Hidingoto 7:37 - Ma Jou ai Demo-demo o Totobelohoka

³⁷ “De ma dihiraino gea de o Musa una ma hirete wahingahu o Isiraele ma nyawaika wato, ‘Ma Jou ahao wigoraka womatengoli ai uru ma dodofanga ti ngini nia hidogoronaino. De una gea ai hiningaka de womaketero abe hoka ngohioli.’

Hidingoto 7:37 ပူးပေါင်းရင်းမြစ်များ

Matiusu 21:11

De o Yerusaleeme ma nyawa utuoli abe iwibuhuku de iwihigilolitino o Yesusu ona yopaluhu ato, “Naa Una o Yesusu, Ma Jou ai uru ma dodofanga abe o Nasaretino woboa abe gea o Galilea ma tonakoka.” Hokogea to ona manga hininga ma sanangi ma demo ma oraha iwidafongo o Yesusu.

Maruku 9:7

De ahao yamake o lobi abe yakokihawoka o Yesusu de o Musa de o Elia. De ahao Ma Jou wotemo abe yoihene o lobino ma ilingi itemo ato, “Naa to Ngohi ahi Ngofaka de duru tidora, ho kiani Unangika niwihigihene.”

Lukasa 9:35

De ahao Ma Jou wotemo ho yoihene o lobino ma ilingi itemo ato, “Naa to Ngohi ahi Ngofaka abe tiirikoka de tihitagongoka de o tagongo abe duru ikokurutiye, ho kiani Unangika niwihigihene.”

Yohanese 18:37

De o Pilatusu wilehali wato, “Ho igoungu, Ngona o koano?” De o Yesusu wihingahu wato, “Ngona nagoungu nohifetongo nato Ngohi o koano. Abe Ngohi naa toboa o duniauku, de hiadono tomaboa naangoka, gea mangale ma titi la o demo ma gou-goungu ka idadi tahingahu-ngahu o nyawaika. De onagona dika yoigo ma gou-goungu, ona gea ihihigihene.”

Hidingoto 7:38

De o Musa una naga de de nanga totofora manga dodoomu o tonaka ma kakaahaka, de una wodadi manga hidemo Ma Jouiye. Ho o Musa wohitobadofanga o Isiraele ma nyawa manga demo Ma Jouika, de wadofangoli Ma Jou ai malaekata ma demo nanga totoforaika. De genangoka hamake o wowango ma ngango ma abari ma malaekatino abe o Sinai ma lokuoka.”