Hidingoto 4:6 - Ma Jou ai Demo-demo o Totobelohoka

⁶ De nagali o Hanasa, abe ma oraha gea de una wodadi manga hidemo wokokurutiye Ma Jouiye, de nagali ai toroa o Kayafasa. De nagali o nauru utuoli abe o Hanasa ai dutu adaene, hoka ai dutu o Yohanese de o Alesandere de naga utuohi ai dutu.

Hidingoto 4:6 ပူးပေါင်းရင်းမြစ်များ

Matiusu 26:3

De ma wangeoka gea de naga o Yahudi ma nyawa manga hohidimono yomatoomuino o Kayafasa ai tauoka, abe una gea manga hidemo Ma Jouiye ma hibaluhu wokokurutiye. De naga genangoka to ona manga hidemo Ma Jouiye yokokurutiye yamuruono naga de nagali manga hohidimono utuoli yomakokitoomuino.

Lukasa 3:2

De abe ma oraha gea o Yahudi ma nyawaka to ona manga hidemo ma nyawa Ma Jouiye abe ka onangohi yokokurutiye gea o Hanasa de o Kayafasa. De abe ma oraha manga hihira gea mata-mata naga de manga kuahaka manga ngi homoi-homoioka, duru ma oraha gea Ma Jou ai behehongo ma demo moi ka wihiree-reeika o Sakaria ai ngofaka o Yohanesika. Abe ma oraha gea de o Yohanese wogogere o tonaka ma kakaahaka abe ko iwa o nyawa genangoka.

Yohanese 11:49

Hokogea manga demo masara manga hidimono o Kayafasa watemo onangika angamoi ma oraha gea una o hohidemo Ma Jouiye manga hidimono wokokurutiye, de watemo ona mata-mataika wato, “Ngini ko kia-kiaua nihioriki!

Yohanese 18:24

Hokogea o Yesusu wotemo de o Hanasa o Yesusu wihidingoto dika o Kayafasika. Ho o Yesusu nagahi ai papakiti de wihidingoto o Hanasa ai toroaika. De abe ma oraha gea ka o Kayafasohi manga hidemo Ma Jouika abe duru wokurutiye.

Hidingoto 4:7

Ho ona yomatoomuinoka de ahao yaoino o Peturusu de o Yohanese manga himangoka de yaleha onangika ato, “O kiaino nia kuaha eko onagonaino manga romanga ngini niapake la kanugono nia datoro gea nidiai?”

Hidingoto 5:21

De ai demo gea yoihene de duru yaniiki, ho duru o ngoru-ngorumino de ka de Ma Jou ai Tau ma loaika yowohamika de yomulaengoka yadotoko o nyawaika ma abari gea. De o hidingoto ma nyawa gea yodotoko manga gogiriakahi de doka o Isiraele ma nyawa manga hihira manga doomu ma ngioka de manga hidemo wokokurutiye de ai dodiawo yomatoomuino. De nagali yoboaino o Isiraele manga balu-baluhu. De yomatoomu ibooto de ahao yahuloko manga nyawa la yoiki yale o hidingoto ma nyawa o bui ma tauoka la yoboa de yahimanga onangika la ka idadi yatailako manga datoro de manga demo.