Hidingoto 7:58 - Ma Jou ai Demo-demo o Totobelohoka

⁵⁸ De iwitaokino de iwitauru iwiao o kota ma hoanika la iwihohakaru unangika ka hiadono iwitomaka. De ona abe kanganoino yodadi o hakihii ma nyawa abe iwitae-tae o Setefanusika, ona manga baju ma lape moi yahuputoka de yakelenga dau womatengo ai louoka. De una gea ai romanga o Saulusu.

Hidingoto 7:58 ပူးပေါင်းရင်းမြစ်များ

1 Kokoano 21:13

De ahao ona yotobadiai o demo ma dorou yahinooto gea abe yahewaka, ona yogogeruku la yomarihimanga de o Naboto. De ona iwitae ho iwihiade-ade o nyawa mata-mata manga himangoka ato iwimake abe Ma Jou widoana de ai koanoo ma, widoana. Ho ona o doomuoka gea o Naboto iwiao iwiliara iwihihupuoka o kota ma poretika de genangoka iwihakaru ka hiadono wohonenge.

Lukasa 4:29

De ona ka ma moi yomaokoino de iwikiniiki o Yesusu o kapongo ma hoanika de iwiao o loku ma bakorika. Abe o Nasarete ma kapongo gea ihigoko o lokuoka. Ho ona mata-mata iwiao ma bakorika angamoi manga hininga la ato iwiumo dau ma bakoruku.

Hidingoto 22:20

De hongoli ngohi naga abe ma oraha ani hakihii ma nyawa o Setefanusu wahingahu o nyawaika ma titi to Ngona ani hininga. De to ngohioo ahi hiningaka tahimoteke de to ona manga hiningali abe yoigo iwihohonenge unangika. Abe ma oraha gea ngohi naga togoa-goana o nyawa manga baju ma guru-gurutu abe ona iwihohakaru unangika hiadono wohonenge. Ho mangale ma titi ahi hininga ma dihiraino hokogea ho marai o Yerusaleeme ma nyawa ka idadi ihihigihene ahi demoino!’”

Hidingoto 22:23

De gea ona yopoa-poaka de manga baju ma guru-gurutu yahuputoka de yagorakiye de ihikokaniporo la yomahimatoko manga ngamo unangika. De onangoo aokutiye o tonaka manga giamoka de ma kuhuhunu yaumo dakuiye ma titi ko yapoakaua o Paulusu ai demo gea.

Hidingoto 22:4

De ipahaino de ngohi duru tahikokangela onangika abe yatobaniiki o Yesusu ai dodotoko ma ngekomika, abe utu tatoma de utuoli, ngaro o nau-nauru de ngaro o ngo-ngofeka, masara takokibuika o bui ma goronaika.

Hidingoto 26:10

De ipahaino de ngohi tamake o kuaha mia hidemo ma nyawa yokokurutiyeino la ka idadi tahikokangela onagona dika o Yerusaleemoka abe iwingaku-ngakuoka o Yesusika. De ona manga ngoe tabuika, de naga utu abe yaurusu de yaputuhu ato kiani yahohowono de o hohonenge, de ngohioo tahimoteke de manga hininga abe tato kiani ona gea yahohonenge dika onangika.

Hidingoto 6:11

De ko idadiua iwihikala ho ona gea yahigaro o nyawa utu la yoeluku ma titi o Setefanusu ai demo. De gea yadotoko la yotemo ato, “Ngomi naa miihene o Setefanusu ai demoino abe una duru wingelo nanga tofora o Musaika, de hongoli una wingelo Ma Jouika!”

Hidingoto 6:13

De ahao ona gea abe yoelu-eluku onangoo yaoino ho ihigalioli manga ngeluku ma demo abe ato, “O nyawa naa una ka ihikaika wongelo Ma Jou ai Tauika de o Musa ai Paretaika.

Hidingoto 7:57

Ka de ma hohihira yoihene ai demo gea de ngade-ngade manga hininga itoaka, ho manga ngauku yajumuoka de yokokipoaka la ibootohi yoihene to una ai demoino. De ona gea ka yomataipopaatika unangika la iwitaoko.

Hidingoto 8:1

De o Saulusu ai hiningaka unangoo wohimoteke abe wosanangi ma titi iwitoma o Setefanusika. De abe o Setefanusu iwitomaka de ahao naga o nyawa yamuruono naga abe duru iwihoromati Ma Jouika, de ona gea yoboaino de iwilungunu o Setefanusu ai honenge. De gea iwilungunu de duru iwigari-gari ma titi una. De o wange gea abe o Setefanusu iwitomaka de o nyawa yomulaenge duru yahikokangela o gareja ma nyawaika abe o Yerusaleeme ma kotaka yomatoo-toomuino. De o Saulusu unangoo wohitaili la wahikapusaka o gareja ma doomu. Ho una wowohama o tau amomoiika la walingiri o ngongaku ma nyawa. De nako wamake abe iwingakuoka, ngaro o nau-nauru de ngaro o ngo-ngofeka, masara ona gea wataokino de watauru wao la wahingohamika o bui ma tauika. Ho mangale ma titi o nyawa manga ngoe yahikokangela onangika hiadono ona iwingaku-ngakuoka yomahikabarihika o tonaka utuikali. Abe utu yoara o Yudea ma tonakika de utuoli o Samaria ma tonakika yoara. De abe manga hou o Yerusaleeme ma kotaka gea o hidingoto ma nyawa dika, angamoi manga dodiawo mata-mata yomahikabarihoka.