Hidingoto 3:10 - Ma Jou ai Demo-demo o Totobelohoka

¹⁰ De gea ahao duru yatodokana angamoi iwihioriki abe una gea ma dihirainohi woluguku de womagaho-gahoko o tiwi doka ma ngorana ma hohailoaka, angamoi ona ma ngoe iwimake wogogere genangoka! Ho ona mata-mata duru yokokiheranga ma titi una gea.

Hidingoto 3:10 ပူးပေါင်းရင်းမြစ်များ

Matiusu 14:35

De ona youtioka de o nyawa genangoka yamake abe naga o Yesusu de iwinii-niiki yangimoi de yahinooto yoboaka, ho o nyawa utu yomaketeade-ade ma titi manga boa hiadono ma abari gea imataiti imahikabarihi manga tonaka ma amokika hiadono mata-mata ihiorikoka. De duru ko itedekanuahi de o nyawa mata-mata ona yomulaengoka yaoino o Yesusino manga dodiawo de manga dutu abe yopopanyake la ato Una wahitogumu.

Lukasa 4:36

De ona mata-mata duru yokokiheranga de yomakoketemo ato, “Abeika Una naa ai dodotoko duru o fara moi! Angamoi Una wohuloko o tokatika de ai kuaha de ai buturungu de ena gea ka ihupu dika o nyawaino!”

Lukasa 9:43

De ona genangoka yakokimake o Yesusu ai heheranga ma datoro gea de duru yokokiheranga abe ma titi Ma Jou ai kuaha. De abe ma oraha o nyawa gea ka yomakoketemohi ma titi o Yesusu ai heheranga ma datoro wodiaioka, de Una wotemo iwinii-niikika. Ho Una wato,

Yohanese 5:20

Angamoi ahi Baba duru wohidora Ngohino ho wohihimatokoka to Una ai karajaanga mata-mata ingodumu Ngohino. Masara utuohi ilamoko wohihikarajaanga Ngohi naa hiadono ngini ahao niamake gea todiai de ko idadiokaua nitemo angamoi ka niherangaholi.

Yohanese 9:3

De o Yesusu wopaluhu onangika wato, “Masara ko ma titiua to una ai howono eko ai baluhu manga howono hiadono womaboa de worafioka. Hokonaa idadi unangika la ka idadi o nyawa yamake Ma Jou ai buturungu ai wowangoka.

Yohanese 9:8

Ho ona yogogere worafi-rafi ai tau ma datekoka de o nyawa utu abe ma dihirainohi iwimake womagaho-gahoko, ona genangoka yomakokeleha ato, “Naa una gea abe ma dihiraino worafi e? Abe ma ngoe himake wogogeruku la gea womagaho-gahoko ngoneino.”

Hidingoto 2:12

De ona duru yokokiheranga hiadono manga hiningaka ko yomamakeokaua. De yomakokeleha ato, “Ho naa done ma titi o kia?”

Hidingoto 2:7

De ona duru yokokiherangoka ho hiadono yomakokeleha ato, “Naa done sarakia? Angamoi abeika, ona gea mata-mata o Galilea ma nyawa,

Hidingoto 3:2

De abe ma oraha yomahitigi Ma Jou ai Tauika de naga womatengo wolugu-lugu wogogere Ma Jou ai Tau ma ngoranoka abe ihiromanga ato ma ngorana ma hohailoa. Angamoi o wange-wangeiye ai dodiawo iwiao de iwikelenga ma ngoranoka gea la ka idadi o tiwi womagaho-gahoko o nyawaino ma oraha yowohama Ma Jou ai Tauika. De wolugu-lugu gea ai lou womahidoboainohi, ho duru ma dekanoka woluguku.