Hidingoto 7:17 - Ma Jou ai Demo-demo o Totobelohoka

¹⁷ De ahao o Setefanusu wohigila-gila ai demo onangika wato, “De gea ka itigi moduku ma oraha abe Ma Jou wohingodumu ai behehongo la wahiluasa ai nyawa. Abe ma dihiraino wihibehehongo o Abarahaamika wato, ‘Ahao ani totoforauku ka idadi yohupu o nyawa gea manga giamoka de yaino.’ De gea igoungu abe ma oraha gea nanga totofora o Mesiiri ma tonakoka duru yofaa-faatuku hiadono duru ko manga ngoe.

Hidingoto 7:17 ပူးပေါင်းရင်းမြစ်များ

Dodadi 47:27

Ho naa o Isiraele ma nyawa yogogere o Mesiiri ma tonaka ma honongaka o Gosene ma romanga. De yamake manga tonaka ma rahai genangoka hiadono manga wowango duru de ma utumoka. De yofaa-faatuku hiadono itaiti manga ngoe.

Huhupu 1:20

Ho Ma Jou wasanangi o ngo Sifera de o ngo Puaika de wahidoaka ma owa onangika. De o Isiraele ma nyawa ka yodogo-dogohi manga ngoe de manga buturungu.

Hidingoto 13:17

“Abe ngone o Isiraele ma nyawa, to ngone nanga Jou Una ma dodihiraka de wairiki nanga totofora. De ipahaino wahiowa onangika ma oraha ona o Mesiiri ma tonakoka la manga kuaha ilamoko. De ino ino abe ma oraha o Mesiiri ma nyawa yahidadi manga gogilaongo de ahao nanga Jou wapake ai buturungu la wahihupu manga kangelaka de aino la ibootohi yodadi o nyawa manga gilaongo.

Hidingoto 7:6

De naga moioli Ma Jou wihingahu o Abarahaamika, de gea wihingahu abe ahao ai totoforauku yomanoa o tonaka moiokali abe genangoka ma nyawa duru yahikangela onangika hiadono yahidadi manga gogilaongo. De hokogea yahikangela abe o taongo o ratuhu iata ma dekanino de ahao manga kangela ibooto.