Hidingoto 9:1 - Ma Jou ai Demo-demo o Totobelohoka

¹ De abe ma oraha gea o Saulusu ka ihikaika waniiki ai hidee abe wato ona iwinii-niiki nanga Baluhu idodutuika, ona gea mata-mata wahideeoka wato ka wahohonenge dika. Ho una woiki o Isiraele manga hidemo ma nyawa Ma Jouiye wokokurutiye

Hidingoto 9:1 ပူးပေါင်းရင်းမြစ်များ

Higiriiri 27:12

Ho ngohi tomagahoko la ufa nohihidoaka manga giamika. Abe ona ihitae ato ngohi todiai duru itorou, Masara ona yoeluku dika, ena gea ko todiaiua, Ona yoeluku angamoi ka ihikaika duru yoigo ihihibinaaha. Hokogea ka ihikaika manga mau ngohino.

Hidingoto 7:58

De iwitaokino de iwitauru iwiao o kota ma hoanika la iwihohakaru unangika ka hiadono iwitomaka. De ona abe kanganoino yodadi o hakihii ma nyawa abe iwitae-tae o Setefanusika, ona manga baju ma lape moi yahuputoka de yakelenga dau womatengo ai louoka. De una gea ai romanga o Saulusu.

Galatia 1:13

De gea marai ngini niihenoka ahi wowango ma dihira ma ade-ade abe ka taniikohi ngomi o Yahudi ma nyawa mia agama, masara abe hokokia Ma Jou wohikaaturu la hiadono ngohi naa wohihitagongino de to Una ai Abari ma Rorahai. De ma dihiraino gea ngohi duru tahikangela Ma Jou ai nyawaika hiadono tato Ma Jou ai gareja ma nyawa tahibinaaha.

Filiipi 3:6

De ahi hininga ma dora o paretaika duru ilamoko hiadono o nyawa abe o gareja yanii-niiki, ona gea ka ihikaika tahikangela. O nyawa ko moiua la ato ihihohowono ma titi tahowono o Musa ai Paretaika.

1 Timotiusu 1:13

De gea wohihigunoa tileleani ngaro ma dihira ngohi tingelo Unangika, de to Una ai nyawa duru tahikangela, de ma titi ahi sade hiadono ngohi duru tihitipokouku Una. De ngaro hokogea ma dihira ngohi todiai, masara ka tamakeohi Ma Jou ai hininga ma mobole ngohino hiadono Una ko wohihohowonua ngaro ma dihira gea ngohi ko tingakuahi Unangika. Ho gea mata-mata todiai de duru ko tohiorikua abe talawana Ma Jou ai mauika.