Hidingoto 3:11 - Ma Jou ai Demo-demo o Totobelohoka

¹¹ De ahao o nyawa mata-mata genangoka yoihene ma abari gea ho yomataiti yoiki Ma Jou ai Tau ma honongaika abe ihiromanga ato o Saloomo ai punga. De gea yomataiti yoboaino angamoi una naga genangoka de duru womahidutuku o Peturusu de o Yohanesika ma titi ai hininga ma garago duru ilamoko. Ho ka de yomahiadono de iwimake, de ona mata-mata manga hiningaka de duru yoherangaholi.

Hidingoto 3:11 ပူးပေါင်းရင်းမြစ်များ

Lukasa 22:8

De ma wange gea de o Yesusu wahibehehongo o Peturusu de o Yohanesika wato, “Ngini niloikohi de ninahidiaiohi nanga Totilakuru ma rame-rame ma ngolo-ngolomo la bootino ka idadi homakokutuono holomo.”

Lukasa 8:38

Masara ko yosobouahi de ma nauru abe o Yesusu wihititokoka ma tokata unangino, una gea woboaino de womahidemo wato ka idadi unangoo yomakiniiki de o Yesusu. Masara o Yesusu wipaluhu wato,

Yohanese 10:23

Ho o Yesusu naga genangoka Ma Jou ai Tau ma honongaka abe ihiromanga o Saloomo ma punga, de genangoka wotagi-tagi o Yesusu.

Hidingoto 2:6

Ho abe ma oraha ona mata-mata yokokiihene o nyawa manga hagaaga ma ilingi gea, ona yabobaataino la ato ihioriki o kia idadioka. De ona mata-mata yomahiadonoka abe iwingaku-ngakuoka manga ngi de duru yokokiheranga angamoi ona homoi-homoi yoboriihene to ona ma hirete manga bahasa ma demo abe ihupu iwingaku-ngaku manga uruino.

Hidingoto 3:12

De o Peturusu wamake abe o nyawa yowoe-woe yahigilolitino genangoka ho wotemo ona mata-mataika wato, “Ahi gogianongoru o Isiraele ma nyawa, adodoa ho ngini niheranga ma titi abe idadioka naa unangika? De adodoa ho ka nimidamaana ngomino de nimatemo nia hiningaka niato bote to ngomi dika mia kuahaino eko mia totiaiino hiadono wolugu-lugu naa wotogumoka la ka idadi womadagi?

Hidingoto 3:3

Ho una wamake o Peturusu de o Yohanese ma oraha yoboaino la ato yowohamika, de womagahoko o tiwi onangino.

Hidingoto 3:4

De o Peturusu de o Yohanese iwidamaana wolugu-luguika gea de ahao o Peturusu witemo wato, “Nomalega ngomino naa!”

Hidingoto 5:12

De abe ma oraha gea o hidingoto ma nyawa ka ihikaika yotobadiai o heheranga de Ma Jou ai kuaha yahimatoko o nyawaika. De ona iwingaku-ngaku yomatoo-toomuino Ma Jou ai Tau ma loaka abe ma ngi ihiromanga ato o Saloomo ai punga.