Hidingoto 5:14 - Ma Jou ai Demo-demo o Totobelohoka

¹⁴ De ka ihikaika yodogo-dogo yowoe abe iwingaku nanga Baluhu idodutuika, abe ngaro o nau-nauru de ngaro o ngo-ngofeka masara ko manga ngoe yomahidogo manga doomuika.

Hidingoto 5:14 ပူးပေါင်းရင်းမြစ်များ

2 Samuele 6:19

De ahao o Dautu nagaoo ai hidoaka o nyawa mata-mataika ngaro o nauru eko ngaro o ngofekaoo ma wahikokidoaka ona homoi-homoiika o roti iharo-harongo amomoi, de o roehe o luiti amomoi homoi-homoiika wahidoaka, de o angguru ma hofoko abe ma doolenge o belaka homoi-homoiika wahidoaka. Hokogea o Dautu wodiai de ahao ona abe yomatoomuino yokokilio homoi-homoi manga tauika.

Huhupu 35:22

Naga yoboa o nauru de o ngofeka de manga garago abe duru yoigo iwihidoaka Ma Jou o Yaweika. Utu yaoino manga gurasi hoka manga ngaukuku, de manga ngunungu ma gogoli, de manga ali-ali, de manga rante de o rante ma haeke abe o gurasino. De naga utuohi iwidingakoka Ma Jouika ma kiahonanga duru ma hohailoa o gurasino irupa-rupa ho enangoo iwihidoaka Ma Jou o Yaweika.

Hidingoto 11:24

De o Baranabasa una ai hininga ma rorahai, de Ma Jou o Womaha duru iwilufungu unangika, de ai ngongaku duru iputurungu Ma Jouika. De genangoka ma nyawa duru ko manga ngoe yomahidogo iwingaku-ngaku manga doomuika.

Hidingoto 2:41

De ma nyawa genangoka abe yodafongo to Peturusu ai demo ma titi o Yesusu, ona gea ahao yomaohiki ho yomahidogo manga doomuika. De o wange gea naga ngade-ngade yasana hange abe iwingaku de yomahidogo manga doomuika.

Hidingoto 2:47

De ona ka ihikaika iwihigiriiri Ma Jouiye, de o nyawa utu mata-mata duru yasanangi onangika. De o wange-wangeiye naga utuohi yowoe abe nanga Baluhu idodutu wahidogo manga doomuika ho waduhunu manga howo-howonino.

Hidingoto 22:4

De ipahaino de ngohi duru tahikokangela onangika abe yatobaniiki o Yesusu ai dodotoko ma ngekomika, abe utu tatoma de utuoli, ngaro o nau-nauru de ngaro o ngo-ngofeka, masara takokibuika o bui ma goronaika.

Hidingoto 4:4

Masara abe kanganoino manga demo o nyawa manga ngoe yoihene de yongaku enangika, ho nagali abe yomahidogo manga doomuika. De nako haetongo o nauru mata-mata abe ma oraha gea iwingaku-ngaku Unangika, naga yasana motoa abe iwingaku, de gea ko haetonguahi o ngo-ngofeka de o ngofa-ngofaka.

Hidingoto 6:7

De ma oraha gea Ma Jou ai Demo-demo ka ihikaika imahikabarihika de o nyawa manga ngoe yangaku enangika, ho ka ihikaika yodogo-dogo manga doomuika abe o Yerusaleemoka. De hongoli naga o Isiraele manga hidemo ma nyawa manga ngoe abe iwingaku o Yesusika, ho onangoo yomahidogo o ngongaku ma nyawaika.

Hidingoto 8:12

De ipahaino de o Filipusu wahingahu-ngahu onangika o Abari ma Rorahai abe ma titi hokokia Ma Jou wahikoano ai nyawaika de abe ma titi o Yesusu Kristusu woboa la wonaduhunu nanga howo-howonino. De gea o Samaria ma nyawa manga ngoe yongaku ai demoika ho yomaohiki. Abe naga o nau-nauru de o ngo-ngofekaoo manga ngoe yomaohiki ma titi yongaku o Abari ma Rorahaiika.

Hidingoto 9:2

la womagahoko o higunoa ma hurata unangino. Abe ma hurata ahao ihidumutu o Yahudi ma nyawa manga dodotoko ma tau ma hihiraika abe naga o Damasiki ma kotaka. De ma hurata ma goronaka de o Saulusu woigo la ma hidemo wokokurutiye wihidoaka o kuaha unangika la nako ahao wamake o nyawa o Damasikoka abe yatobaniiki ma dodotoko abe ma titi o Yesusu, ona gea o Saulusu ka idadi wataoko de wahidapakiti de o rante. De wataokino de ahao ai hidee la waoino o Yerusaleeme ma kotaino la yamake manga hohowono genangoka. De gea ai hidee la ngaro o nau-nauru de ngaro o ngo-ngofeka masara ona mata-mata abe yatobaniiki o Yesusu ai dodotoko ahao wataoko de wahohowono. De manga hidemo ma nyawa wokokurutiye una woihene o Saulusu ai gogahoko gea de wosanangi ai demoika. Ho wodiai ma higunoa ma hurata gea de wihidoaka o Saulusika.

Hidingoto 9:31

De ipahainoli de o Yesusu ai gareja ma nyawa hatoli ikurangoka abe o nyawa yahikangela onangika. Ho ngaro o Yudea ma tonakoka de ngaro o Galilea ma tonakoka de ngaro o Samaria ma tonakoka, masara ai gareja ma nyawa abe yomanoa ma tonaka mata-mataika gea manga hininga ka idadi iriidi. De ona manga ngongaku ka idogo-dogo iputurungu, de ka ihikaika naga manga horomati itagi nanga Baluhu idodutuika. De nagali abe Ma Jou o Womaha ka ihikaika wahigaro ona abe manga ngongakuika. De ka ihikaika o nyawa yodogo-dogo abe iwingaku Unangika ho ai gareja idogo-dogo ilamoko.

Hidingoto 9:35

De wotogumu ipaha de ona mata-mata o Lida ma kapongoka de o Sarono ma tonakoka gea iwimake abe o Eneasa ka idadi womadagi-dagi, ho ona mata-mata iwingaku nanga Baluhu idodutuika.

Hidingoto 9:42

De ma abari gea duru imataiti imahikabarihika o Yope ma nyawa mata-mataika, de ona manga ngoe iwingaku nanga Baluhika.

2 Korintusu 6:15

De done sarakia o Yesusu Kristusu de o Ibilihi ma haeke ka idadi yomaketehiningamoi? Eko nako womatengo wingaku Unangika de naga womatengoli ko wingakua, de done sarakia ona yahinooto yomaketehiningamoi? Duru ko idadiua!

Galatia 3:28

Ho mangale ma titi nanga rimoi o Yesusu Kristusoka, ho hiadono naa duru ko iwaka ma hikohowono nanga hidogoronaka. De gea ngaro ngone utu o Yahudi ma nyawa de utu ko o Yahudi ma nyawaua, ma ngone naa ko homakohowonua. Eko ngaro ngone utu o nyawa manga huhuloko de utu ko o nyawa manga huhulokua, ma gea ngone hoimoi dika. Eko ngaro ngone utu o nauru de utu o ngofeka, masara gea Ma Jou wonalega wato ko iwaka ma hikohowono ngoneoka angamoi ngone mata-mataika ka hoimoi dika o Yesusu Kristusoka.