho ngona nohihikangela Ngohino ma titi ani datorino?”

Hidingoto 9:4 ပူးပေါင်းရင်းမြစ်များ

Dodadi 16:8

De womileha munangika wato, “O ngo Sarai ami gilaongo o ngo Hagara, ngona naa o kiaino noboa? De nato o kiaika noiki?” De muna mopaluhu mato, “Naa igoungu, ngohi toara, ahi dutu o ngo Sarai gea tomidogunoaika.”

Dodadi 22:11

Masara ka de o Abarahaama ai gakana wagorakiyeoka de itodokanino naga o dihanguku Ma Jou o Yawe ai malaekata womatengo waamokiye wiahoko wato, “Abarahaama, Abarahaama!” De una wopaluhu wato, “Ngohi naga nenangoka.”

Dodadi 3:9

Masara Ma Jou o Yawe wiahoko o naurika wato, “Adama, o kiaka ngona naika?”

Huhupu 3:4

De wohitigi-tigika de Ma Jou wimake o Musa woboaino de witemo unangika de ai ilingi ihupu o gota gea ma dokara ma goronaino wato, “Musa, Musa!” De o Musa wopaluhu wato, “Iya, ngohi naga.”

Yesaya 6:8

De ahao ngohi toihene nanga Baluhu idodutu woleha wato, “Onagona ka idadi Ngohi tohidingoto? De done onagona yodadi to Ngomi mia hidingoto ma nyawa la mia demo yatotaka?” De ai leleha gea toihene ho ngohi topaluhu tato, “Ngohi naga. Ka idadi Ngona nohihidingoto ngohi!”

Gegetongo 16:45

“Musa, kiani ngona de o Harunu nimataiti nimatitokoka o nyawa mata-mataino gea! Ngohi naa tato ka itodokanino dika de tahibinaahaka ona mata-mata ka ma moi.” Hokogea Ma Jou wohuloko masara o Musa de o Harunu ko yoarua. Ona duru yomangumo o tonakuku de yomamotumuku yomaniata.

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Lukasa 10:41

Masara o Yesusu womipaluhu wato, “Ngohi ora, o ngo Marata, ngona ka nopusingiholi de ani hininga aruwaeoka angamoi nafikiri ma titi ma ngoeika.

Yohanese 18:6

Ka de o Yesusu wotemo dika wato, “Ngohi Naga,” de itodokanino o nau-nauru manga ngoe gea ihidepewanga hiadono o tonakuku yokokiruba.

Yohanese 20:16

Masara Una gea o Yesusu ho womiahoko dika ami romangika wato, “Maria.” Ka de womifetongo hokogea de duru midodiaiika mihimanga o Yesusika de motemo de o garago ma demo mato, “O Rabuni!” abe nako o Yahudi ma nyawa manga demo, o romanga gea duru de ma horomatioka abe yapake manga guruika.

Yohanese 21:15

Ho gea yolomo ibooto de o Yesusu wileha o Peturusika wato, “Simono, to Yohanese ai ngofaka, sarakia, nako ngona de ani dodiawo mata-mata naa, gea ka ngonahi nagou-goungu nohidora?” De o Peturusu wopaluhu o Yesusika wato, “Ahi Baluhu, Ngona nohioriki igoungu tonidora.” De o Yesusu wotemo wato, “Ona abe ihiniiki tahiketero hoka o domba ma ngofaka ho naa kiani onangika natofo.”

Hidingoto 5:10

De ka itodokanino de munangoli ka mohidurubauku ho mohonengoka. De ma goo-goduuru yowohamino de imimake ami honenge daena ho imigoraka de imiao ma lungunu ma ngiika de imilungunu ami rokata ai honenge ai datekoka.

Hidingoto 9:5

De una wato, “Masara ahi baluhu, ngona naa onaguna?” De ma ilingi iwipaluhu ato, “Ngohi naa o Yesusu, abe ngona nohihikangela Ngohino!

Roma 11:22

Ho abeika hohidifikiri abe Ma Jou ai hininga ma mobole, de nagali Ma Jou ai hininga la wadotoko o nyawaika ma titi yoluku iwingaku Unangika. Abe nako ona iwiporete Unangika, ona gea yamake manga dodotoko Unangino. Masara nagali ai hininga ma mobole abe ngini ko o Yahudi ma nyawaikaua angamoi ngini ka nimanoahi ai hininga ma rorahaioka. Ho nako ngini niwiporete ho ko nimanoakauali Unangoka, gea ahao nginioo winitobiki de winitingakika Unangoka de aino imaketero abe hoka ahi gogianongoru o Yahudi ma nyawa abe Una watingakika.

1 Korintusu 12:12

Abeika tonahiketero. Ngone o nyawa nanga badanga ka moi dika, masara to ena ma kiahonanga duru kohangoe. De ngaro ma badanga ma kiahonanga kohangoe, masara gea o badanga moi dika. De gea duru imaketero hoka ngoneoli abe hingaku-ngakuoka. Abe ngone naa naga nanga ngoe, de gea ngone homoi-homoi to Kristusu ai badanga ma kiahonangino homoi-homoi.

1 Korintusu 4:7

De naa tinileha de tinitaere nginika abe ngini hatoli nikurutiye o nyawa manga himangoka. Mode ka onagona inihingahu nginika ato, “Nako de o nyawa utu, ka nginiohi nisosawaro de nia demo ma ilingi inouhu”? Mode ko nihiorikua abe nia hiakunu mata-mata gea inihidoaka dika nginika? Ho nako nia hiakunu gea de ngini ka nidafongo dika, gea adodoa ho nimahigiriiri hoka nia karajaangoka de aino iboa?

Efesusu 5:30

angamoi ngone homoi-homoi hodadioka hoka to Una gea ai badanga ma kiahonanga.