Hidingoto 4:24 - Ma Jou ai Demo-demo o Totobelohoka

²⁴ De yoade-ade ipahaino de ona mata-mata duru yomaketehiningamoi abe yomaniata Ma Jouiye ato, “Mia Baluhu idodutu, abe Ngona notobatulaada o dunia naa de ma dihangoo de abe ma gahi de ma dunia ma dola utu mata-mataika.

Hidingoto 4:24 ပူးပေါင်းရင်းမြစ်များ

Huhupu 20:11

Ngohi o wange butaangaino totulaada o dunia de o dihanga de o gahi, de ngaro to ena ma dola mata-mataika, masara gea mata-mata o wange butaangaino dika de tabootoka totulaada. Ho de ma wange ma tumidi gea ko totulaadokaua ho ma wange gea Ngohi tohiowa de duru tomadingakoka Ngohino ho ma wangeoka gea ona yamake ma owa abe manga hiaini ihititi manga horomatioka Ngohino.”

Hidingoto 14:15

Abe yotemo ato, “Mia gogianongoru, ngini naa adodoa ho niato nidiai hokonaa? Angamoi ngomi naa ka o nyawa biaha dika imaketero hoka nginioli! De ngomi miboaino nenangino la o Abari ma Rorahai minihingahu-ngahu nginika, la ngini nia popangao nianoaka. Angamoi ena gea mata-mata ka parahaja dika! Ho gea nianoa dika la nimangali Ma Jouika abe Una duru wotobawango! Abe Una gea wotobatulaada mata-mataika, abe ngaro daku ma dihangoka eko ma duniauku naa de ma gahi de gea mata-mata ma dola, masara ka Una dika wotobatulaada mata-mataika!

Hidingoto 16:25

De ma futu gea abe duru o futu gorona adonoka de o Paulusu de o Silasa ona yomaniata de o higiriiri ma nyanyianga yonyanyiohi Ma Jouiye. De abe ma nyawa utu yabuika genangoka ona mata-mata yokokiihene manga nyanyiangika.

Hidingoto 4:23

Ka de o hihira manga doomu gea yahigunoa o Peturusu de o Yohanese la yohupu de ona yahinooto yoiki manga dodiawoika abe iwingaku-ngakuoka o Yesusika. De yoade-ade onangika mata-mata abe kanganoino manga hidemo ma nyawa yokokurutiye de manga hihira utu yotemoka onangika.