Hidingoto 7:51 - Ma Jou ai Demo-demo o Totobelohoka51 De o Setefanusu wogila-gila wotemo manga hohihira ma doomuika wato, “De ngini naa duru nia pea kohadogowinoka! De nia hininga ka imaketero dika hoka ona ko iwihiorikua Ma Jou angamoi nia hininga ko yodafongua Ma Jou ai demo, de nia ngauku yoluku iwihigihene Unangika! De ngini ka ihikaika niwilawana Ma Jou o Womahika! De genangino de nimaketero dika abe hoka ma dodihiraino nia totoforali manga hininga, angamoi onangoo iwilawana Unangika! အခန်းကိုကြည့်ပါ။ |
Hidingoto 7:51
38 ပူးပေါင်းရင်းမြစ်များ
Ho naa ngini nikokiloiki o tonakika abe ma joro duru ikutufuru genangoka hiadono duru kohaamoko ma hasili. Masara Ngohi ko tininiikokaua hoka naa ma duruikali angamoi ti ngini nia hininga o tobalawana ma nyawa ho nako Ngohi ka ihikaika nia hidogoronaka de done ko nimahiadonuahi nia tonakika gea de tinihibinaahaka nia dodagi ma goronakahi.” Hokogea Ma Jou ai demo abe o Musa kiani wahingahu onangika.
Mangale Ma Jou o Yawe kanganoinohi wihingahuoo o Musaika wato, “Ngini o tobalawana ma nyawa ho nako Ngohi ka tininii-niikohi ngaro ma hohutulu dika de done ahao tinihibinaaha. Ho naa ti ngini nia gogoli, nia ngaukuku, nia rante de nia ali-ali de nia kiahonanga utu ma hohailoa nia badangoka gea ena niakokihuputoka hiadono tinihingahuoli abe hokokia ahi hiaturu nginika.”
De wohibehehongo Ma Jouika wato, “Ahi Jou kangano Ngona nohihingahu nato nohisanangi ngohino de ani demo mata-mata igoungu ho duru ngohi togahoko la Ngona nominiiki mia dodagi ma goronaika. De ngaro ani nyawa naa ona o tobalawana ma nyawa abe igoungu manga pea duru inidotogowini Ngonaika masara ngohi togahoko la to ngomi mia howono nakokiofi la duru itaana abe ngomi nomidafongoka. Hokogea idadi ma dodunguu abe ngaro ani dulaada mata-mataika to Ngona masara, gea ka ngomiohi duru nomadingakoka Ngonaika.” Hokogea o Musa wihibehehongo.
De Ma Jou ai demo wohigila-gilahi abe o Yeremia kiani wadofanga onangika, wato, “Masara onagonaika naga o Yehuda ma nyawaka abe Ngohi Ma Jou ka idadi tahitiari de ona ihihigihene? Ko moiua! Abeika ona o Yerusaleeme ma kotaka manga ngauku imaketero hoka ajumu-jumuoka hiadono imakadaene de yatopongonoka ho ko idadiokaua yomahigihene. Ona imaketero hoka yaemono to Ngohi Ma Jou ahi demo-demoika!
De gea angamoi ngona de o Harunu inihinooto ko nihihingounua abe ko nianiikua ahi behehongo nginika ma oraha o Sini ma tonaka ma kakaahaka. Abe ma oraha gea ona o Isiraele ma nyawa de manga gurubungu ihiribuutu Ngohino la tahiokere onangika de kiani ngona notemo o hakaruika gea duru imaketero hoka tinihibehehongo abe nako ngini nihihingounu de gea niahimatoko o nyawa mata-mataika gea to Ngohi ahi medebini ma dararono ma oraha o akere ipooteke ma hakaruino gea. Masara, ngini niahimatoko onangika abe nidiai ti ngini nia hininga ma mauoka dika de aino ho ngona de ani riaka niahowonoka Ngohino.” Hokogea Ma Jou wihingahu o Musaika abe ma titi ma dihira o Isiraele ma nyawa iwiribuutu Ma Jou o Yaweika la wahidoaka o akere ho ma akere gea ihiromanga o Ribuutuino ma akere o Kadesoka.
