Hidingoto 28:1 - Ma Jou ai Demo-demo o Totobelohoka

¹ De ngomi mata-mata mimahiadonoka ma dudungiha de ahao naga o nyawa imihingahu abe ma nuuhu gea ma romanga o Malata ma nuuhu.

Hidingoto 28:1 ပူးပေါင်းရင်းမြစ်များ

Hidingoto 13:6

De genangoka yadoto-dotoko ipahaino de ahao yotagi-tagi de o kapongo homoi-homoiika yotulu-tulu moduku la yahingahu-ngahu Ma Jou ai Demo-demoino o kapongo amomoiika. De gea yotagi-tagi ka hiadono ma nuuhu ma batingika abe ma kapongo ma romanga o Pafoso yomahiadonikaka. De genangoka yomakamake de o Yahudi ma nyawa womatengo abe ai romanga hinooto. Abe ai romanga moi o Yahudioka manga demo ato o Bara Yesusu, de moioli iwifetongo de o Yunani ma demo ato o Elimasa. De una gea wotobahouru de o dodiai o nyawaika, de womafetongo wato Ma Jou ai uru ma dodofanga masara ka woelu-eluku dika.

Hidingoto 16:10

De mangale ma titi ma himatoko gea ho ngomi naa imiruata mimaputuhoka miato kiani mimataiti misobo la mia hidumutu o Makedonia ma tonakika, angamoi duru miamao abe Ma Jou Una ma hirete womiahoko la ai Abari ma Rorahai miahingahu-ngahu genangoka.

Hidingoto 27:1

De ipahainoli de ma oraha adonoka la iwihidingoto o Paulusu o Roma ma kotaika abe o Italia ma tonakoka. De o Paulusu de o nyawa yamuruono naga utu abe onangoo yahidapakiti ma titi o pareta yatilakuru, ona yahitagongo o tentara ma hihira womatengoika la una wagoa-goana. De una gea ai romanga o Yuliusu, de una wodadioka o tentara manga doomu moi manga hihira. De ai doomu ma romanga ihiromanga ato o Koano wokokurutiye ai Tentara ma Doomu.

Hidingoto 27:26

Masara kiani nanga kapa naa ahao yoduhuputu de iwedere o nuuhu moiika.” Hokogea o Paulusu ai higaro ma demo ngomi mata-mataino.

Hidingoto 27:39

De ma wange ipotokaiha de ka idadi miamake ma dudungu, masara ngaro o kapa ma gogoana ma ko yananakoua abe gea ma tonaka eko ma nuuhu o kia ma ngigorino yamake. De ona yamake o leleoto moi abe naga de ma dowongioka abe yadatoko ma luluino ho ona yoigo ato ihidumutu ma kapa genangiha la yomahidutukiha ma dowongiha.

Hidingoto 27:44

De ona abe ko ihiorikua yotiboko, ona kiani yomalingirohi o papanga eko o kia dika naga o kapa ma kiahonangoka la idadi manga pupuda, de gea ka idadi yomapupuda ka hiadono dina ma dudungiha. De ipahaino de ngomi mata-mata mimahiadoniha abe ko moiua mihonenge o gahioka!