Hidingoto 5:15 - Ma Jou ai Demo-demo o Totobelohoka

¹⁵ De mangale ma titi o hidingoto ma nyawa manga datoro yotobadiai, ho o nyawa yopopanyakeoka manga dodiawo ka ihikaika yaoino de yakelenga o ngekomo ma datekoka, abe utu yao ka ma moi de manga ngingidu ma ngi de yakelengauku, de utuoli yao de manga nanao la yakelenga o ngekomo ma datekoka. De genangoka yakelenga la ato ma oraha o Peturusu woboaino de watilakuru de yonganono abe to una ai gurumini dika adaene yopopanyakeuku la genangino de yotogumu manga kangelaino.

Hidingoto 5:15 ပူးပေါင်းရင်းမြစ်များ

Tobadotoko 3:3

Naga ma oraha abe itiai la o nyawa hahohonenge, de nagali ma oraha abe koaho o nyawa hahitogumu manga kangelaino. De naga ma oraha itaana la o tau hakilianga, de nagali ma oraha abe koaho hohigoko o tau.

Matiusu 14:36

De ona yopopanyake yaoinoka de duru yogaho-gahoko Unangika la iti ka idadi ai baju ma barenika yaso. De abe onagona dika ai bajuika yaso, ona gea manga popanyake ikokitogumoka.

Matiusu 9:21

angamoi muna momatemo mato, “Ngaro ka ai baju dika taso, ma ka idadi totogumu.”

Maruku 6:55

Iwihioriki ho ona yomapopaata manga tonaka mata-mataika la o nyawa yopopanyake ka ma moi de manga nanao yahidotao Unangika. Ho o wange-wangeiye o kia-kiaka dika iwigihene abe o Yesusu naga genangoka, ka genangika yangotaka ona yopopanyakeuku la ka idadi iwimake.

Yohanese 14:12

De naa duru tagou-goungu tinihingahu nginika, onagona dika ihingaku Ngohino, onangoo ka idadi yodiai hoka Ngohioli todiai. De igoungu gea yodiai hoka Ngohioli todiai ma utuohi yodiai irahai idogo angamoi Ma Jou o Womaha wahidogo nako Ngohi toliokahi ahi Babaiye.

Hidingoto 28:9

De ipahaino de o nuuhu ma nyawa mata-mata abe naga de manga popanyakeoka ona yokokiboaino de o Paulusu wahikokitogumu onangika!

Hidingoto 5:16

De nagali o nyawa ko manga ngoe abe o kapo-kapongoka de aino yoboa o Yerusaleeme ma kotaino, abe yaoino ona yopopanyakeoka de utuoli abe yakokitokata. De ona mata-mata yotogumoka manga kokangelaino.