Hidingoto 7:55 - Ma Jou ai Demo-demo o Totobelohoka

⁵⁵ Masara o Setefanusu una iwilufungu de Ma Jou o Womaha ho una wodamaana dika daku o Horogaiye. De dakena wamake Ma Jou ai medebini ma dararono, de nagali wimake o Yesusu abe Una womaokoino duru Ma Jou ai nirakoka.

Hidingoto 7:55 ပူးပေါင်းရင်းမြစ်များ

Maruku 16:19

De nanga Baluhu idodutu o Yesusu hokogea wahibehehongo de ahao iwigoraka daku o Horogaiye. De daku o Horogaka de o Yesusu wogogeruku Ma Jou o Baba ai nirakoka la yomakutuono yahikoano mata-mataika.

Yohanese 11:41

Hokogea wotemo ho o hakaru gea ma bionoka yaluluika. De o Yesusu womamatagaiye o Horogaiye de wotemo wato, “Tarimakase Baba, Ngona nohihigihenoka.

Yohanese 12:41

Hokogea o Yesaya wotemo angamoi ma oraha ma dihira gea de wamakeoka o Yesusu duru de ai medebini ma dararonoka, ho hiadono wotemo.

Yohanese 14:3

De gea toiki de tinihidiai ti ngini nia ngi ibooto de ahao toboali de tiniao la tinihigogere Ngohioka la ngini naga de de Ngohi genangoka.

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

Hidingoto 4:8

De ahao o Peturusu iwilufungu de Ma Jou o Womaha de wopaluhu onangika wato, “Ahi balu-baluhu de ngini abe nimihihira ngomi nia kokawaaha, naa moi tinileha.

Hidingoto 6:10

De ngaro yomaketeribuutu masara moioo de ko iwa abe ka idadi iwihikala o Setefanusu ma titi ai demoino angamoi una iwihipareta de Ma Jou o Womaha ho duru wososawaro wotemo.

Hidingoto 6:3

Ho naa ngomi minihuloko miato koaho nanga gogianongoru yatumidi niairiki de niagoraka abe nia doomuino naa. De gea kiani niairiki o nauru abe o nyawa utu manga horomati itagi onangika de abe yalufungoka de Ma Jou o Womaha de o sosawaro. De niairiki ipaha de ahao ngomi miahitagongo onangika la onangoli yaleleani de yahikodoku o inomo o nyawaika abe naga de manga pereluoka, ho gea ko ngomiokaua mia tagongo.

Hidingoto 6:5

De ona mata-mata manga doomuoka gea duru yosanangi abe yangimoi de yahinooto manga demoika. De ipaha de ona yairiki o nauru yatumidi naa, abe o Setefanusu, una abe duru ai hininga aomanga de o ngongaku de Ma Jou o Womaha, de nagali o Filipusu, de o Prokorusu, de o Nikanoro, de o Timono, de o Paramenasa, de o Nikolausu abe o Antiokia ma tonakoka ma nyawa. De o Nikolausu una gea tanu ko o Yahudi ma nyawaua masara nengokadauino de womangali de waniikoli o Yahudioka manga agama, de ipahainoli de wingaku o Yesusika.

Hidingoto 6:8

De o Setefanusu una gea duru iwilufungoka de Ma Jou ai owa de ai kuaha, de una ka ihikaika o heheranga wodiai de Ma Jou ai kuaha wahimatoko o nyawa manga hima-himangoka.

Ibarani 1:3

De Una gea abe wonahitararono ngoneino to Ma Jou o Baba ai medebini ma dararono. De Una de o Baba duru hoimoi dika manga rupa, abe ma hohutuloo de ko yomakohowonua. De to Una ai dulaada mata-mataika ka Una dika wohiaturu de wapaliara la ka idadi hokogea dika igila-gila. De gea wohiaturu de wapaliara ka to Una ai uru ma demoino ma kuaha ma amokino. De Una gea abe wakokiofioka ngone to Una ai nyawa nanga howo-howono. De gea ai karajaanga ibooto de ahao Una wogogerukuoka Ma Jou o Baba wokokurutiye ai nirakoka, abe ka o Babahi ai kuaha duru kohaamoko. De genangoka wogogeruku la Unangoo womulaenge wahikoano mata-mataika. Ho genangino de ka idadi ngone hamake abe to Ma Jou ai Ngofaka gea duru de ai medebini ma dararonoka, de to Una ai Ngofakino gea abe Ma Jou wipake la ma oraha naa wonatemo-temo ngoneino.

Ibarani 8:1

De naa tinihingahu nginika ma titi moi abe ka enangohi duru ikurutiye. De gea tinihingahu tato to ngone nanga Hidemo wokokurutiye Ma Jouika o Yesusu, ka Unangohi duru wokurutiye nako de o hidemo utu, de abe ka Una dika wonahingodumu nanga perelu mata-mataika. De nanga Hidemo wokokurutiye Una gea wogogerukuoka to Ma Jou wohohailoa ai kadera ma hohailoa ma nirakoka abe naga o Horogaka.

2 Peturusu 1:17

Abe gea ngomi wiwimake abe ma oraha nanga Baba Ma Jou wihidoaka Unangika o horomati duru kohaamoko. De genangoka Ma Jou abe duru de ai medebini ma dararonoka Una wotemo wato, “Naa to Ngohi ahi Ngofaka de duru tidora. De Ngohi duru tisanangi Unangika.”

Himatoko 21:11

De ma kotaka gea naga Ma Jou ai medebini ma dararono imanoa genangoka ho gea ma kotaoo hoka ihileletongo de ma dararono gea. De to ena ma dararono gea hoka o hakaru ma leto-letongo moi ma romanga o yasipis ma meletongo, de ma hakaru gea duru kohahali de duru ma doo-dodono abe imaketero hoka o kristala ma hakaruoli.