Hidingoto 7:26 - Ma Jou ai Demo-demo o Totobelohoka

²⁶ “De ma dawangeinoli de o Musa woikoli la ma moioli watutumu ai gogianongoru, de gea wamake o Isiraele ma nyawa yahinooto yomakopoha. De una wohitaili la wahitogumu manga kangamoino la ibootohi yomakopoha ho wataere onangika wato, ‘Ahi gogianongoru, naa done sarakia? Adodoa ho ngini nimakopoha, angamoi ngini naa o giadutu?’”

Hidingoto 7:26 ပူးပေါင်းရင်းမြစ်များ

Dodadi 13:8

De o Abaraama wotemo o Lotika wato, “Mia ngofaka, ani baba de ngohi, ngomi o ria-dodoto ma dutu ho ufa hiadono homakangamo, ngohi de ngona. De ahi nyawa de to ngona ani nyawa abe yogoa-goana nanga aewani ma duduono, ufa hiadono yomakangamo.

Dodadi 45:24

Hokogea o Yusupu ai ria-dodoto wahidailako manga perelu de ahao wahigunoa la yolio, de wahibehehongo onangika wato, “De gea o ngekomika ufa nimakokangamo!” Hokogea wahitiari o Yusupu.

Matiusu 14:22

Ka de o Yesusu wahikokiolomo ipaha o nyawa ko manga ngoe gea de Una wahuloko iwinii-niikika la ona yokokifarene ma ngotiroko de yohira yomahihora doka ma akere ma ngooto ma honongaika. Abe Una ai hininga la wahulokohi o nyawa manga ngoe-ngoeika gea la yokokilio manga tau homoi-homoiika, de ona yokokilio ipaha de ahao bootino Una wahiduru yangimoi de yahinooto gea doka ma honongaika.

Hidingoto 7:25

De gea o Musa wofikiri wato bote ai gogianongoru ka idadi ihioriki abe Ma Jou wihidingoto o Musa la waduhunu ona manga kokangelaino, masara ona ko iwingakua o Musaika.”

Filiipi 2:1

Naa tinileha, sarakia, abe ma titi nia gogere o Kristusoka, ko iwa moi la ko niamakeua genangino abe inihiputurungu? Eko o lalaru ko iwa nginioka abe ai doraka de aino? Sarakia, Ma Jou o Womaha ko wogogerua nginioka? De bote ko iwa nginioka o dora ma amoko la hiadono itagi o nyawa utuika abe niaduhunu? Koua, marai gea mata-mata naga nginioka, e?

Filiipi 2:3

De ufa nitaleana de ufa o sade inihihira la hiadono nimagorakiye, masara koaho nimahitipokouku la nako o nyawa utu de ngini ma hirete, ma ka onangohi niahayanga.