Hidingoto 8:40 - Ma Jou ai Demo-demo o Totobelohoka

⁴⁰ De doka o Filipusu una womalega arihononga de ahao wohioriki abe una naga wikelenga o Asodo ma kotaka, ho wogila-gila wotagi-tagi de o kapongo amomoiika wotulu-tulu la una wahingahu-ngahu o nyawaika o Abari ma Rorahai. De hokogea wogila-gila wotagi-tagi de wahiabari ka hiadono una womahiadonoka o Kaisarea ma kotaika.

Hidingoto 8:40 ပူးပေါင်းရင်းမြစ်များ

Hidingoto 10:1

De o Kaisarea ma kapongoka naga womatengo o Roma ma tentara manga haeke abe ai romanga o Koroneliusu. De una wahipareta o tentara abe manga doomu ihiromanga ato o Italia ma tonakoka ma doomu.

Hidingoto 10:24

De manga dodagioka de kiani yomaidu o futu moi, ho ma dawangeino de yomahiadono o Kaisarea ma kapongika. De o Koroneliusu una wadodamaa, abe una watoomuinoka ai tau mata-mata de ai olo yamuruono naga la onangoo ka idadi yomakamake de o Peturusu.

Hidingoto 11:11

De duru ma oraha gea naga o nauru yaruange abe o Kaisarea ma kapongoka de aino yahidingoto ngohino, ona gea yomahiadono ma tauino abe genangoka tomadionikino.

Hidingoto 12:19

De ma koano o Herodese wahuloko ai tentara la duru ihidodiai iwilingiri o Peturusu masara ka parahaja dika angamoi ko iwimakeua. De mangale ma titi ko iwimakeua ho ma koano wahokino ai tentara gea abe o futuika iwigoa-goana o Peturusu de waleha-leha de watailako onangika. De watailako ipahaino de wahuloko la ona ka yatomaka dika. De gea ipaha de o Herodese o Yudea ma tonaka wanoaikahi de woiki o Kaisarea ma kapongika de womagoo-gogere genangoka.

Hidingoto 18:22

De manga kapaka gea yohidete hiadono o Kaisarea ma kotaiha yomahiadoniha o Isiraele ma tonakoka. De o Paulusu wouti ma dudungiha de ahao wotagi-tagi o Yerusaleeme ma kotaiye la watutumohi ai gogianongoru o gareja ma nyawa genangoka. De watutumu ipahaino de ahao wolioli ai dingiino o Antiokia ma kotaino abe o Siria ma tonakoka.

Hidingoto 21:16

De mia gogianongoru o Kaisarea ma nyawa yamuruono naga mimakiniiki de de ngomi o Yerusaleemika, de mimahiadoniye ma kotaiye de ona imiao mia gianongoru womatengo ai tauoka la mimahidodogumu unangoka. De mia gianongoru gea ai romanga o Manasono, de una wolamoko o Sipurusu ma nuuhoka. De una gea ai dekanoka abe iwingaku o Yesusika.

Hidingoto 21:8

de ahao ma dawangeino migila-gila miloiki o Kaisarea ma kotaika. De ma kotaka gea mimahidodogumu nanga gianongoru o Filipusu ai tauoka, abe una watobahingahu-ngahu o Abari ma Rorahai o nyawaika. De una ma dihiraino de iwigorakoka la wodadi o gareja ma duduhunu womatengo, ho una de ai dodiawo yabutaanga ona yatobaleleani o inomo o gareja ma nyawaika abe naga de manga pereluoka.

Hidingoto 23:23

De o Paulusu ngoi firanga ami ngofaka wosoboka de ahao ma tentara manga haeke wahokino ai nyawa yahinooto abe ona yodadi o tentara ma hihira. De ona yoboa ai himangino de una wahuloko wato, “Ngini kiani niahidiaiohi nia nyawa la bootino yofutuku abe o takoro hiwo adonoka de ahao ngini nisobo niloiki o Kaisarea ma kotaika. Abe kiani nia tentara yaratuhu hinooto abe yotobalou-lou niatoomuino, de nia tentara abe yososawaro yoparangi de o kuama onangoo kiani yaratuhu hinooto niatoomu, de nagali nia tentara yamoritumidi abe yotobafarene o kuda ma poretuku onangoo kiani niahidiaiohi la bootino ngini niwiao o Paulusu o Kaisareaika.

