Hidingoto 7:9 - Ma Jou ai Demo-demo o Totobelohoka

⁹ “De ipahaino de o Yakubu ai ngofa-ngofaka duru iwitaleana manga dodotika o Yusupu, ho iwifukunu dika la wodadi o Mesiiroka ma nyawa manga gilaongo o Mesiiri ma tonakoka. Masara Ma Jou Una naga de de o Yusupu

Hidingoto 7:9 ပူးပေါင်းရင်းမြစ်များ

Dodadi 39:2

Ho o Yusupu wogogere o Potifaraka, una o Mesiiri ma nyawa gea, la o kia dika o Potifara wihuloko kiani wokarajaanga, gea kiani wodiai. Masara Ma Jou o Yawe naga o Yusupoka de wihiowa la ai karajaanga mata-mataika de ma hasiloka.

Dodadi 39:5

De ka de ma wange gea o Yusupu wodadioka wohibaluhu ai tau ma hiaturu mata-mataika de Ma Jou o Yawe duru wihiowa o Potifarika mangale ma titi Ma Jou duru widuhunu o Yusupika. De hiadono o Potifara de ai duduhunu de manga karajaanga mata-mataika ai tau ma goronaka gea Ma Jou wahikokiowa. De wohiowaoo ai redi mata-mataika la ai joro enangoo ikutufuru de hiadono ai aewanioo duru ifaa-faatuku.

Dodadi 45:4

De o Yusupu wotemo wato, “Niaino, nimahitigi-tigino ngohino naa.” Ho ka de yomatoomu unangoka de o Yusupu wato, “Ngohi naa nia ria-dodoto idodutu o Yusupu abe ma dihira nihifukunu o Mesiirino naa.

Higiriiri 105:17

Masara o hiwara gea ko idadiuahi de ma dihirainohi Ma Jou ai hidee naga, To Una ai nyawaino wiiriki womatengo la wihidingoto o Mesiiri ma tonakika. Abe una wiirikino gea o Yusupu de una iwifukunu la iwihidadi manga huhuloko.

Matiusu 27:18

De hokogea o Pilatusu waleha ona yowoe-woeika angamoi una wato wahigaro la hiadono ona yogahoko la o Yesusu wihiluasa. Angamoi o Pilatusu wahiorikoka o Yahudi ma nyawa manga hohidimono manga hininga abe duru iwitaleana o Yesusika. Abe wahioriki ona iwitaoko o Yesusu ma titi o nyawa yodogo-dogo yowoe abe iwiniiki Unangika ho hiadono ma hohidimono manga daleana ipuda.

1 Korintusu 13:4

De naa ngohi tinihitararono nginika o dora ma hofoko o nyawa manga wowangoka. Abe nako o nyawa de manga doraka, ona ngaro o kangela yaohana ma ka yomatongohono de manga hininga ma rahai. De ona gea yaabole-bole o nyawa utuika mangale ma titi o dora naga onangoka. De mangale ona de manga doraka ho hiadono o nyawaika ko yataleanua, de ko yomahigiriiriua, de ko yomasadeua.