Hidingoto 4:7 - Ma Jou ai Demo-demo o Totobelohoka

⁷ Ho ona yomatoomuinoka de ahao yaoino o Peturusu de o Yohanese manga himangoka de yaleha onangika ato, “O kiaino nia kuaha eko onagonaino manga romanga ngini niapake la kanugono nia datoro gea nidiai?”

Hidingoto 4:7 ပူးပေါင်းရင်းမြစ်များ

Huhupu 2:14

De o nyawa gea wipaluhu o Musaika wato, “Ngona naa, onagona inigoraka hiadono inihidadi mia baluhu de nato ka idadi nomihohowono hiadono naa nohitaere ngohi? De marai nato ngohioli nohitoma, hoka o Mesiiri ma nyawa gea kanugono nitomaka.” Ka de ai demo gea o Musa woihene de doka ai hiningaka womatemo wato, “Ei, marai o nyawa ihihiorikoka gea todiaioka.” De genangoka de wohawanoka.

Matiusu 21:23

De ipaha de yomahiadoniyeoli o Yerusaleeme ma kotaiye. De abe ma oraha o Yesusu wodotoko ai gogiriaka Ma Jou ai Tau ma loaka de naga o nyawa manga hidemo Ma Jouiye abe yokokurutiye de o Yahudi ma nyawa manga hohidimono utuoli, ona mata-mata yokokiboa o Yesusino. De ona gea iwileha o Yesusika ato, “O kiaino ani kuaha la hiadono kanugono o nyawa naduhu abe yotobafuku-fukunu Ma Jou ai Tauoka? De onagona honanga inihidoaka manga kuaha ngonaika la gea ka idadi nodiai?”

Maruku 11:28

De ona gea iwileha o Yesusika ato, “O kiaino ani kuaha la hiadono kanugono o nyawa naduhu abe yotobafuku-fukunu Ma Jou ai Tauoka? De onagona honanga inihidoaka manga kuaha Ngonaika la gea ka idadi nodiai?”

Yohanese 2:18

Hokogea o Yesusu wakiniiki ibootino de naga o Yahudi ma nyawa manga balu-baluhu yomarihimanga de o Yesusu de iwileha, ato, “Sarakia ngona naa hiadono hokogea nodiai? Nako Ma Jou wonihigunoa ngona nodiai hokogea ngomi miato kiani nomihimatoko o dodunguu la nomahitaana la gea minihioriki ngona de ani kuahaka.”

Yohanese 8:3

De ai gogiriaka wadotoko de naga abe yotobadoto-dotoko o Musa ai Paretaino de o Farisi manga doomuino ma nyawa onangoo yamuruono naga yoboaino Unangino. De ona yoboa ma titi imiaoino o ngofeka momatengo abe imihidataoko ami howono ma goronaka. De muna gea imiaoino o Yesusu ai himangoka de imihuloko munangika ato, “Mia himangoka nomaokoino de nomihimangino!”

Yohanese 8:9

Masara ka de o Yesusu ai demo gea yoihene, gea de ka dau yomulaenge yokokiloiki. De o nau-nauru gea utu yaperekioka ona gea yohira yoiki de utu yototuruika ho hiadono yomamataka, homoi-homoi yoiki yomahikabarihi. Ho jai-jai dika de o Yesusokahi naga genangoka de o ngofeka imitao-taokino gea, ho onangokahi dika genangoka.

Hidingoto 4:10

Ho naa tinihingahu de duru tinihitararono nginika de o Isiraele ma nyawa mata-mataikaoo tahingahu abe wolugu-lugu nia himangoka naa, una wotogumu ma titi o Yesusu Kristusu ai romanga de ai kuaha, abe o Yesusu Una gea o Nasaretoka ma nyawa. De Una gea abe ngini niwihohonengoka masara ipahaino de Ma Jou wihimomikoli ai honengino.

Hidingoto 4:6

De nagali o Hanasa, abe ma oraha gea de una wodadi manga hidemo wokokurutiye Ma Jouiye, de nagali ai toroa o Kayafasa. De nagali o nauru utuoli abe o Hanasa ai dutu adaene, hoka ai dutu o Yohanese de o Alesandere de naga utuohi ai dutu.

Hidingoto 4:8

De ahao o Peturusu iwilufungu de Ma Jou o Womaha de wopaluhu onangika wato, “Ahi balu-baluhu de ngini abe nimihihira ngomi nia kokawaaha, naa moi tinileha.

Hidingoto 5:40

Ho ona yahokino o hidingoto ma nyawa de ahao yahuloko la yahipoha-poha onangika de o migi. De yapoha ibooto de yahibehehongoli onangika ato ko idadiokaua yahingahu-ngahuoli o nyawaika ma titi yao o Yesusu ai romanga. De gea yahuloko ipaha de yahigunoa la yoiki yolio manga ngiika.