Ho kiani ngini nimahitipokouku de niwidomorene Ma Jou o Ngofakika, Done Una winingamo de winihibinaaha nia karajaanga ma goronaka. Angamoi itodokanino de ka idadi ifae to Una ai ngamo nginika. Masara ona abe ko iwa manga hidee ma dorou Ma Jouika, Gea ona wahiowa angamoi yomahitatoko Unangika, Ma titi to ona manga ngongaku duru Ma Jou o Ngofakika.
Hidingoto 9:20 - Ma Jou ai Demo-demo o Totobelohoka20 De gea womulaengoka wahingahu-ngahu o nyawaika ma titi o Yesusu, abe una wotobawohama manga dodotoko ma tau-tauoka de wotemo wato, “O Yesusu Una duru wagoungu Ma Jou ai Ngofaka!” အခန်းကိုကြည့်ပါ။ |
Hidingoto 9:20
32 ပူးပေါင်းရင်းမြစ်များ
De ahao ma Koano gea wohidogo to ai Baba ai hingahu, wato, “Ngohi naa Ma Jou ai koano abe womahitounangoka, Ho ma titi Ngohi, hiadono Ma Jou o Yawe ai demo hokogea, Abe Una ma dihiraino wohihingahuokau Ngohino wato, ‘Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.
De o Yesusu ai gotaka naga o Roma manga tentara manga baluhu abe ai kokawaaha yaratuhu moi de nagali ma tentara yamuruono naga utuoli. De ona yamake abe hokokia ma tonaka ihikelu-kelu de abe utu mata-mata idadioka ma oraha gea de duru yokokihawanoka de yotemo ato, “Duru igou-goungu Una gea to Ma Jou ai Ngofaka!”
Abe ai behehongo wohingodumu ngoneino ma oraha wihimomiki o Yesusu ai honengino. De o Higiriiri ma Nyanyianga ma hinootoka abe ma dodihiraino itulihuku, to ena ma demo ihidumutu o Yesusu ai momomikika. Abe gea ma demo itemo ato, ‘Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.’ Hokogea ma dodihiraino itulihukuoka.
De ahao o Paulusu de o Baranabasa duru de manga domoroini yaamo-amokiye yahingahu ato, “Igoungu kiani Ma Jou ai Abari ma Rorahai naa itagi ihira ngini o Yahudi ma nyawaikahi. Masara ngini naa niaolukoka ma abari gea ho nimaputuhu abe ko nioigoua o wowango ka hiado-adonika. Ho mangale ngini niaolukoka enangika ho naa ma abari gea ngomi mihidagi de miahingahu ona ko o Yahudi ma nyawaikaua.
De ma nuuhu gea yomahiadonoka de youti ma kapaka de yauku ma dudunguku o Salamisi ma kapongoka. De ma kapongoka gea de yoiki o Yahudi ma nyawa manga dodotoko ma tau-tauika de yadoto-dotoko o nyawaika Ma Jou ai Demo-demoino. De ma oraha gea naga o Yohanese Maruku abe watobanii-niiki ona yahinootoika.
De o Ikoniumu ma kotaka de o Paulusu de o Baranabasa yomakiniiki yowohamika o Yahudi ma nyawa manga dodotoko ma tauika la yahikodoku Ma Jou ai Demo-demoino onangika. De ma oraha yahikodoku manga gogiriaka de Ma Jou ai kuaha duru ilamoko imanoa onangoka hiadono o nyawa ko manga ngoe genangoka iwingaku nanga Baluhika. Abe ngaro o Yahudi ma nyawa de ngaro ona ko o Yahudi ma nyawaua, masara naga ko manga ngoe onangino gea abe yongaku manga demoika.
De o Hiaini ma wangeoka de ngomi mihupu o kota ma hoanika abe o akere moiika imahitigi-tigino. Angamoi ngomi miihene naga o nyawa yamuruono naga yomatoo-toomuino o akere ma ngigorino gea la yomaniata. Ho ngomi mimahiadono manga niniata ma ngi gea de mimakamake de o ngo-ngofeka yamuruono naga abe yomatoomuinoka genangoka. De migogeruku la ka idadi mimakoketemo de de ona.
