Hidingoto 4:3 - Ma Jou ai Demo-demo o Totobelohoka

³ Ho manga hihira gea yataokino ona yahinooto de yabuika. De ma oraha gea ihumuririhukuoka ho ona yomaidu o bui ma tauoka ma futu gea.

Hidingoto 4:3 ပူးပေါင်းရင်းမြစ်များ

Matiusu 4:12

De ipahaino de naga o popareta ma nyawa ko iwisanangiua o Yohanesika abe watobaohi-ohiki o nyawa, ho iwitaoko de iwibuioka. Ho ka de o Yesusu woihenino abe ma titi o Yohanese iwitaokoka ho Una wanoaika o Yudea ma tonakoka gea de wolio ai kapongo o Nasaretika abe ena gea o Galilea ma tonakoka imanoa.

Lukasa 22:52

De ahao o Yesusu watemo o nyawa yowoe-woe manga hohidimonika, abe naga utu o hidemo ma nyawa Ma Jouiye yokokurutiye de utu yotobagoa-goana Ma Jou ai Tau manga hohidimono, de nagali o Yahudi ma nyawa manga balu-baluhu utuinoli. Ho watemo onangika wato, “Adodoa ho hiadono nia humaranga de nia boboha nimagao la niato nihitaoko? Niato bote Ngohi naa o nyawa ma dorou abe totobalawana nanga popareta ho hiadono kiani naga nia dae la ka idadi nihitaoko?

Lukasa 22:54

De ahao ona iwitaokino o Yesusu de iwiao manga hidemo Ma Jouiye manga hidimono wokokurutiye ai tauika. De o Peturusu una wihidoo-doduru o Yesusu.

Yohanese 18:12

Ho o Roma ma nyawa manga tentara ma doomu de manga dimono gea, de manga dodiawo o nau-nauru yamuruono naga abe Ma Jou ai Tau yogoa-goana, ona gea o Yesusu iwitaoko de ai giama apakiti-pakitino.

Hidingoto 5:18

Ho o hidingoto ma nyawa yataokino de yahingohama o bui ma tauika.

Hidingoto 6:12

De o nyawa manga ngoe yoihene manga dadae ma demo abe iwitae o Setefanusika ho hiadono onangoo iwingamo unangika. De o Isiraele ma nyawa manga balu-baluhu de ona abe yotobadotoko o Musa ai Paretaino, onangoo manga ngamo duru itagi unangika. Ho iwitaokino de iwiao to ona mata-mata manga himangoka la iwitailako de iwiurusu.

Hidingoto 9:2

la womagahoko o higunoa ma hurata unangino. Abe ma hurata ahao ihidumutu o Yahudi ma nyawa manga dodotoko ma tau ma hihiraika abe naga o Damasiki ma kotaka. De ma hurata ma goronaka de o Saulusu woigo la ma hidemo wokokurutiye wihidoaka o kuaha unangika la nako ahao wamake o nyawa o Damasikoka abe yatobaniiki ma dodotoko abe ma titi o Yesusu, ona gea o Saulusu ka idadi wataoko de wahidapakiti de o rante. De wataokino de ahao ai hidee la waoino o Yerusaleeme ma kotaino la yamake manga hohowono genangoka. De gea ai hidee la ngaro o nau-nauru de ngaro o ngo-ngofeka masara ona mata-mata abe yatobaniiki o Yesusu ai dodotoko ahao wataoko de wahohowono. De manga hidemo ma nyawa wokokurutiye una woihene o Saulusu ai gogahoko gea de wosanangi ai demoika. Ho wodiai ma higunoa ma hurata gea de wihidoaka o Saulusika.