Hidingoto 4:13 - Ma Jou ai Demo-demo o Totobelohoka

¹³ De ahao manga hihira ma doomu gea ona duru yoheranga ma titi o Peturusu de o Yohanese manga domoroini abe manga demoino, angamoi yahioriki abe ona yahinooto ka o nyawa biaha dika abe ko yohakolaua. De ahao yongano-nganono abe ma titi ona yahinooto nengokadauino de ka ihikaika yomakiniiki de o Yesusu.

Hidingoto 4:13 ပူးပေါင်းရင်းမြစ်များ

Matiusu 11:25

De ipaha de o Yesusu womaniata ai Babaiye wato, “O Baba, o dunia naa de o Horogaoo to Ngona ani giamoka ho Ngona dika to ena ma Baluhu idodutu. De Ngohi totarimakase Ngonaika ma titi ma dodihirainohi de nohikaaturu la ngaro o nyawa abe manga sosawaro ikuranga ma ka idadi yataoko itiai o dodotoko ma gou-goungu ma titi Ngona. Masara abe ona yomahiromanga ato yososawaro de manga tobahioriki ilamoko, ona gea ikuranga yataoko ma gou-goungu angamoi Ngona nagogonoka la nato ufa ona yamake.

Matiusu 26:71

De ipaha ahao o Peturusu una o loa ma ngoranoka de naga moboaino o ngofeka momatengoli abe munangoo o huhuloko ma nyawa. De muna gea mimake o Peturusu ma ngoranoka de ahao onangika abe yomatoomuino genangoka mahingahu mato, “Una naa maraioka to Una ai dodiawo abe o Nasaretoka ma nyawa gea abe iwihiromanga o Yesusu.”

Matiusu 26:73

De gea ko itedekanuahi o nyawa utuoli abe yomatoomuinoka genangoka ona yoboa unangino de iwitemo ato, “Ho maraioka ngonaoo to ona manga dodiawo, angamoi igoungu ngonaoo o Galilea ma nyawa! De gea ka idadi minihioriki ngona o Galileaka ma nyawa ma titi ani demo ma ilingi!”

Lukasa 22:8

De ma wange gea de o Yesusu wahibehehongo o Peturusu de o Yohanesika wato, “Ngini niloikohi de ninahidiaiohi nanga Totilakuru ma rame-rame ma ngolo-ngolomo la bootino ka idadi homakokutuono holomo.”

Yohanese 19:26

De o Yesusu womimake ngoi meme de genangoka wimakeoli womatengo winii-niikino abe duru widora. De wotemo ngoi memeika wato, “Ele, ahi dodiawo gea ahao wodadi hoka to ngona ani ngofaka.”

Yohanese 7:15

De o Yahudi ma nyawa manga balu-baluhu duru yoheranga ai dodotokika hiadono yomakokeleha ato, “Onagona iwidotoko hiadono ai dodotoko ma tobahioriki hokonaa? Angamoi Una gea ko ma moiuahi womadotoko onangino abe yotobadoto-dotoko o Musa ai Paretaino.”

Yohanese 7:49

O nyawa yowoe-woe gea yomatoomuino ona gea ko kia-kiaua ihioriki. Ona o kokawaaha biaha dika, de ko yomadotokua Ma Jou ai Demo-demoino ho manga hohowono Ma Jouino yadaenokau nako to Una ai demo yodafongo.” Hokogea yataere.

Hidingoto 4:14

De tanu ma hihira manga hininga la yoluku dika ona yahinooto manga demoika, masara una abe wotobalugu-lugu gea abe kanugonino de iwihitogumu, unangoo naga womaokoino manga hidogoronaka. Ho manga hiningaka ato done o kiali ka idadi yotemo onangika, ho yomarii-riidoka dika.

Hidingoto 4:19

Masara o Peturusu de o Yohanese ona yopaluhu ato, “Abeika ngini ma hirete nimafikiri de nimaleha ma titi nia huhuloko ma demoino gea. Bote Ma Jou ai mau la ngomi naa mininiiki ti ngini nia demo ekola koaho wiwihigihene to Una dika ai demo ngomino? Nako ngini niataoko sarakia?

Hidingoto 4:29

De naa, mia Baluhu idodutu, mimagahoko la Ngona ufa nanoaika dika to ona manga dodaere ma demo abe imitaeroka ngomino. La ngaro hokokia dika imitaere masara ngomi naa abe midadioka ani duduhunu ka idadi mitomoroini dika la mihiabari de mia domoroinoka ma amoko o nyawaika.

Hidingoto 4:31

De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!

Hidingoto 9:27

De ahao naga womatengo o Baranabasa, de una wiao o hidingoto ma nyawaika de woade-ade onangika. De gea woade-ade abe o Saulusu yomakamake de nanga Baluhu ai dodagi ma goronaka de hokokia ai demo o Saulusika ma oraha o Damasiki ma kotaika woiki. De o Baranabasa unangoo woade-ade onangika abe hokokia o Saulusu duru wahingahu-ngahu o Damasiki ma nyawaika ma titi o Yesusu ai romanga wohigorakiye.

Hidingoto 9:28

De o Baranabasa ai ade-ade yoihene ipaha de ahao o hidingoto ma nyawa iwidafongo o Saulusika, ho ma oraha genangoka de imahikaika de una ka ihikaika yomakiniiki de de ona o Yerusaleemoka. Abe ona duru de manga domoroini yahingahu-ngahu o nyawaika ma titi nanga Baluhu idodutu.

1 Korintusu 1:27

Masara Ma Jou ai hininga la winiiriki ngini! Angamoi Ma Jou wonairiki ngone abe o dunia inahiromanga ato ngone hobodo, de gea wonapake ngone la ai ngirikino gea de wahimaleke o sosawaro ma nyawaika. De Una wonairiki ngone abe o dunia inaetongo ato ko iwa nanga kuaha de ahao ona abe de manga kuahaka wahimaleke ngoneino.

1 Korintusu 14:25

De angamoi to ona manga howono Ma Jou wahimatoko onangika ti ngini nia kokiuruino, ahao ona gea yomamotumuku de iwihigiriiri Ma Jouika, ato, “Duru igoungu Ma Jou naga ti ngini nia hidogoronaka naa.” De hokogea itaana abe ma hiakunu gea itiai ngone hapake nanga doomu ma goronaka.

2 Korintusu 3:12

De mangale ma titi nanga behehongo ma hungi naa duru ikurutiye de abe nanga nganganono enangika duru ko ikelu-kelua, ho ngomi ka idadi duru mitomoroini mia tagongo mihidagi.