De o Paulusu una ka ihikaika wowohama o Yahudi ma nyawa manga dodotoko ma tauika la yomakoketemo de wahigaro onangika ma titi o Abari ma Rorahai. Abe ngaro o Yahudi ma nyawa de ngaro ona ko o Yahudi ma nyawaua abe iwihoromati Ma Jouika, masara una duru wahigaro ona mata-mataika ma titi ai demoino la wato iwingaku o Yesusika. De o wange-wangeiye una woiki o kota ma gogoronaka abe genangoka o nyawa yomatoo-toomuino la onangikaoo wahikodoku o Abari ma Rorahai.
De ipahaino abe ma kapa imahiadono o Efesusu ma kotaika de o Paulusu yomakitingaka de ai dodiawo o giabereki moi gea. Abe una ai futu muruono dika genangoka masara ona yahinooto yomanoa manga dekana o Efesusoka. Masara o Paulusu ko wosobouahi de woikohi o Yahudi ma nyawa manga dodotoko ma tauika la ka idadi yomakoketemo de wahigaro onangika ma titi o Abari ma Rorahai.
De abe ma oraha o Saulusu wahikodoku Ma Jou ai Demo-demo o nyawaika de ai demo ka idogo-dogo iputurungu, ho hiadono o Yahudi ma nyawa abe o Damasiki ma kotaka ko idadiua iwihikala ai demoino. De ai demoino gea de wihitaana abe o Yesusu Una duru wagoungu Ma Jou ai Mesia abe ma dodihiraino de wihibehehongoka wato ahao wihidingoto ngoneuku.
Masara Una ka o nyawa biahaua dika, de gea hohioriki angamoi ipahaino de Ma Jou o Womaha abe duru wotebi-tebini wihimomiki nanga Baluhu idodutu o Yesusu Kristusu ai honengoka de aino. De abe ma oraha womomiki, genangoka de o Yesusu duru iwihitaana abe Una gea Ma Jou o Ngofaka duru de ai kuahaka. Ho o Abari ma Rorahai abe ngohi tatobahingahu-ngahu o nyawaika, ma abari gea duru ihititi nanga Baluhu idodutu o Yesusu Kristusoka.
De ma oraha gea wohihimatoko ngohino to Una ai Ngofaka la gea ka idadi tahingahu-ngahu o Abari ma Rorahai ma titi o Yesusu abe onangika ko o Yahudi ma nyawaua. De gea wohihitagongino ngohino de gea ngohi o duduhunu ko tomagahokua o nyawaino ma titi abe ma abari ma demo hokokia ahao tahingahu-ngahu, angamoi ma demo gea tamake Ma Jouoka de aino dika.
De igoungu ma oraha naa ngohi ka towangohi, masara gea tanu ko ngohinoua abe ngohi towango masara gea o Kristusu abe Una wowango ahi badanga ma goronaka. Abe ngaro ngohi towango de ahi badangokahi, masara ahi badanga gea ko ihiparetakaua ngohino, angamoi naa tatobaniiki ahi ngongakuikali, de gea ngohi tingaku Ma Jou ai Ngofakika. Abe Ma Jou ai Ngofaka gea Una duru wohidora ngohino de hiadono ai wowango womahidoaka ma titi ngohi.
De ahao Una gea wohihulokoli wato, “Naa ngona nohitulihuku ahi demo naa abe o Tiatira ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa Ma Jou ai Ngofaka, de to Ngohi ahi lako duru de ma dararonoka abe hoka o uku ma dokara ma dararono. De to Ngohi ahi lou duru iletongo abe hoka o tabaaga ma dutu abe hoka yaeheoka hiadono duru iletongo.’” Hokogea Una womahingahu.
ကြော်ငြာတွေ