Hidingoto 3:16 - Ma Jou ai Demo-demo o Totobelohoka

¹⁶ “De naa ngomi minihingahuoo abe nanga gianongoru naa abe kangano ka woluguohi masara naa wotogumoka, gea o Yesusu ai romanga ma kuaha abe iwihiputurungu unangika. De gea mata-mata idadi duru ti ngini nia hima-himangoka, ho nginioo tanu nihioriki abe wotogumoka ma titi ai ngongaku o Yesusika.”

Hidingoto 3:16 ပူးပေါင်းရင်းမြစ်များ

Matiusu 14:29

De o Yesusu wipaluhu wato, “Ka idadi noboa notagi-tagi Ngohino.” Ho o Peturusu wouti o ngotiroka de wauku o ngooto ma lokuika de womulaenge wotagi-tagi abe ai dumutu o Yesusika, de una ko wolutua!

Matiusu 9:22

Ho ka de maso ai bajuika de o Yesusu womadogilioro de womitemo munangika wato, “Ngohi ora, ufa ani hininga ihuha, angamoi ma titi ngona naa ani ngongakuino hiadono notogumoka.” De duru ma oraha gea dika de to muna ami kangela ko iwaka.

Yohanese 14:12

De naa duru tagou-goungu tinihingahu nginika, onagona dika ihingaku Ngohino, onangoo ka idadi yodiai hoka Ngohioli todiai. De igoungu gea yodiai hoka Ngohioli todiai ma utuohi yodiai irahai idogo angamoi Ma Jou o Womaha wahidogo nako Ngohi toliokahi ahi Babaiye.

Hidingoto 16:18

De muna gea o wange-wangeiye ka hokogea dika motobadiai abe momihidoo-doduru mia poretino hiadono o Paulusu ko wapoakaua ami demo gea. Ho una womidogilioro munangika de wotemo ma tokatika abe imanoa munangoka wato, “Naa ngohi tonihuloko de tapake o Yesusu Kristusu ai romanga. Abe tonihuloko la ngona ami badangoka de aino nohupuino de nominoaka!” Ka de hokogea wotemo de ma tokata imatitokoka munangoka de aino.

Hidingoto 3:6

Masara o Peturusu wato, “Ngohioka o tiwi ko iwa la tonihidoaka, masara abe naga ngohioka gea ka idadi tonihikodoku ngonaika. Ho naa de o Yesusu Kristusu o Nasaretoka ai romanga tonihuloko la nomaokoino de nomadagi!”

Hidingoto 3:8

De una wotogumoka ho ka dau de womahiburahiye womaoko de womadagi! De ipaha de ma oraha una womadagi-dagi de womapaa-paata de duru wihigiriiri Ma Jouiye. Ho una de o Peturusu de o Yohanese ona yomakiniiki yowohama Ma Jou ai Tau ma loa ma goronaika.

Hidingoto 4:10

Ho naa tinihingahu de duru tinihitararono nginika de o Isiraele ma nyawa mata-mataikaoo tahingahu abe wolugu-lugu nia himangoka naa, una wotogumu ma titi o Yesusu Kristusu ai romanga de ai kuaha, abe o Yesusu Una gea o Nasaretoka ma nyawa. De Una gea abe ngini niwihohonengoka masara ipahaino de Ma Jou wihimomikoli ai honengino.

Hidingoto 4:30

De mimagahokoo la nohidingoto to Ngona ani kuaha ngomiuku naa ma titi ani Huhuloko Wotebi-tebini o Yesusino. Angamoi ngomi miato ani kuaha gea miapake la ka idadi miahitogumu o nyawa manga popanyakeino, de nagali miato o heheranga de ani kuaha ma dodunguu ka idadi miahimatoko o nyawaika.”

Hidingoto 4:7

Ho ona yomatoomuinoka de ahao yaoino o Peturusu de o Yohanese manga himangoka de yaleha onangika ato, “O kiaino nia kuaha eko onagonaino manga romanga ngini niapake la kanugono nia datoro gea nidiai?”

Roma 3:22

De gea ma ngekomo hokonaa. Abe Ma Jou wonahitotiai ngone onagona dika abe hingaku-ngakuoka o Yesusu Kristusika. De gea ka moi dika ma ngekomo, abe ngaro o Yahudi ma nyawa eko ngaro abe ko o Yahudi ma nyawaua, masara ma ngekomo moi dika haniiki la Una wonahitotiai ngoneino, de gea ma titi nanga ngongaku o Yesusu Kristusika. De gea nanga ngekomo moi dika angamoi ngone o nyawa mata-mata de ko homakohowonua to Una ai himangoka.

1 Korintusu 13:2

De ngaro ngohi ihilufungu de to Una ai kuaha hiadono ka idadi tahingahu o nyawaika Ma Jou ai hingahu ma demo, eko ngaro Ma Jou ai dogogono mata-mata ngohi tohiorikoka, de ngaro hiadono o tobahioriki mata-mata nagau ngohioka, ma nako o dora ko iwa ngohioka, gea ahi hiakunu mata-mata duru parahaja dika. Eko nako ngohi duru de ahi ngongakuoka hiadono o loku moi tahuloko enangika de ma loku gea imaturuuru o ngi moiikali. Ma nako ngohioka o dora ko iwa, ngaro ahi ngongaku hokogea ma amoko, ma, ngohi naa ko kia-kiaua.

Higalioli 32:4

De nanga Jou Una hoka o lokuhakaru moi abe ai datorino de duru ko iwa ma howono, de to Una ai hidee mata-mata ka ma totiai dika. Ho duru ka idadi homahinganono nanga Jouika, angamoi duru ko ma iwa abe waputuhu ihowono masara watobagou-goungu de wotobatotiai dika.