Hidingoto 4:31 - Ma Jou ai Demo-demo o Totobelohoka

³¹ De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!

Hidingoto 4:31 ပူးပေါင်းရင်းမြစ်များ

Matiusu 21:22

De gea ho hiadono tinihingahu tato abe ma oraha nimagahoko moi Ma Jouino, gea iti ningaku abe nia gogahoko gea Ma Jou ka idadi winihidoaka, de gea ngaro o kia dika nimagahoko de igoungu winihidoaka Ma Jou. Masara nako hoka nia hininga hinooto nia gogahokika, gea ko niamakeua.”

Yohanese 14:12

De naa duru tagou-goungu tinihingahu nginika, onagona dika ihingaku Ngohino, onangoo ka idadi yodiai hoka Ngohioli todiai. De igoungu gea yodiai hoka Ngohioli todiai ma utuohi yodiai irahai idogo angamoi Ma Jou o Womaha wahidogo nako Ngohi toliokahi ahi Babaiye.

Yohanese 15:16

De ko ma titiua ngini nihiiriki Ngohi masara Ngohi tiniiriki ngini de tinihikarajaanga de o karajaanga moi abe ma hasili duru itongohono. Ho nikokiloiki la nikokihofoko nia wowangoka la o karajaanga gea abe tinihidoakoka nginika duru de ma hasiloka. De nako gea dika nia wowango ma dumutu de ahao o Baba wodiai o kia dika nimagahoko de niapake ahi romanga.

Yohanese 15:7

“Ma nako ka ihikaika nia gogere Ngohioka gea niogoana, de ahi demo-demo ka ihikaika imanoa nginioka, de ahao ngaro o kia dika nimagahoko o Babaiye gea ahao wodiai.

Hidingoto 14:3

De ngaro hokogea masara ona yahinooto yomanoa manga dekana ma kotaka gea de duru yahingahu-ngahu de manga domoroinoka abe ma titi nanga Baluhu ka idadi wonaduhunu ma titi ai hininga ma owaino dika. De nanga Baluhu Una gea womahitaana o nyawaika abe manga demoino gea ma titi Una duru yagou-goungu. Abe gea wohitaana ma titi wahiakunu o Paulusu de o Baranabasika la ona yodiai o heheranga de o kuaha ma dodunguu o nyawa manga hima-himangoka la ka idadi duru yongaku manga demoika.

Hidingoto 2:1

De ipahaino abe o Pentakosta ma rame-rame adonoka de ona mata-mata yomatoomuinoka abe o ngi moioka.

Hidingoto 2:2

De ka itodokanino de naga yoihene o Horogauku ma ruruhu moi abe imaketero hoka o rato duru ma amoko iboa dakuino. De ma ruruhu gea naga ma tau ma goronaka ho ma ngi abe o kiaka yomatoomuino gea duru aomangoka de ma ilingi.

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

Hidingoto 4:13

De ahao manga hihira ma doomu gea ona duru yoheranga ma titi o Peturusu de o Yohanese manga domoroini abe manga demoino, angamoi yahioriki abe ona yahinooto ka o nyawa biaha dika abe ko yohakolaua. De ahao yongano-nganono abe ma titi ona yahinooto nengokadauino de ka ihikaika yomakiniiki de o Yesusu.

Hidingoto 4:29

De naa, mia Baluhu idodutu, mimagahoko la Ngona ufa nanoaika dika to ona manga dodaere ma demo abe imitaeroka ngomino. La ngaro hokokia dika imitaere masara ngomi naa abe midadioka ani duduhunu ka idadi mitomoroini dika la mihiabari de mia domoroinoka ma amoko o nyawaika.

Filiipi 1:14

De nagali abe ma titi nanga gogianongoru o Yesusoka. Abe nanga gogianongoru manga ngoe nenangoka ihimake ngohi abe ngaro ihibuioka, ma, ka ihimoroinohi o Abari ma Rorahai tohingahu-ngahu. Ho ona gea ma oraha naa de yotomoroinoli Ma Jou ai Demo-demo yahingahu-ngahu o nyawa utuika, abe ko yohawanokaua. Ho abeika hokokia ma amoko o Abari ma Rorahai iutumu ma titi ngohi ahi kangelaino.

Filiipi 1:20

De naa moi duru toigo de tonganono, la ufa tohawana ma oraha o Abari ma Rorahai toodemo. Angamoi nako tohawana de ko tohidemoua abe tanu kiani gea ena totemo, gea de ahao tamao hoka ihihimaleke. De gea duru tonganono la imakawalimi, abe ma oraha o Abari ma Rorahai toodemo de duru ihimoroini, abe hoka ma dihirainoli, la ka idadi ngohi naa o Kristusu tigorakiye. De gea ahi nganganono, ngaro tohonenge eko ka towangohi, ma, iti abe o Kristusu o nyawa iwihoromati Unangika ma titi to ngohi ahi wowango ma datorino.

Yakobusu 1:5

De nako hoka naga nia gianongoru abe wamao ai hiningaka abe ai sosawaro ka ikurangohi ho ko wohiorikua ai wowango ma datoro hokokia wodiai la itaana de Ma Jou ai mau, una gea koaho o sosawaro womagahoko Ma Jouino. Angamoi Una gea duru de ai hininga ma gahumu wonahidoaka ai sosawaro ngoneino de ko wonataerua, ho nako ai sosawaro ngone homagahoko Unangino, gea ahao wonahidoaka.