Ho una gea abe ma dihiraino de ai gogianongoru iwioluku unangika, duru una gea abe Ma Jou wihidingotoli ma oraha naa. Abe ma dihiraino gea de ai gogianongoru iwitaere o Musaika ato, ‘Ngomi naa ko minigorakua la nodadi to ngomi mia hihira de ko mioigoua la ngona nomitailako de nomiurusu mia liliara naa!’ Ho gea Ma Jou wipake ai malaekata womatengoino la o Musa wihidingoto ai nyawaika. Abe ai malaekata gea womahimatoko o gota ma dodipokouku ma uku ma goronaino de o Musa wihidingoto la wodadi ai nyawa manga hihira de manga duduhunu abe manga kokangelaino.
De marai ngini utu nimatemo nia hiningaka niato, “Masara ngomi naa mianiikoka Ma Jou ai behehongo ngomi o Yahudi ma nyawaino abe wato kiani mimahuna. Ho mangale ngomi mimahunaka, ho gea imihitaana abe ngomi midadioka Ma Jou ai nyawa ho maraioka Una ko womihohowonua ngomi ai nyawaino.” De gea ka idadi tinipaluhu nia demoika gea, tato ngini niagoungu abe naga nia utumu niamake nia huhunaino. Masara gea kiani naga nia hingounu ai Paretaika la nia hingounu gea imakiniiki de nia huhuna, de gea ahao nia utumu ka idadi niamake nia huhunaino. Masara nako ngini nimahunaka masara gea de ka niatotilakuru ai Paretaika, de gea tanu nia huhuna ka parahaja dika. Angamoi ngaro nimahunaka masara ka winihohowonohi nginika ma titi niahowonoka Unangika.
De ufa hiadono Ma Jou o Womaha ai hiningaka niwihihuha ma titi nia demo abe nia uruoka de aino ihupu, angamoi Una gea duru wotebi-tebini. De gea Una abe wonahitunguuoka la ka idadi hohioriki abe hodadioka to Una ai nyawa, de hohiorikoo abe ahao naga ma wange adono de genangoka ahao wonahihupu o howono ma badangino la nanga wowango ma ngango gea duru ingodu-ngodumoka.
Angamoi ngohi tinihiorikoka ma titi nia hilawana de nia pea ma dodogowini. Abe ngaro ma dihirainohi de ngohi tomanoa ti ngini nia hidogoronaka hiadono ma oraha naa naga masara ngini ma muruono ibooto niwilawanoka Ma Jouika. De duru tohioriki abe ahao ma oraha ngohi topahaka de ti ngini nia hininga ma lawana ka idogoli ilamoko!
Ona gea Ma Jou iwiniiki ko igou-goungua, masara ngone naa abe duru hiniiki igou-goungu. Abe ngone naa tonahiromanga tato ngone o huhuna ma nyawa ma gou-goungu. De gea ma romanga ma titi o kia? De gea ma titi abe ngone naa hihigiriiri Ma Jou de gea ihititi abe nanga gogao Ma Jou o Womahino de ko ma titiua to ngone nanga kuahaino. Abe Ma Jou o Womaha, Una gea naga de de ngone. De ngone naa duru hidogarago o Yesusu Kristusika ma titi ai duduhunu ngoneino, de ko ma titiua to ngone nanga nganganono o dodunguuika dika abe nanga badangoka de hiadono wonadafongo Ma Jou. Ngone naa ko hokogenangua nanga nganganono. Ho gea tonahiromanga tato ngone o huhuna ma nyawa ma gou-goungu. Hokogea ma titi o huhuna ma gou-goungu, abe ngone naa haniiki.
Ho nako hiadono ona yotobadotoko o ngelu-ngelukino initaere ato ko ningodumuahi ma titi ko inihunauahi, naa ena nia lalaru ma demo abe ka idadi nimahihohininga. Abe mangale ma titi nimarimoi ngini de o Kristusu, ho hiadono nginioli inihunali. Masara nia huhuna gea ko o nyawakaua de aino, masara to Kristusu ai huhuna. Abe ma dodihiraino ma oraha o nyawa yahuna de manga roehe ihikitingaka onangino, masara nako to ngone nanga huhuna o Kristusoka hokogenangua. Abe nako to ngone nanga huhuna, gea ko nanga badangokaua, masara nanga hiningaka dika. Ho nanga huhuna o Kristusoka ma titi nanga hiningaka ma hafini ma dorou ihikitingakoka ngoneino.
ကြော်ငြာတွေ