Hidingoto 3:1 - Ma Jou ai Demo-demo o Totobelohoka

¹ De o wange moiuku de o Peturusu de o Yohanese ona yahinooto yoiki Ma Jou ai Tauika la ato yaniiki o niniata ma doomu abe o wange-wangeiye o bimaowaka de o nyawa yomatoomuino genangoka la yomaniata.

Hidingoto 3:1 ပူးပေါင်းရင်းမြစ်များ

1 Kokoano 18:36

De gea adonoka ma oraha abe o wange-wangeiye o bobimaowaka de o Isiraele ma nyawa yomahuba Ma Jou o Yaweiye. Ho o Elia yomarihimanga de o Isiraele ma nyawa de ona gea una waniata wato, “Ngona Ma Jou o Yawe, o Abarahaama ai Jou, de o Isaka ai Jou, de o Isiraele ai Jou, de naa togahoko Ngona nomahimatoko o nyawa mata-mataika nenangoka la ona mata-mata inihioriki abe Ngona naa o Isiraele ma nyawa manga Jou. De Ngona nahimatoko onangika abe ngohi naa igoungu to Ngona ani gilaongo de mata-mata naa abe todiaioka, ma titi gea ngohi taniiki to Ngona ani behehongo ngohino.

Higiriiri 55:17

O ngorumino, de o wange ikorona, de yofutuoka ngohi tomaniata, Tomagahoko duru de ahi huha ma ilingi Ma Jou o Yaweika, De ngohi duru tihioriki abe Una wohihigihene ngohi.

Matiusu 17:1

De o wange butaanga ipahaika de o Yesusu wao o Peturusu de o Yakobusu de o Yohanese abe to Yakobusu ai dodoto, de ona yaruange gea wao de wahihira-hira la yodoa daku o loku kohagurutiye.

Matiusu 26:37

De Una wao o Peturusu de o Sebedeusu ai ngofaka yahinooto o Yakobusu de o Yohanese la yomakiniiki de de Una. De yomahiadonika dokenangika de o Yesusu duru ai hininga ihuha hiadono ko womahimakeokaua ai hininga.

Matiusu 27:45

De o wange ikorona abe o takoro ngimoi de hinooto de o tonaka gea mata-mataika duru ifufutu hiadono o wange ikumurukiha abe o takoro hangeino.

Lukasa 1:10

Ho adonoka ma oraha abe kiani o manyanyi yatufuku de ahao o Sakaria wowohamika. De o nyawa mata-mata abe onangoo yomahuba Ma Jouiye, ona naga yomatoomuino Ma Jou ai Tau ma himanga ma loaka de yomaniata hoka manga biaha o wange-wangeiye abe nako ma oraha adonoka la o manyanyi yatufuku.

Lukasa 18:10

“Naga o nyawa yahinooto yoboridoa daku Ma Jou ai Tauiye la ato yomaniata. Abe womatengo una o Farisi ma nyawa de womatengoli una gea wotobagaho-gahoko o pajaka ma tiwi o nyawaika de ma ngoe warusi-rusi onangika.

Lukasa 22:8

De ma wange gea de o Yesusu wahibehehongo o Peturusu de o Yohanesika wato, “Ngini niloikohi de ninahidiaiohi nanga Totilakuru ma rame-rame ma ngolo-ngolomo la bootino ka idadi homakokutuono holomo.”

Lukasa 24:53

De gea o wange-wangeiye ona yoiki Ma Jou ai Tauika angamoi duru ka ihikaika iwihigiriiri Ma Jouika genangoka.

Yohanese 21:7

De una iwitobaniikino abe duru o Yesusu widora, wotemo o Peturusika wato, “Maraioka gea Una nanga Baluhu!” Ka de gea woihene de o Peturusu ai baju wagorakoka de womahidubuluino de ai baju ka ma moi angamoi manga karajaanga ma goronaka ho kanganoino ai baju wahuputoka. Ho womabajuku ibooto de womangumoka ma akeruku de o Yesusiha wotiboko.

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 10:30

De o Koroneliusu wopaluhu wato, “Ma futu iata abe o bimaowaka o takoro hange de ngohi naga ahi tauoka tomaniata. De ka itodokanino naga womatengo womaokoino ahi himangoka de ai baju duru de ma dararonoka.

Hidingoto 2:46

De o wange-wangeiye yomatoomuino Ma Jou ai Tau ma loaka la yomakutuono iwihigiriiri Ma Jouiye. De abe manga tau-tauoka ona ka ihikaika yomahohininga ma titi o Yesusu womahidoaka ai badanga. De nagali yomakutuono yolomo abe de manga hininga ma garago de manga hininga ma rorahaiino.

Hidingoto 3:3

Ho una wamake o Peturusu de o Yohanese ma oraha yoboaino la ato yowohamika, de womagahoko o tiwi onangino.

Hidingoto 3:4

De o Peturusu de o Yohanese iwidamaana wolugu-luguika gea de ahao o Peturusu witemo wato, “Nomalega ngomino naa!”

Hidingoto 4:13

De ahao manga hihira ma doomu gea ona duru yoheranga ma titi o Peturusu de o Yohanese manga domoroini abe manga demoino, angamoi yahioriki abe ona yahinooto ka o nyawa biaha dika abe ko yohakolaua. De ahao yongano-nganono abe ma titi ona yahinooto nengokadauino de ka ihikaika yomakiniiki de o Yesusu.

Hidingoto 5:25

De duru ma oraha gea de naga womatengo woboaino de wahingahu onangika wato, “Ona gea abe ngini niabui-bui, ma oraha naa naga ona gea doka Ma Jou ai Tauoka yadotokoli o nyawaika!”

Hidingoto 8:14

De ipahaino de o hidingoto ma nyawa o Yerusaleemoka yoihenino abe ma titi o Samaria ma nyawa yongaku Ma Jou ai Abari ma Rorahaiika, ho yahidingoto o Peturusu de o Yohanese genangika la yatutumu onangika.

Galatia 2:9

De ona gea abe nanga gogianongoru yahiromanga onangika ato manga gareja ma hihira abe onangohi yokurutiye o garejaka, ona gea o Yakobusu, o Peturusu, de o Yohanese. De ona yaruange gea yamake de yangaku abe Ma Jou igoungu wohihitagongoka ngohino ahi karajaanga naa, de gea mangale ma titi ai owa ngohino. Ho gea ma titi hiadono ona imidafongo ngohi de o Baranabasa angamoi ona ato ngomi de ona midadi mimaketedodiawoka de mimahikarajaanga moi ona de ngomi. De genangoka ngomi de ona mimakokadahi la gea ihitunguu abe ngomi imidafongoka. Ho ngomi de ona yaruange mimahininga moi ma titi mia borikarajaangoka, de ona gea imihigaro la ato ngomi ka migila-gilahi o Abari ma Rorahai miahingahu-ngahu ona abe ko o Yahudi ma nyawaikaua, masara onangoo gea to ona manga karajaanga o Yahudi ma nyawaika ona ihigila-gila.