Hidingoto 9:34 - Ma Jou ai Demo-demo o Totobelohoka

³⁴ De ahao witemo o Eneasika wato, “Eneasa, ngona naa o Yesusu Kristusu wonihitogumu ani kangelaino! Ho ngona nomaokoiye de ani nanao nalulukoka!” Ka de wotemo hokogea de wotogumoka!

Hidingoto 9:34 ပူးပေါင်းရင်းမြစ်များ

Matiusu 8:3

De o Yesusu wisoika unangika de witemo wato, “Ngohi ka idadi tomodeke toniduhunu, ho naa ngona notogumoka!” De ka de wotemoka de ka itodokanino to una ai pado iaikoka ho wotogumoka.

Matiusu 9:6

Ho gea totemo la ngini ka idadi nihihioriki abe Ngohi naa o Nyawa ma Ngofaka abe o Horogaka de tauku toboa masara o nyawaino tomaboa. De gea tomahitaana ahi kuaha nako hiadono una tihuloko la womomiki de gea ahao ka idadi womadagi.” Ho gea o Yesusu wotemo ibooto onangika de ahao wolugu-luguikali wotemo wato, “Ho naa ngonaika tonitemo, Ngona nomomikoka, de ani nanao nagoraka de nolio ani tauika, angamoi ngona naa Ngohi tonihitogumoka.”

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

Hidingoto 16:18

De muna gea o wange-wangeiye ka hokogea dika motobadiai abe momihidoo-doduru mia poretino hiadono o Paulusu ko wapoakaua ami demo gea. Ho una womidogilioro munangika de wotemo ma tokatika abe imanoa munangoka wato, “Naa ngohi tonihuloko de tapake o Yesusu Kristusu ai romanga. Abe tonihuloko la ngona ami badangoka de aino nohupuino de nominoaka!” Ka de hokogea wotemo de ma tokata imatitokoka munangoka de aino.

Hidingoto 3:12

De o Peturusu wamake abe o nyawa yowoe-woe yahigilolitino genangoka ho wotemo ona mata-mataika wato, “Ahi gogianongoru o Isiraele ma nyawa, adodoa ho ngini niheranga ma titi abe idadioka naa unangika? De adodoa ho ka nimidamaana ngomino de nimatemo nia hiningaka niato bote to ngomi dika mia kuahaino eko mia totiaiino hiadono wolugu-lugu naa wotogumoka la ka idadi womadagi?

Hidingoto 3:16

“De naa ngomi minihingahuoo abe nanga gianongoru naa abe kangano ka woluguohi masara naa wotogumoka, gea o Yesusu ai romanga ma kuaha abe iwihiputurungu unangika. De gea mata-mata idadi duru ti ngini nia hima-himangoka, ho nginioo tanu nihioriki abe wotogumoka ma titi ai ngongaku o Yesusika.”

Hidingoto 3:6

Masara o Peturusu wato, “Ngohioka o tiwi ko iwa la tonihidoaka, masara abe naga ngohioka gea ka idadi tonihikodoku ngonaika. Ho naa de o Yesusu Kristusu o Nasaretoka ai romanga tonihuloko la nomaokoino de nomadagi!”

Hidingoto 4:10

Ho naa tinihingahu de duru tinihitararono nginika de o Isiraele ma nyawa mata-mataikaoo tahingahu abe wolugu-lugu nia himangoka naa, una wotogumu ma titi o Yesusu Kristusu ai romanga de ai kuaha, abe o Yesusu Una gea o Nasaretoka ma nyawa. De Una gea abe ngini niwihohonengoka masara ipahaino de Ma Jou wihimomikoli ai honengino.

Hidingoto 9:33

De naga genangoka womatengo ai romanga o Eneasa abe una wolugu-lugu. De una gea ai taongo tufangeino naa abe ka womaidu-idu dika ai nanaooka angamoi ko idadiua womaokoiye. De o Peturusu naga wotagi-tagi ma kapongoka gea de yomakamake una de wolugu-lugu gea.

Hidingoto 9:35

De wotogumu ipaha de ona mata-mata o Lida ma kapongoka de o Sarono ma tonakoka gea iwimake abe o Eneasa ka idadi womadagi-dagi, ho ona mata-mata iwingaku nanga Baluhu idodutuika.