Hidingoto 23:33

De yomahiadonoka de yoiki manga gubernuurika ho iwiao o Paulusu to una ai himangoka de manga haeke ai hurata gea iwihidoaka unangika.

Hidingoto 25:1

De ma gubernuuru ma hungi o Fetusu womahiadono o Kaisarea ma kotaino la ai tagongo ma hungi wagoraka. De ai futu hange dika o Kaisarea ma kotaka de ahao una wosoboka woiki daku o Yerusaleeme ma kotaiye.

Hidingoto 25:13

De o futu muruono ipahaino de ahao manga koano o Agaripa woboaino de ngoi firanga o ngo Berenike la ona ato iwitutumu ma gubernuuru o Fetusika. De gea iwitutumu o Kaisarea ma kotaka.

Hidingoto 25:4

Masara o Fetusu woluku manga gogahoko de wahingahu wato, “O Paulusu una naga wohidamaa o Kaisarea ma kotaka, de ngohi ma hirete ko ihitedekanokaua de tolioli genangika.

Hidingoto 25:6

De abe ngade-ngade ai futu tufange ipahaino de ahao o Fetusu o Yerusaleemoka wosobo de wolio o Kaisarea ma kotaika. De womahiadono de ma dawangeino una womulaenge wiurusu o Paulusika la wohioriki ai howono naga eko ko iwa.

Hidingoto 8:25

De yomakoketemo de o Simono ibooto de ahao o Peturusu de o Yohanese ona yoiki yoade-ade o kota ma nyawaika abe hokokia yamake o Yesusu ai wowangoka. De nagali abe yahikodoku Ma Jou ai Demo-demo onangika. De yahikodoku ibooto de ma kotaka gea de yosobo yolio o Yerusaleeme ma kotaika. De manga dodagi ma goronaka de ma ngoe yotulu-tulu o Samaria ma nyawa manga kapo-kapongoka la o Abari ma Rorahai yahingahu-ngahu onangika.

Hidingoto 9:30

Ho ma oraha abe ona iwingaku-ngaku yoihenoka ma titi manga hidee ma dorou gea de iwihiloara abe iwiao o Kaisarea ma kotaika de ahao iwihidingoto la wogila-gila wolio to una ai kapongika abe ihiromanga o Tarasuusu ma kapongo.

Roma 15:19

Abe ahi datorino gea naga utu o heheranga de o dodunguu ma ngoe todiaioka la o nyawa yongaku o Abari ma Rorahaiika, masara gea mata-mata Ma Jou o Womaha ai kuahaka de aino hiadono ngohi todiai. Ho o Abari ma Rorahai abe ma titi o Kristusu, gea tahingahu-ngahuoka o nyawa yowoe-woeika abe ngaro o Yerusaleeme ma kotaka de ka hiadono ona abe yogogere o Ilirikumu ma tonakoka abe duru kohagurutika imakitingaka ma tonaka gea. De gea ma titi hiadono ngohi duru togarago abe hokokia Ma Jou wohipakeoka la ka idadi tileleani Unangika.

Yosua 11:22

Ho nako o Isiraele ma tonaka ma amokika de ngade-ngade ko yaiwaka o Anaka ma nyawa. Abe nagahi yamuruonokahi dika yogogerohi o Gasa de o Gaata de o Asodo ma kota-kotaka. Masara ona utu yokokihonengoka.

1 Samuele 5:1

O Filistina ma nyawa manga tentara Ma Jou ai Behehongo ma Peti yaora o Isiraele ma nyawaino o parangioka ma oraha o Eben-Haesara ma tonakoka yomaketeparangi. De ahao Ma Jou ai Peti gea yao manga kotaika abe ihiromanga o Asodo ma kota.