Hidingoto 8:36 - Ma Jou ai Demo-demo o Totobelohoka

³⁶ De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

Hidingoto 8:36 ပူးပေါင်းရင်းမြစ်များ

Matiusu 3:11

De o Yohanese wogila-gilali wotemo o nyawaika wato, “De ngohi naa tinihiohiki ka de o akere dika la genangino idadi o dodunguu moi abe ngini nitobaka de nianoaka ti ngini nia howo-howonino gea. Masara ko itedekanokaua de naga womatengo woboaino abe nako Una de ngohi, duru ka Unangohi de ai kuahaka ikurutiye. De ai kuaha hokogea ma gurutiye hiadono ngohi naa tamao abe ko takunua todadi to Una ai gilaongo, ho ngaro toigo tileleani Unangika masara tamao ko takunua angamoi to Una ai kuaha kohagurutiye.” “De igoungu ngohi tinihiohiki de tinihidumunu o akeruku dika, masara Una gea woboaino de ahao o gogohiki utuoli winihipake nginika. Abe ngini utu nia gogohiki ahao niamake abe winihingohama Ma Jou o Womaha ai kuaha ma goronaika, de naga ngini utuoli abe winihingohama o uku ma goronaika la nia hohowono niamake genangoka.”

Matiusu 3:6

De gea yoihene de ahao ona manga ngoe yomamao ma titi manga howo-howono Ma Jouika, ho gea yomangaku manga howono de ahao o Yohanese waohiki ona gea o Yorodani ma akeroka. La ma dodunguuino gea de itararono abe ona yotobaka.

Yohanese 3:23

De ma oraha gea o Yohanese una ko iwibuiuahi. Ho una naga o ngi moioka imakitingaka de o Yesusu ko ikurutikaua abe ma romanga o Ainono, de genangoka o Yohanese o nyawa waohiki angamoi naga o akere ma amoko genangoka. O Ainono ma ngi gea hatoli imahitigino de o Salimi ma kapongo. De genangino ka ihikaika naga o nyawa yoboaino la ka idadi o Yohanese waohiki.

Yohanese 3:5

De o Yesusu wipaluhu wato, “Ngona nagoungu ko idadiua hokogea o nyawa yomaboali. Masara Ngohi naa duru tagou-goungu tonihingahu, onagona dika abe ko yahigerewotuahi de o akere de o Womaha Ma Jouino, ona gea ko idadiuahi Ma Jou wahikoano.

Hidingoto 10:47

“Sarakia, naga o nyawa nenangoka abe ato ko idadiua o nyawa naa haohiki onangika? Koua! Irahai haohiki angamoi ngone mata-mata hohiorikoka abe ona Ma Jou o Womaha iwiborimake imaketero abe hoka ngoneoli ma dihiraino himake!” Hokogea o Peturusu ai demo.

1 Yohanese 5:6

De ngone ka idadi duru hohioriki abe o Yesusu Kristusu Una gea wagou-goungu Ma Jou o Ngofaka mangale Una woboa o duniauku naa de iwihitaana ai wowango ma goronaka. De gea ihira-hira iwihitaana de o akere abe ma oraha iwiohiki, de ipaha ahao iwihitaanoli de ai awunino abe ma oraha iwihohonenge. De abeika gea ko ma titiua Una iwiohiki dika, masara iwiohiki ipaha de wogila-gila abe ai hininga ma dumutika ka hiadono iwihohonenge o gota isosalioainoka. De gea mata-mata iwihitaana la ngone ka idadi hohioriki abe Una gea to Ma Jou ai Ngofaka idodutu. De nagali abe Ma Jou o Womaha wonahingahuoka ngoneino ma titi o Yesusu, de ai demoino gea de enangoo iwihitaana o Yesusika abe Una gea Ma Jou o Ngofaka. De nako Ma Jou o Womaha, Una gea duru ko woelu-elukua masara ma gou-goungu dika wohingahu-ngahu, ho ka idadi duru hangaku to Una ai demoika.