Hidingoto 9:10 - Ma Jou ai Demo-demo o Totobelohoka

¹⁰ De naga o Damasiki ma kotaka womatengo wingaku-ngaku abe ai romanga o Ananiasa. De nanga Baluhu idodutu womahimatoko unangika de wiahoko wato, “Ananiasa!” De wipaluhu wato, “Ahi Baluhu! Ngohi naga!”

Hidingoto 9:10 ပူးပေါင်းရင်းမြစ်များ

Dodadi 14:15

Ka de yadaene genangoka de yofutuoka. De o Abaraama ai nyawa yaratuhu hange de yangimoi de yatufange waregu la naga manga doomu muruono naga. Waregu ibooto de ahao yahigiloliti o koano yamotoa gea de yakokingohama o futu-futuoka de yaparangi onangika hiadono manga musu gea yoara. Masara o Abaraama de ai dodiawo ka yaniikohi yaparangi hiadono o Damasiki ma kota yahitilakurika de yogila-gila hiadono o Hobaa ma kotaikali yadono.

Dodadi 22:1

De ipahaika Ma Jou o Abarahaama ai ngongaku wataili. De hokonaa ma ade-ade: Ma Jou wiahoko wato, “Abarahaama!” De o Abarahaama wopaluhu wato, “Ngohi naga nenangoka.”

Dodadi 31:11

De ahao ahi buluhara ma goronaka naga Ma Jou ai malaekata wotemo ngohino wato, ‘Yakubu!’ De ngohi topaluhu tato, ‘Ngohi naga tototoihene!’

Huhupu 3:4

De wohitigi-tigika de Ma Jou wimake o Musa woboaino de witemo unangika de ai ilingi ihupu o gota gea ma dokara ma goronaino wato, “Musa, Musa!” De o Musa wopaluhu wato, “Iya, ngohi naga.”

Yesaya 6:8

De ahao ngohi toihene nanga Baluhu idodutu woleha wato, “Onagona ka idadi Ngohi tohidingoto? De done onagona yodadi to Ngomi mia hidingoto ma nyawa la mia demo yatotaka?” De ai leleha gea toihene ho ngohi topaluhu tato, “Ngohi naga. Ka idadi Ngona nohihidingoto ngohi!”

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 11:5

Abe wotemo wato, “Nengokadauino abe ngohi naga o Yope ma kapongokahi de o wange moiuku tomaniata ahi gogiriaka de ngade-ngade hoka ihikiooko abe gea ko ihikiookua masara ahi hiningaka tamake o himatoko Ma Jouoka de aino. De ma himatoko ma goronaka de tamake daku ma dihangoka de auku iuti moi abe ma rupa hoka o ngoere ma amoko. De ma ngoere gea ihidowora abe ma aribarene iatika alikoika la ka idadi ihiguti. De gea iuti duru ahi himangoka.

Hidingoto 12:9

De ahao o Peturusu ma ngioka gea wohupuoka de winiiki ma malaekatika. Masara ma oraha gea de doka ai hiningaka una wafikiri wato, “Naa ena ko igou-goungua idadi masara ka o himatoko dika abe Ma Jou wohihidoakino ngohino.”

Hidingoto 16:10

De mangale ma titi ma himatoko gea ho ngomi naa imiruata mimaputuhoka miato kiani mimataiti misobo la mia hidumutu o Makedonia ma tonakika, angamoi duru miamao abe Ma Jou Una ma hirete womiahoko la ai Abari ma Rorahai miahingahu-ngahu genangoka.

Hidingoto 16:9

De ma futu gea Ma Jou wihidoaka o Paulusika la ka idadi wamake o himatoko moi Unangoka de aino. De ma himatoko ma goronaka de naga o Paulusu wimake womatengo o Makedonia ma nyawa. De una gea duru wogaho-gahoko o Paulusika wato, “Duru togahoko la ngona nainohi ahi tonakino naa la ka idadi nomiduhunu ngomi nenangoka.” De hokogea o Paulusu wamake ma futu gea.

Hidingoto 18:9

De o futu moiuku nanga Baluhu idodutu wahimatoko moi o Paulusika de ma himatoko ma goronaka de witemo wato, “Ngona ufa namodongo o nyawaika masara kiani nogila-gila nahingahu-ngahu o nyawaika ma titi ahi abari, de ufa nanoaika angamoi Ngohi naga de de ngona. De ahao ko iwa abe inihikangela ani badangika nenangoka, angamoi naga ko manga ngoe to Ngohi ahi nyawa ma kotaka naa.”

Hidingoto 2:17

‘Ma Jou wotemo wato, “Ahao abe ma oraha o dunia ma bobaha itigioka de Ngohi ahi Womaha ahao tagopoauku o nyawa mata-matauku, la hiadono ti ngini nia ngofaka o nau-nauru de o ngo-ngofekaoo ahao ka idadi yahingahu-ngahu to Ngohi ahi hingahu ma demo nginika. De ngaro nia ngofaka o goo-goduuru masara ona ahao yamake o himatoko Ngohioka de aino. De o nauru abe yapoperekioka ona ahao tahidoaka o buluhara onangika abe ahi hiningaka de aino.

Hidingoto 22:12

De naga ma kotaka gea womatengo abe ai romanga o Ananiasa, de una duru watobaniiki Ma Jou ai hiningaika de nanga paretaika. De o Yahudi ma nyawa o Damasiki ma kotaka ona mata-mata duru iwisanangi unangika.

Hidingoto 9:12

De Ngohi tihimatokoka unangika o himatoko moi, abe gea ma goronaka de o Saulusu wamake ngona o Ananiasa noboa unangino de nifokumu unangika la ai lako womahiorikoli. De hokogea abe tihimatokoka o Saulusika doka ma tauoka gea.”

Hidingoto 9:9

De yomahiadonoka de o Saulusu una ai wange hangeino worafioka, de ngaro o inomo ma ko wolo-olomua de ngaro o akere ma ko wokerua.

2 Korintusu 11:32

De naa moi tiniade-ade nginika abe ihihitaana to ngohi ahi bole-bole. Abe ma dihiraino ngohi naga o Damasiki ma kotaka, de ma oraha gea manga koano o Aretasa de nagali manga hihira manga tonakoka abe iwihiromanga manga gubernuuru. De ma gubernuuru una gea duru ko wohisanangiua ngohino hiadono wato ihitaoko, ho una wahuloko ai gogoana ma nyawa la ihigoana o kota ma dadaduhu ma ngoranoka. Abe una wato nako ahao ngohi toboa genangino la tato tohupu ma hoanika de ona kiani ihitaoko ma ngoranoka gea.

Galatia 1:17

De ma oraha gea igoungu naga o Yerusaleeme ma kotaka nanga gogianongoru yamuruono naga abe ona yohira yahingahu-ngahu o Abari ma Rorahai o nyawaika. Abe ona gea ma dodihiraino abe Una ko wohihitagonguahi ai Abari ma Rorahai ngohino de gea wahitagongokau onangika, ho ona gea yohira yahingahu-ngahu. Masara gea tingakuoka de ngohi o Yerusaleemika ko toikua de ko mimakoketemoua ona de ngohi ma titi ma abari gea, ho ko moiua ka idadi ihitae ngohino ato ahi abari ma demo tamake onangoka. Masara ai karajaanga gea ka de wohihitagongino ngohino de tosobo toiki o Araba ma tonaka ma kakaahaika. De ipaha genangoka de ngohi tolioli o Damasiki ma kotaikali.

1 Samuele 3:4

De itodokanino Ma Jou o Yawe wiahoko unangika wato, “Samuele, Ei, Samuele!”