Hidingoto 4:14 - Ma Jou ai Demo-demo o Totobelohoka

¹⁴ De tanu ma hihira manga hininga la yoluku dika ona yahinooto manga demoika, masara una abe wotobalugu-lugu gea abe kanugonino de iwihitogumu, unangoo naga womaokoino manga hidogoronaka. Ho manga hiningaka ato done o kiali ka idadi yotemo onangika, ho yomarii-riidoka dika.

Hidingoto 4:14 ပူးပေါင်းရင်းမြစ်များ

Hidingoto 19:36

De mangale ma titi o nyawa ko moiua ka idadi ihikala nanga demo gea ho ngini ngaro ufa dika de nia hininga ipusingi ma titi o nyawa utu manga demoika. De ufa hiadono ngini nidiai moi abe ko niafikirikaua ho duru ibodo ma datoro gea.

Hidingoto 4:10

Ho naa tinihingahu de duru tinihitararono nginika de o Isiraele ma nyawa mata-mataikaoo tahingahu abe wolugu-lugu nia himangoka naa, una wotogumu ma titi o Yesusu Kristusu ai romanga de ai kuaha, abe o Yesusu Una gea o Nasaretoka ma nyawa. De Una gea abe ngini niwihohonengoka masara ipahaino de Ma Jou wihimomikoli ai honengino.

Hidingoto 4:13

De ahao manga hihira ma doomu gea ona duru yoheranga ma titi o Peturusu de o Yohanese manga domoroini abe manga demoino, angamoi yahioriki abe ona yahinooto ka o nyawa biaha dika abe ko yohakolaua. De ahao yongano-nganono abe ma titi ona yahinooto nengokadauino de ka ihikaika yomakiniiki de o Yesusu.

Hidingoto 4:15

De ahao ma hihira gea yahuloko o Peturusu de o Yohanese ato, “Ngini niminoaikahi jai-jai la ka ngomi dika mimakoketemo.” Ho ona yahinooto yohupuohi manga doomu ma ngioka de aino.

Hidingoto 4:16

De yohupuoka de ahao ma hihira ona yomakokeleha ato, “Done sarakia hodiai de ma nauru yahinootoika gea? Angamoi igoungu ona yodiaioka o heheranga nanga kota ma goronaka, de o Yerusaleemoka ma nyawa mata-mata yokokiihenoka ma titi manga heheranga gea, ho duru ko idadiua hoeluku hato ma heheranga ko yodiaiua.

Hidingoto 4:21

Ho o Isiraele ma nyawa manga hihira gea ka yataerohi ona yahinootoika de manga dodaere ma demo muruono naga, masara ma bahaika de yahigunoa la yoiki yolio dika, angamoi ko yamakeua ma ngekomo la yahohowono onangika, done o huruhara idadi o kokawaahaka. Angamoi ma kokawaaha mata-mataika duru iwihigiriiri Ma Jouika ma titi ma heheranga abe idadi genangoka.