Hidingoto 7:49 - Ma Jou ai Demo-demo o Totobelohoka

⁴⁹ ‘Ahi kuaha ma kadera ma ngi gea o Horoga, De o dunia gea ka ma eteteke dika abe hoka ahi lou ma hiaini ma ngi. Ho ngini done sarakia de niato ka idadi nihidiai ahi tau moi la ihiwedono? Duru ko idadiua! De o gogere hokokia ma rupa abe ngini nihihidoaka Ngohino?

Hidingoto 7:49 ပူးပေါင်းရင်းမြစ်များ

1 Kokoano 22:19

De gea o Mika wohigila-gila ai demo wato, “Mangale ma titi gea ho abeika nitotoihene Ma Jou o Yawe ai demo naa. Ngohi timake Ma Jou o Yawe wogogeruku ai kaderaka, de nagali genangoka ona abe o Horoga ma dodoomuoka de yomaokoino ai aridatekoka.

Higiriiri 11:4

Ho naa ngohi tinihihohininga nginika, Abeika, Ma Jou o Yawe naga ai ngi ma debi-debinoka! Una Ma Jou abe ai gogogere daku o Horogaka. Una womalega ngoneuku de ko iwa moi abe ko wamakeua, O nyawa mata-mataika ka ihikaika wonatailako de wonahioriki.

Matiusu 23:22

De nako o nyawa yomahibehehongo de o koboto, de manga koboto ma demoino de yofetongo ato o Horoga, gea tanu imaketero hoka yofetongoo Ma Jou ai pareta ma kadera ma hohailoa abe imanoa genangoka de iwifetongoo Ma Jou abe wogogeruku ai kaderaka, angamoi gea tanu ko idadiua hohikohowono. Masara abe hoka ngini naa niatobadotoko, genangino de duru niahowono.”

Matiusu 24:2

De o Yesusu wopaluhu onangika wato, “Igoungu, gea mata-mata duru ma hohailoa. Masara naa tinihingahu abe ika-ika de to ena ma hakaru gea ko imaritabiokaua, angamoi ma tau gea duru ikokikiliangoka!”

Yohanese 4:21

De o Yesusu wopaluhu munangika wato, “Hobata, ahi demo naa kiani nangaku, ahao naga ma oraha iboa abe ngini nimahuba o Babaiye ko o lokuokaua de ko o Yerusaleemokaua.

Himatoko 3:21

“De onagona dika yolaku ho ma dorou ko yahikalaua onangika, ona gea ahao tahidoaka ma kuaha onangika la ona yogogeruku to Ngohi ahi datekoka abe ahi kadera ma hohailoa o Horogaka. De genangoka ahao yokoano de de Ngohi. De gea duru imaketero abe hoka ma dihiraino Ngohioo tolaku de ahao togogeruku ahi Baba ai datekoka abe ai kadera ma hohailoauku.”